يوپيورۇق كارىۋاتتىكى چۈش
ئادىل تۇنىياز
جىمجىتلىققا ئايلىناي دېسەم ،
قەلبىم توشۇپ كېتەر ئاۋازغا .
غازاڭلاردەك پىلدىرلاپ چۈشۈپ ،
يەنە بىر چۈش قوندى كارىۋاتقا .
قانىتىنى كېرىپ بېلىقلار
بىر-بىرىنى قوغلىغان پېتى
ئۇچۇپ كەتتى تىنىق سەھراغا .
دوپپىسىغا پادىچى بالا
تۇخۇم يىغار قومۇشلۇق ئارا .
تۇمان گۈلى ئېچىلىپ قالغان
تېرەكلەرنىڭ چىڭ چوققىسىدا .
قەلىمىمنىڭ ئۇچىدىن
بىر پەرىزات چۈشۈپ قەغەزگە
قەغەز بولۇپ قالدى بىر پەستە .
قەيەردىندۇر كەلگەن بىر خىيال
ماڭا قاراپ ھىجىيىپ تۇرار .
يىغلاپ قالدىم توساتتىن ئۈنسىز
كۈلمەك بولسام كېرەك ئېھتىمال .
يالىڭاچ نۇر كېلەر مەن سايان
ئېھ ، شۇ قەدەر غېرىب بۇ جاھان .
مەن ئۆزۈمنىڭ تەنھالىقىدىن
مۆكۈنگىدەك دالدا تاپالماي
يېلىنىمەن ساڭا ئەي ئايال .
يىراق قۇش قانىتىدەك
يوىتىسى بار ئاياللار ...
ئۇچۇپ يۈرەر كېپىنەكتەك چۈش
تاتلىق چۈشنىڭ مەسىتخۇشلىقىدا
مامۇق تەنلەر قوندى كارىۋاتقا .
1991-يىل 4-ئاي
« بويتاق شائىرنىڭ مەخپىيىتى » دىن ئېلىندى . | 
قىزغىنلىق
تىللا
تۆھپە
شۆھرەت
يوللىغان ۋاقتى 2012-7-25 17:31:58
يوللىغان ۋاقتى 2012-7-25 19:03:10
