يۇپۇرماق ئىزدەش ( ھېكمەت )

گۇلزار

                          يۇپۇرماق ئىزدەش ( ھېكمەت )
                           

بىر پىشقەدەم راھىپ ئىككى شاگىرتى ئىچىدىن بىرىنى ئۆزىگە ۋارىسلىق قىلىپ تاللىماقچى بوپتۇ .
بىر كۈنى پىشقەدەم راھىپ شاگىرتلىرىغا :
- سىلەر سىرتقا چىقىپ بىر تالدىن چىرايلىق يۇپۇرماق تېپىپ كېلىڭلار ، - دەپتۇ .
ئىككى شاگىرت يولغا چىقىپتۇ .
ئۇزاق ئۆتمەي چوڭ شاگىرتى قايتىپ كېلىپ ، ئۇستازىغا ئانچە چىرايلىق بولمىغان بىر تال يۇپۇرماقنى سۇنۇپتۇ ۋە ئۇنىڭغا :
- بۇ يۇپۇرماق ئانچە چىرايلىق بولمىسىمۇ ، ئەمما بۇ مەن كۆرگەن يۇپۇرماقلار ئىچىدىكى ئەڭ چىرايلىق ئىكەن ، - دەپتۇ .
ئىككىنچى شاگىرت شۇنچە ئۇزۇن ئىزدەپمۇ ئۆزىگە يارىغۇدەك يوپۇرماق تاپالماي قۇرۇق قول قايتىپ كەپتۇ ۋە ئۇستازىغا :
- مەن نۇرغۇن يۇپۇرماقلارنى ئۇچراتتىم ، بىراق ھەر قانچە قىلىپمۇ ئەڭ چىرايلىقىنى تاپالمىدىم ، - دەپتۇ .
نەتىجىدە پىشقەدەم راھىپ چوڭ شاگىرتىنى ۋارىسلىققا تەيىنلەپتۇ .

ھېكمەت :
  پۇتۇن ئەس - يادى بىلەن گۈزەللىك قوغلىشىش ئاخىرىدا ئادەمنى ھەممىدىن قۇرۇق قويىدۇ . كىشىلىك ھاياتتىكى نۇرغۇن تىراگېدىيەلەر بەزى كىشىلەرنىڭ ھەددىدىن ئارتۇق گۈزەللىك قوغلىشىپ ، ئاددى تۇرمۇشقا سەل قارىغانلىقتىن چىققان . ئەمىليەتتە ئاددىي تۇرمۇش ئىچىگە نۇرغۇن ئۇلۇغلۇق ۋە مۆجىزىلەر يوشۇرۇنغان بولىدۇ . ھالقىلىق مەسىلە دەل سىزنىڭ ئۇنىڭغا قانداق مۇئامىلە قىلىشىڭىزدا .

                     

dilsiri

تەربىيۋىي ئەھمىيتى كۈچلۈككەن، مۇشۇنداق ئىسىل تىمىلىرىڭىز مۇنبەردىن ئۈزۈلۈپ قالمىسۇن،رەھمەت

admin

بۇنىڭغا ئالتۇنغا بەرگۈسىز قىممەتلىك ھېكمەتلەر يۇشۇرۇنغان ئىكەن. ھەرقانداق نەرسە مۇكەممەل بولمايدۇ. مۇكەممەللىكنى قوغلىشىدىغانلار بىرئۆمۈر خۇشال بۇلالمايدۇ،  بەخىتلىك بۇلالمايدۇ.

asrar

راھىپ چىرايلىق يۇپۇرپاق ئىلىپ كىلىشنى ئۇتتۇرىغا قويغان ،بىرىنچى راھىپ يۇپۇرماق ئەپكەلگەن .ئەمما ئەكەلگەن يۇپۇرمىقى چىرايلىق ئەمەس،گىپى چىرايلىق .شۇڭا «چىرايلىق »گەپ قىلىشنى ئۆگۈنىۋىلىش كېرەك.

راۋاپچى

بۇغداي نىنىڭ بولمىسا،بۇغداي سۆزۈڭ يوقمىدى دىگەندەك..........

火山

شۇنداق ياخشى مەزمۇنلۇق ھېكمەت ئېكەن! كۆپ رەھمەت سىزگە !
ھەددىدىن زىيادە مۇكەممەل بۇلۇشنى قوغلىشىش ياخشى ئەمەس

بۇغداي

سەھەردە بەنە بىر بىلىمگە ئىگە بولدۇم. رەخمەت سىزگە.

زەپەر

تەربىيەۋىي ئەھمىيتى بەك يۇقىرىكەن رەخمەت سىزگە.