بايقاش مۇنبىرگە تېما يوللاش جەھەتتە:

زەپەر

                                   بايقاش مۇنبىرگە تېما يوللاش جەھەتتە:


بايقاش  مۇنبىرى ئېچىلغاندىن تارتىپ تا بۈگۈنگە كەلگۈچە دوسىتلىرىمىز ئۆزىنىڭ چوڭقۇر مېھرى-مۇھەببىتى بىلەن ئاز بولمىغان نادىر ئەسەرلىرىنى مۇنبەرگە يوللاپ ، مۇنبەر ئەسەرلەر سەھىپىسىنى بېيىتىپ كەلدى ، نادىر ئەسەرلەرمۇ كۈنسېرى ئېشىۋاتىدۇ .
ئەمما ، ئارىمىزدا بىر تاللا ناخشىنى ، بىر-ئىككى كۇپلېت شېئىرنى ياكى تۆت-بەش تاللا سۈرەت ، بىر-ئىككى قۇر ئېلانلار نى تېما  قىلىپ يوللايدىغان بالىلارمۇ يوق ئەمەس ، بۇنىڭغا قاراپ ئادەمنىڭ ئىچى پۇشۇپ كېتىدۇ ، تەستىقلاي دېسە تايىنى يوق ، تەستىقلىماي ئۆچۈرىۋېتەي دېسە يوللىغۇچىلارنىڭ « مېنىڭ تېمامنى نېمىشقا تەستىقلىمايدۇ ، ئانداغەي –مۇنداغەي ...» دېگەندەك يۇڭ پاراڭلىرىدىن ئەندىشە قىلىپ يۈرگەن . ئادەمگە تەڭلىك بوپكېتىدىكەن .
ياخشى بولسىغۇ ھەممەيلەن تەستىقلىغىلى ئالدىرايدۇ .
ئەلۋەتتە ، بەش بارماق تەڭ ئەمەس ، ھەممە كىشىنىڭ يازما سەۋىيىسى ، ئىجتىمائى تۇرمۇشنى كۆزىتىشى ئوخشاش بولمايدۇ . ئارىمىزدىكى بەزى بالىلار مەتبۇئات يۈزىگە بېرىلگەن ئەسەرلەردىنمۇ ياخشى يازىدۇ ، ئەمما بەزىلىرىمىز تېخى يېڭى ئۈندۈرمە . ( مۇنبەردە پىشىپ قالساق ئەجەپ ئەمەس ) .
ئۆزىمىز كېلىشتۈرۈپ يازالمىساق ، ئېسىل كىتابلار –ژۇرناللاردىن پايدىلىق دەپ قارىغان يازمىلارنى ئەكەلسەكمۇ بولىدۇ .  
باشقا مۇنبەرلەردىن ئىلاجى بار يازما كۆچۈرۈپ ئەكەلمەيلى ، ئەكېلىشكە توغرا كەلگەندىمۇ شەخسىي ئەسەر بولسا ماقۇللىقىنى ئالغاندىن كېيىن ، ئەسلى مەنبەسى-ئاپتورىنى ئەسكەرتىپ ئاندىن كۈچۈرەيلى . مۇمكىنقەدەر ئىجادىيلىققا ئەھمىيەت بەرسەك .بۇنىڭدىن كېيىن مەنبەسى يوق تېمىلارنى تەسىقلىماسلىق  .  
بۇ ئىشقا ئەھمىيەت بەرمىسەك باشقا تور بەتلەر بىلەن ئارىمىزدا زىددىيەتلەر تۇغۇلىدۇ . بىزگە لازىمى -ھەممە قېرىنداشلىرىمىزنىڭ تەرەققىياتى .
قىسقىسى –ھەر بىرىمىز  بايقاشنىڭ  گۈللەپ –ياشنىشى ، تور دۇنياسىدا ئەڭ نادېر تور بېكەت بولۇپ قۇرۇلۇشى ئۈچۈن تېگىشلىك ئەجىر سىڭدۈرەيلى .
قالغان كام تەرەپلەر بولسا مۇنبەردىكى دوسىتلار بىلەن داۋاملىق ئورتاقلىشىمىز نى ئۈمۈت قىلىمەن


زەپەر

2012- يىلى 7-ئاينىڭ 28- كۈنى

umid0998

سۆزلىرىڭىز ئورۇنلۇق بۇرادەر،  مۇنبەر تىللاسىنى كۆزلەپ تىما يوللايدىغانلارمۇ يوق ئەمەس، بىزنىڭ مۇنبەرگە سانلا لازىم ئەمەس، ئەڭ مۇھىمى سۇپەتتۇر. شۇڭا تورداشلارنىڭ تىما يوللىغاندا سۇپەتلىك تىمىلارنى يوللىشىنى ئۈمىد قىلىمەن.

بۇغداي

ئەھمىيەتسىز ئەخلەت تىمىلارنى قەتتى تەستىقلىماسلىق كىرەك . تىما يوللۇغۇچىلارمۇ بۇنداق ئىشلارغا دىققەت قىلساق. بار ئەملىيەتنى يىزىپسىز . بۇندىن كېيىن مەنمۇ دىققەت قىلىمەن.  رەخمەت سىزگە!

ئامان

بۇرادەر:
ياخشى يېزىپسىز، بىراق

بايقاش مۇنبىردىكى باشقۇرغۇچى يولداشلار ۋە بارلىق تورداشلارغا
بايقاش مۇنبىرگە تېما يوللاش مەسىلىسى جەھەتتە
يېزىق-ئىملا جەھەتتە
بايقاش مۇنبىرىگە ئىنكاس يوللاش جەھەتتە

قاتارلىق بۇ تۆت تېمىڭىزنى بىرلەشتۈرۈپ، بىر تېما قىلىپ يوللىغان بولسىڭىز بوپتىكەن، تەكرارلىق كۆپ بۇلۇپ كېتىپتۇ.

زەپەر

بۇلىدۇ .چۇقۇم شۇنداق قىلايچۇ .

گۇلزار

ياخشىمۇسىز .  دىگەنلىرىڭىز توغرا .  ھەر بىرئەزا سىز ئېيتقان بۇ مەسىلىلەرگە ئالاھىدا دىققەت قىلىشى  كېرەك .

ئەجرىڭىزگە كۆپ رەھمەت .

火山

مۇشۇ مەنبەنى ئەسكەتىش توغرىسىدىمۇ تازا بىر قۇرساق كۆپۈكۈم بار
نېمە دېسەڭلار بىز مەنبەسىنى ئەسكەرتىپ يوللىساق باشقا مۇنبەرلەر كۈچۈرۈپ ئۇلارمۇ شۇ مەنبەنى دىۋالىدىكەن !بىز دە بار كىتاپ ئۇلادىمۇ بار دە!
شۇڭا دەيمەن ئەگەر كىتاپتىن ئۆزىمىز مېڭبىز جاپادا باسقان ماتېريال بولسا مەنبە يازمىساق!
بۇ مېنىڭ شەخسى پىكىرىم !