- تىزىملاتقان
- 2012-5-23
- ئاخىرقى قېتىم
- 2012-10-20
- ھوقۇقى
- 100
- جۇغلانما
- 10206
- نادىر
- 3
- تېما
- 133
- يازما
- 927
  
- يوقلىما
- 124
 قىزغىنلىق- 2699 سەر
 تىللا- 435 دانە
 تۆھپە- 1645 سەر
 شۆھرەت- 1786 سەر
         
| ياشلار ئۈچۈن ئۈزۈندىلەر
l قابىل شەخىس بولىمەن دەيدىكەنسىز، پەقەت ئۆز رەقىبىلىرىڭ ياكى كەسىپداشلىرىڭنى بېسىپ چۈشەلىسەڭلا كۇپايە، شۇ چاغدا باشقىلارنىڭ كۆزىنى چاقنىتالايسەن.
l سەن زېممىڭدىكى ئارتۇقچە يۈكلەرنى ئېلىۋېتىپ سىناپ باق، شۇ چاغدا يېڭى بىر بايقاشقا ئېرىشىسەن.
l يىراق ۋە يېقىندىكى ئېھتىياجىنى تەڭشىيەلمىگەن ئادەم بىلەن تەسەۋۋۇر بوشلۇقى بولمىغان ئادەم بەختىيار ئادەم سانالمايدۇ.
l سەن باشقىلارنىڭ ئەقىل – پاراسىتى ۋە جاسارىتىدىن ھالقىپ كەت، بولمىسا ئاچلىقتىن ئۆلىسەن ياكى باشقىلارغا يەم بولۇپ كېتىسەن.
l دۈشمەننىڭ تەھدىتى ئادەمنىڭ ۋۇجۇدىدىكى يۇشۇرۇن كۈچىنى قوزغىتىپ، كىشىنى ھەيران قالدۇرىدىغان نەتىجىلەرنى يارىتىشقا مەجبۇر قىلىدۇ.
l ئەگەر بىز تېخىمۇ بەخىتلىك ياشايمەن دەيدىكەنمىز، باشقىلارغا مىھرى - مۇھەببەت ئاتا قىلىشتىن ئىبارەت بۇ ئۇلۇغ پەزىلەتكە مۇراجىئەت قىلىشىمىز كېرەك.
l بۇ جەمئىيەتتە مەۋجۇت بولۇپ تۇرىمەن دەيدىكەنسەن، چوقۇم تۈلكىدەك ھۇشيار بول، ‹‹ خاتا بېسىلىپ قالسا بىر قەدەم، ئېلىپ كېلەر كىشىگە مەڭگۈلۈك ئەلەم ›› دېگەن ساۋاقنى يادىڭدا چىڭ تۇتۇ.
l سەن گەپنى قانچە ئاز قىلساڭ، شۇنچە قالتىس ھەم سالاپەتلىك كۆۈرۈنىسەن. ناۋادا سەن مۇھىم ئۇچۇرلارنى ئىھتىياتچانلىق بىلەن تىزگىنلىيەلىسەڭ، ئۇلار سېنىڭ مەقسىتىڭنى بىلىشكە ئامالسىز قالىدۇ.
l ھەقىقىي دانا كىشىلەر باشقىلارنى ئۆزىگە رەھمەت ئېيىتقۇزۇشقا ئەمەس، بەلكى ئۆزىگە ھاجەتمەن قىلىۋېلىشقا ئەھمىيەت بېرىدۇ.
l مۇۋەپپەقىيەت قازانغان چاغدا بىز تەنتەنە قىلىمىز – يۇ، ئەمما ئۇنىڭدىن تېخىمۇ يېڭى ئىلھاملارنى ئىزدەپ باقمايمىز، مەغلۇبىيەت گەرچە بىزنى زەخمىگە ئۇچراتسىمۇ، ئەمما ئۇ بىزنى ساۋاققا ئىگە قىلىدۇ.
l مۇھەببەت ئىنسانلارنىڭ مەڭگۈلۈك تېمىسى، تۇرمۇش شۇنىڭ بىلەن مەزمۇن تاپىدۇ. كىشلىك ھاياتتىكى بۇ ئەڭ قىممەتلىك بايلىقنى چوقۇم قەدىرلىگىن ھەم ئاسرىغىن .
