ئىنتىزار بوپ ھەر كۈنى سەھەر

كەۋسەر

ئىنتىزار بوپ ھەر كۈنى سەھەر ،
گۈزەل جانان يولۇڭغا پەقەت .
سېغىنىشلار بارىدۇ ئېشىپ ،
بىر سېنىلا سۆيىمەن قەۋەت .
  

مېھرى ئىللىق گۈزەل سەھرا قوينىدا ،
بىر تاتلىق تۇيغۇدا ئۈزىدۇ قەلبىم .
سەلكىن شامال توزۇتقاندا خىيالىم ،
مېنى سەنمۇ شۇچاغ ئويلىدىڭ بەلكىم .

  
بىر جايدا ياشايمىز كۆرۈشۈپ ئەمما ،
ئۈن-تىنسىزلا ئۆتۈپ كېتىمىز .
يۈرەكتە چاپچىيدۇ ئەركە ھېسسىيات ،
شۇ چىغىر يوللاردا قالار ئىزىمىز .

  
ھايالىق باقىسەن بەزىدە سەنمۇ ،
كىرپىكىڭ يۈرەككە قادالغان بىر ئوق .
ئىزتىراپ چېكىمەن ئىشەنسەڭ جانان ،
بىغۇبار قەلبىمدە باشقا گۇمان يوق .
  

تەشنالىق ئىلكىدە ئۆتتى بۇ چاغلار ،
مەن كۆيگەن شۇ ياردىن بولماستىن خەۋەر،
مۇڭلۇق كۈي ناۋاسى ئاتەش قەلبىمدە .
تۈن كېچە قوينىدا يىراققا كېتەر.

  
تۇتقىن ئەي گۈل يۈزلۈك ، سۆيگۈ شارابى ،
ئىچەي مەن تولدۇرۇپ قېنىپ بىر مەرتەم .
تولۇنئاي پەلەكتە ئۈزىدۇ تەنھا ،
قەلبىنى ئورىغان بىر قۇياش ئەلەم .

مەنبە-ئۆزۈمنىڭ يازمىسى

زەپەر

كەۋسەر ئەپەندىمسىز ئۈزىڭىزنىڭ ئىجادىي شىئېر يازمىللىرىڭىزنى مۇنبەرگە يوللاپتۇرغىنىڭىزغا  مۇنبەر نامىدىن سىزگە كوپ تەشەككۈر .بىلدۈرمەن .

دىلكەش

داۋاملىق يېزىپ تۇرشىڭىزنى ئۆمۈت قىلمەن