ئىمكانسىز خىيال

كەۋسەر

ئىمكانسىز خىيال

كەۋسەر

قەلبىمدە قىيغىتار گۈزەل بىر ئارمان ،
ئۇ تىنماي چاپىدۇ ئازاب ئىچىدە .
تاپالماي قالىمەن دەردىمگە دەرمان ،
تېخىچە ئويغاقمەن تەنھا كېچىدە .

مەن گويا ھۇقۇشتەك ئەنسىز بىر خىيال ،
تەشۋىشنىڭ ئەسىرى يارالغان شۇنداق .
روھىمدا تىپتىنىچ كېزەر باياۋان ،
نىگاھىم ئالدىدا ھەممە قۇپقۇرۇق .

لاۋۇلداپ كۆيمەكتە ئەسلىمە بېتى ،
ئىلگىرى ھېچقانداق ياشاپ باقمىغان .
قەبرىگە كۆمۈلگەن ئۈمىدىم –غايەم ،
مەن تىنىق كۆل سۈيى ئەركىن ئاقمىغان .

توزىغان گۈل بەرگى ، توزىغان ھايات ،
مۇڭ باسقان چېھرىمدىن تامىدۇ ھەسرەت .
يالغۇزلۇق قۇرت كەبى غاجاپ تېنىمنى ،
ئىمكانسىز سۆيگۈگە قىستايدۇ پەقەت.

sawda

بەك ياخشى شېئىر يوللاپ سىز ئادەمنى چوڭقۇر ئويغا سالىدىكەن رەخمەت سىز گە

گۇلزار

كەۋسەر كەبى شېئىرلىرىڭىزنى ئاخىرى كۆردۇق رەھمەت سىزگە . كۈيلىرىڭىز ئۈزۈلۈپ قالمىغاي .

火山

شۇنداق ياخشى يېزىلغان شئېرلار بىلەن بىزنى تەمىن ئەتكىنىڭىزگە كۆپ رەھمەت ياخشى يېزىپسىز