l نۇرغۇن كىشىلەردە مېھىر – مۇھەببەت بولسىمۇ، ئەمما ئۇنى ئۆز ئەمەلىيتىدە كۆرسەتمەي، ئىچىدە سېسسىتىپ تاشلايدۇ، ھەتتا ئەڭ جىددىي پەيىتلەردىمۇ بەخىرامان قىياپەتكە كىرىۋالىدۇ.
l ئادەم ئۆزىدىكى ئارتۇقچىلىق ۋە كەمچىلىكلەرنىڭ ئوخشىمىغان شارائىتتا ئۆزىگە نىسبەتەن قانداق مەنىلەردىن دېرەك بېرىدىغانلىقىنى تولۇق چۈشىنىپ يېتەلىسە، ئۇنى مۇكەممەللىككە ھەممىدىن بەك يېقىنلاشقان ئادەم دېيىشكە بولىدۇ.
l تۇرمۇشتا ساڭا تەسىر كۆرسىتىدىغىنى سېنىڭ ئىچكى دۇنيارىڭ، سېنى ئالغا ئىلگىرلىتىدىغان ھەرىكەتلەندۈرگۈچى كۈچ بولسا، ئۆزۈڭدىكى ئەۋزەللىكتۇر.
l نۇرغۇن كىشىلەر ئۆزىنىڭ ئاچكۆزلۈكى ۋە دۆتلۈكىنى يوشۇرۇش ئۈچۈن يالغان گەپ قىلىدۇ، ئەمەلىيەتتە بىلىپ – بىلمەيلا ئۆز ماھىيتىنى ئاشكارىلاپ قويىدۇ.
l ھايات – بىر مەيدان توپ مۇسابىقىسىدۇر، ئەڭ ياخشى كوماندىنىڭمۇ ئۇتتۇرۇپ قويىدىغان ۋاقىتلىرى بولىدۇ، ئەڭ ناچار كوماندىنىڭمۇ شەرەپ قۇچىدىغان مىنۇتلىرى بولىدۇ. بىزنىڭ نىشانىمىز ئامال بار كۆپرەك ئېرىشىش، ئازراق قۇربان بېرىشتۇر.
l ناۋادا سەن سۆيۈشكە، ئەپۇ قىلىشقا ۋە باشقىلارنىڭ بەختىگە زوقلىنىشقا ھەمدە ئۆزۈڭنى ئوراپ تۇرغان ھەر خىل مۇھەببەتلەرنى قەدىرلەشكە جۈرئەتلىك بولساڭ، ئۇ چاغدا باشقىلار ئېرىشىپ باقمىغان مۇكەممەللىكە مۇيەسسەر بولالايسەن.
l كىشىلىك جەمئىيەتتە ھەرقانچە ئوڭۇشسىزلىققا ئۇچرىساڭمۇ، ھىسياتىڭىنى ئازابلىق قىياپەت بىلەن ئىپادىلەپ يۈرمە، بۇ سېنىڭ يامان تەقدىرنى ئۆزگەرتىشىڭگە پايدىسىز بولۇپلا قالماستىن، بەلكى يەنە باشقىلارغا كۈلكە بولۇپ بېرىدۇ.
l ئۈمىدسىز ئىدىيىنىڭ ئورنىغا ئۈمىدۋار ئىدىيىنى دەسسەتسەڭ، ئۆزۈڭنى يۈز بېرىپ بولغان كۆڭۈلسىزلىكلەرنىڭ غەم – ئەندىشىسىدىن خالاس قىلالايسەن.
l دۇنيادا بەخىتسىزلككە ئۇچرىمايدىغان ئادەم يوق، بەخىتسىزلىك بىر تەرەپتىن ئىنسانلارنىڭ قەلبىگە خۇددى دېڭىز دولقۇنىدەك زەربە بىلەن ئۇرۇلسا، يەنە بىر تەرەپتىن ھەيكەلتاراشلارغا ئوخشاش ئىنسانلارنىڭ روھىي دۇنياسىنى يېڭىباشتىن يارىتىدۇ.
