يۇمۇرلاردىن ھۆزۇرلىنىڭ .

گۇلزار

                                   
                                               يۇمۇرلاردىن ھۆزۇرلىنىڭ
                              
                                 

     پىيەنچۈكنىڭ ئۆيىگە قايتىشى

   بىر پىيەنچۈك ھاراقنى جىق ئىچىپ قويۇپ يولدا دەلدەڭشىگىنىچە ئۆيىگە قاراپ مېڭىۋېتىپ، يېنىدىن ئۆتۈپ كېتىۋاتقان بىر قىزچاقتىن سوراپتۇ:

   — بېشىمدا قانچا ھۇررەك بار ئىكەن؟

   ھودۇقۇپ كەتكەن قىز ئالدىراپلا:

   — ئۈچى باركەن، — دەپ جاۋاپ بېرىپتۇ.

   — ھە، — دەپتۇ پىيەنچۈك، — يەنە تۆت ئىستولبىدىن ئۆتسەم ئاندىن ئۆيۈمگە يېتىپ بارالايدىكەنمەن!
                                          
                              

            پىخسىق ئادەم

      پوزۇر كىيىنگەن بىر كىشى ئاشپۇزۇلغا كىرىپ ، بىر قاچا سۇيۇقئاش بۇيرۇتۇپتۇ ، تاماق كەلتۈرۈلگەندىن كېيىن چىنىدە بىر تال چىۋىننىڭ تۇرغانلىقىنى كۆرۈپ كۈتكۈچىگە دەپتۇ:
    — خانقىز، بۇ ئاشنى چىۋىن بىلەن تەڭ ئىچەمدىم؟
   — سۆلىتىڭىزگە قارىسا ئات تارتالمايدىكەن ، ئەمما تولىمۇ پىخسىق ئادەمكەنسىز، بىر تال چىۋىن قانچىلىك ئېشىڭىزنى ئىچىۋالاتتى!–دەپتۇ كۈتكۈچى پەرۋاسىزلا.

                           

                              
            ياخشى ئەر


   بىر ئەپەندى تۆت كوچا ئېغىزىدا يېشىل چىراغنىڭ يېنىشىنى كۈتۈپ تۇرغانىكەن، بىر تىلەمچى ماشىنا دېرىزىسىنى چېكىپتۇ:

   — ئەپەندىم، ئازراق سەدىقە بەرسىڭىز.

   ھېلىقى ئەپەندى ئۇنىڭغا بىرلا قارىۋەتكەندىن كېيىن، بىر تال تاماكا تەڭلەپتۇ:

   — مە، بۇنى ئال.

   — مەن تاماكا چەكمەيمەن، ئازراق پۇل بەرسىڭىزلا بولدى، — دەپتۇ تىلەمچى.

   — ئەمىسە ماشىنامدا پىۋا بار، ئازراق ئىچىپ قوي.

   — مەن ھاراق ئىچمەيمەن، ئازراق پۇل بېرىڭ.

   — مۇنداق بولسۇن: مەن سېنى ماجاڭخانىغا ئېلىپ باراي، پۇلنى مەن چىقىرىمەن، سەن قىمار ئوينايسەن، ئۇتۇۋالغان پۇل سېنىڭ بولسۇن.

   — مەن قىمار ئوينىمايمەن، ئازراقلا پۇل بەرسىڭىز بولدى.

   — ئەمىسە سېنى ھورداقخانىغا ئېلىپ بېرىپ تازا بىر تاماشا قىلدۇراي، پۇلى مەندىن.

   — مەن ئاياللارغا قانات سۆرىمەيمەن، ئازراق پۇل بەرسىڭىزلا بولىدۇ.

   — ئۇنداقتا، ماشىنامغا چىق. مەن سېنى قىز دوستۇمنىڭ يېنىغا ئاپىرىپ ئۇنىڭغا تاماكا چەكمەيدىغان، ھاراق ئىچمەيدىغان، قىمار ئوينىمايدىغان، ئاياللارغا قانات سۆرىمەيدىغان ياخشى ئەرنىڭ زادى قانداق بولىدىغانلىقىنى بىر كۆرسىتىپ قوياي.

                                

            توي قىلىش خىيالى
      يېڭى توي قىلغان بىر جۈپ ياش بولۇپ ، بىر كۈنى ئەر ئايالىغا دەپتۇ :
     — قەدىرلىكىم ، ئەتە بىر بويتاق دوستۇم ئۆيىمىزگە مېھماندارچىلىققا كەلمەكچى .
    — بۇ نېمە قىلغىنىڭىز ! ئۆينى تازىلىمىغىلى ئۈچ ئاي بولدى ، يۇيۇلمىغان قاچا–قۇچىلار ، كىر– قاتلار دۆۋىلىنىپ كېتىپتۇ ، ئۇنىڭ ئۈستىگە باشقىلارنىڭ ئاغزىغا تېتىغۇدەك بىرەر قاچا ئاشمۇ ئېتەلمەيدىغان تۇرسام.
    — بۇلارنى ئوبدان بىلىمەن.
   — بىلىپ تۇرۇپ نېمە ئۈچۈن مېھمان چاقىرىسىز ئەمىسە؟
   — ئۇ ھاماقەت توي قىلىمەن ، دەپ ئالدىراپ بەكلا خۇشال بولۇپ كېتىۋاتىدۇ

                           

ئوتلۇق

بەك قىززىق يۇمۇرلاركەن بۇ . بۇلۇپمۇ ئاخىرقىسى .....

umid0998

ئاخىرقىسى بەك قىزىقارلىق ئىكەنغۇ، كۇلۇپ ئۇچەيلىرىم ئۇزۇلۇپ قالاي دىدى،،،،،،،

راۋاپچى

سەت كۈلۈۋەتتىم جۇما،راس دەيمەن.رەخمەت سىزگە گۈلزار خانىم ياخشى يۇمۇرلارنى نەدىن تىپىۋاتىسىزكى؟؟؟مەندىنمۇ جىق سۇرۇنغا بارامسىزنىمە؟چاقچاق جۇمۇ؟

ئامان

ھەقىقەتەن قىزىقارلىق يۇمۇرلار ئىكەن، ھاۋانىڭ دىمىق ئىسسىغىدا نادىر يۇمۇرلىرىڭىز ئارقىلىق كۈلكە ئاتا قىلغىنىڭىزغا كۆپ رەىمەت، گۈلزار خانقىز.

مەرىپەت

ھەقىقەتەن قىزىقارلىق يۇمۇرلاركەن...

زەپەر

ھەقىقەتەن قىزىقارلىق يۇمۇرلار ئىكەن،