بويتاق ‹‹ بويتاقلار ئوقۇپ بىقىڭلار»

bahar

بويتاق«نەسىر»  
-بويتاق ئادەم تاشلاندۇق ئۆيگە ئوخشايدۇ،-دىدى بىرسى ماڭا مەنىلىك ھالدا.
   -نىمە ئۈچۈن ئۇنداق دەيسەن؟ئۇمۇ ئۆز نۆۋىتىدەخۇددى بىر تۈپ تەنھا قارىغايدەك باشقىلارنىڭ دىققىتىنى تارتىدىغۇ؟
   - ياق ئۇ سەلتەنىتىنى يوقاتقان تاشلاندۇق ئوردا،ئۇ يەردە تۇرىدىغان ئادەم بولمىغانلىقى ئۈچۈن،بارا -بارا زەي بىسىپ،خارابىگە ئايلىنىدۇ.يىللارنىڭ ئۆتۈشى بىلەن،ئۇيەرگە بارىدىغان ئادەم بولمايدۇ،شۇنداق قىلىپ كىشىلەر ئۇنى ئاستا-ئاستا ئۇنتۇيدۇ.
   -بويتاق ئادەم خۇددى پورەك ئاچقان بىرتال گۈل،ھەممە ئۇنىڭغا ئىنتىلىدۇ،-دىدىم مەنمۇ بوش كەلمەي.توغرا دەيسەن،- دىدى يەنە بىرەيلەن سۆز قىستۇرۇپ،-ئۇ پەقەت بىر تاللا گۈل بولغاچقا،ھەر قانچە چىرايلىق بولسىمۇ،گۈلزار ئاتالمايدۇ.شۇڭا كىشىلەر ئۇنى سەيلە قىلمايدۇ،پەقەت شۇنداقلا بىر قاراپ قويۇپ يولىغا راۋان بولىدۇ.ناۋادا ئۇبىر گۈلزارلىق بولسىچۇ؟ئۇ نۇرغۇن كىشىلەرگە گۈزەللىك ئاتا قىلالايدۇ،ئۇ يەرگە بارىدىغانلارنىڭ ئايىغى ئۈزۈلمەيدۇ........
   -بويتاق ئادەم-سىرلىق خەزىنىنىڭ ئاچقۇچىغا ئوخشىشدۇ،،-دىدىممەن يىڭىلگىنىمگە تەن بەرمەي.-توغرا-دىدى يەنە بىر كىشى،-ئۇ ئاچقۇچ ھىچقانداق قۇلپىغا چۈشمەيدۇ،چۈنكى،ئائىلىدىن ئىبارەت جاھاۋىرات ۋە تىېرەن مەنىلەرگە لىق تولغان خەزىنە ئۇنىڭ ئۈچۈن مەڭگۈلۈك تاقالغان.
    -بويتاق-كۆكتىكى يورۇق يۇلتۇز ،-دىدىممەن ئۇلارغا رەددىيە بىرىپ.-راسىت،-دىدى بارماقلىرى موخۇركا ئىسىدىن سارغىيىپ كەتكەن بىر دارازا،-ئۇ بىز دائىم كۆرۈپ تۇرىدىغان ۋە گۈزەل ئىستەكلەر ئىلكىدە تەلپۈنىدىغان چىرايلىق كىچە ئاسمىنىدا يوق، بىزنىڭ بىرلا يۇلتۇز چاقنايدىغان گۇنۇس كىچە بوشلۇقىنى تاماشا قىلغۇمىز يوق!ئىسىڭدە بولسۇنكى،كىچە ئاسمىنى سان- ساناقسىز ئاشۇ يورۇق يۇلتۇزلىرىنىڭ جىمىرلىشى بىلەن ئادەمنى مەھلىيا قىلىدۇ.
     -بويتاق ئادەم ھىچقانداق ئاھاڭغا چۈشمەيدىغان غەلىتە ئاۋازغا ئوخششىدۇ،-دىدى جىمجىت ئولتۇرغان بىرىمۇ گەپ قوشۇپ،-بۇنداق ئاۋاز بىلەن بىر كۈي ئورۇنلىغىلى بولمايدۇ.ئۇنداق ئاۋازدا ئورۇنلانغان ناخشىمۇ قۇلاققا ياقمايدۇ.
    -بويتاق ئادم-كىشىلەرنىڭ ئىسىدىن كۆتۈرلۈپ كەتكەن يىپەك پەلەيگە ئوخشىشىدۇ.-بويتاق-ۋاقتى ئۆتكەن زايوم،ئوبۇرۇتتىن قالغان چوڭ سوممىلىق پۇل.-بويتاق- بارسا كەلمەس يول.-بويتاق-قاراڭغۇ ئۆڭكۈر.
    -بويتاق-بىرلا ھەرىپتىن تۈزۈلگەن ئېلىپبە،ئۇنىڭ بىلەن ھىچبىر مەنىنى ئىپادىلىگىلى بولمايدۇ.-بويتاق-ئاچ ئەرۋاھمۇ يىيىشنى خالىمايدىغان زەيتۇن نان.
     -بويتاق-مۇھەببەتلىك كىشىلەرنىڭ ئۆچلۈكىنى قوزغايدىغان ئاۋات رەستە.-بويتاق-چۈشەنگىلى بولمايدىغان ئۈندەش بەلگىسى.-بويتاق-...........-بويتاق-ھەركىمنىڭ غەزىپىنى قوزغايدىغان يىقىمسىز تەبەسسۈم.
                       مەنبە:جۇڭگۇ مىللەتلىرى،2008.يىللىق2.سانىدىن

admin

خۇداغا شۇكرى، ھەرنىمە بولسا بويتاقلىقىمنى ئاللىقاچان ئاخىرلاشتۇرۇپ بوپتىمەن.ۋاقتى ئۆتكەن پۇل بولۇشنى كىممۇ خالىسۇن؟

火山

باھار قىزنىڭ بېتىمىزگە مۇشۇنداق ياخشى تېمىلارنى يوللىغىنىغا رەھمەت

bahar

火山 يوللىغان ۋاقتى  2011-8-19 23:05
باھار قىزنىڭ بېتىمىزگە مۇشۇنداق ياخشى تېمىلارنى يوللى ...

سىزگىمۇ كوپ رەھمەت....