l ئوخشاش مۇھىت ۋە ئوخشاش كەچۈرمىش ئىچىدە چوڭ بولغانلارنىڭ بەزىلىرى ئۆزىنى بەخىتلىك ، يەنە بەزىلىرى ئۆزىنى بەخىتسىز دەپ ئويلايدۇ. ھەر ئىككىسى دېرىزىدىن تەڭلا سىرتقا قارىغىنىدا بىرى يۇلتۇزلارنى كۆرىدۇ، يەنە بىرى لاي – لاتقىلارنى كۆرىدۇ. مانا بۇ ئوخشىمىغان ئىككى خىل پوزىتسىيە.
l ئەدەپسىز سۆزلەر بىلەن باشقىلارغا قالايمىقان باھا بېرىش نادانلىقتۇر.
l بىراۋنىڭ غەزىپىنى قوزغىمىغان ئاساستا ئۇنىڭ ئىدىيىسىنى ئۆزگەرتىمەن دەيدىكەنسىز، شۇ ئىسىڭىزدە بولسۇنكى، ھەرگىز بۇيرۇقۋازلىق قىلماڭ.
l ئەگەر سەن قارشى تەرەپنىڭ ئالاھىدە ئىقتىدارىنى مۇئەييەنلەشتۈرسەڭ، ھەم ئۇنىڭغا يۇقىرى باھا بېرىپ، ئاندىن ئۆز تەلىپىڭنى ئوتتۇرىغا قويساڭ، ئۇ چوقۇم كۈتكەن يېرىڭدىن چىقىدۇ.
l يول قويۇش كىشلىك مۇناسىۋەتتىكى ئاجىزلىق بولماستىن، بەلكى ئەھمىيەتسىز دە تالاشنى پەسەيتىدىغان ئەڭ ئۈنۈملۈك ۋاستە.
l سۇ بەك سۈزۈك بولۇپ كەتسە، بېلىقمۇ ياشىيالمايدۇ. ئادەم بەك زىل ھەم چېچەن بولۇپ كەتسە، باشقىلار بىلەن ھەمكارلىشىپ بولالمايدۇ.
l باشقىلارغا ئالقىش ياڭرىتىش قىيىن، شۇنداقتىمۇ سەن باشقىلارغا ئالقىش يارىتىشنى ئۆگىنىپ قوي.
l دوستلۇق ئۈچۈن، كىشىلىك ھاياتتا تەنھا قالماسلىق ئۈچۈن ئەڭ ياخشىسى دوستلىرىڭ بىلەنمۇ ئارىلىق ساقلاشنى ئۇنتۇپ قالما.
l باشقىلارنى كۆپرەك چۈشەن، ئەمما تەنقىدلىمە، شۇنداق قىلساڭ، ھۆرمەتكە ۋە مەنپەئەتكە ئېرىشىسەن.
l ئىشنىڭ باشلىنىش نۇقتىسىدا ئېنىق بىر نىشاننى بېكىتىۋېلىش تولىمۇ مۇھىم. ئاشۇ نىشانغا قاراپ ھەرىكەت قىلغاندىلا ، ئاندىن مۇۋەپپەقىيەت قازىنىشتىن ئۈمىد توغۇلىدۇ.
l مۇۋەپپەقىيىتى يوق ئادەملەر خىزمەت بىلەن خىزمەت نەتىجىسىنى ئارىلاشتۇرۇۋالىدۇ. ئۇلار ‹‹ خىزمەتنى كۆپ ئىشلىسەك ، بولۇپمۇ جاپالىق خىزمەتلەرنى قىلساق، چوقۇم مۇۋەپپەقىيەتكە ئېرىشىمىز ›› دەپ قارايدۇ. لېكىن ھەممىلا ئىشنىڭ ئادەمنى مۇۋەپپەقىيەتكە ئېرىشتۈرەلىشى ھەم ئادەمگە پايدا ئېلىپ كېلەلىشى ناتايىن.
مەنبە :
پەن ۋە تۇرمۇش ژورنىلى |
|
يوللىغان ۋاقتى 2012-7-25 02:00:46
يوللىغان ۋاقتى 2012-7-25 02:11:44
يوللىغان ۋاقتى 2012-7-25 10:50:38
يوللىغان ۋاقتى 2012-7-25 15:12:52
