شۇ گۈزەللىك

زەپەر

                                                          شۇ گۈزەللىك
(مەن بۇشىئېرنى ئەل كۈيى مۇنبىرنى زىيارەت قىلىۋاتقاندا  مەن ياقتۇرۇپ يوللاپ قويدۇم . ئەل كۈيىدىمۇ مەنبەسى ئىنىق ئەسكەرتىلىمىگەن ئىكەن )
ئۇزۇن-ئۆرۇم چاچلارنى كەستۇرگەن شۇ گۈزەللىك،
كالتا-كۆسەي كىيىمنى كەيدۈرگەن شۇ گۈزەللىك،
غەرپچىنى مودا دەپ سۆيدۈرگەن شۇ گۈزەللىك،
ئەنئەنىنى چالمىدەك چۆرىگەن شۇ گۈزەللىك،
قەلىمىمنى تەۋرەشكە ئۈندىگەن شۇ گۈزەللىك.

                                                        ئۇپا-ئەڭلىك سۇرۇققا تولدى سومكا،خالتىسى،
                                                       ئاتىمش بەتبۇي تارايدۇ،تۇرۇپ قالسا ئالتىسى،
                                                         ياپالمىدى پاچىقىنى يوپكا-ئىشتان كالتىسى،
                                                       شۇڭا شەھۋەت كۆرىنەر ئۆزى ھەتتا سايىسى،
                                                      شەرمى-ھايا،نۇمۇسنى ئۆلتۈرگەن شۇ گۈزەللىك.

يەڭسىز مايكا تارلقىدىن بەدەنگە يىم چاپلاشتى،
ماراپ تۇرغان كىندىكىگە،ئۇچۇق يوتا ماسلاشتى،
ئېچىپ قويۇپ كۆكسىنى ئۆزگىلەرگە داملاشتى،
دۇمبىسمۇ ئېچىلىپ ئەنئەنىدىن ياتلاشتى،
ئۇزۇن ئەتلەس كۆڭلەكنى يۈتتۈرگەن شۇ گۈزەللىك.

                                                                       مودا بولغاچ كىينىش،‹‹ئىىسل كىيىم››كىيىلدى،
                                                                       قاش-قاپاققا،لەۋلەرگە بوياق قىنىق سۈرۈلدى،
                                                                       كىيم-كېچەك،گىرىمگە مەبلەغ كۆپلەپ سىلنىدى،
                                                                       ئاي  ئون بەش بولماي يانچۇق پۇلدىن قىسىلدى،
                                                                       ھەشەمەتكە قىزلارنى كۆندۈرگەن شۇ گۈزەللىك.

گۈزەللىك دەپ ئالدى جاي دىسكوخانا،قاۋاقتىن،
مەس بۇلۇشىنى بىلسىمۇ،يىراق تۇرماس ھاراقتىن،
يىغلاپ تۇرۇپ ئەتىسى چىقار شۇ نەس ياتاقتىن،
قۇتۇلالماس بىر ئۆمۈر بۇزۇق دىگەن ئاتاقتىن،
ئۆزىدىكى گۆھەرنى يۈتتۈرگەن شۇ گۈزەللىك.

                                                                    راستنى يازدىم بەك ئوچۇق مودا قىزلار تىللارمۇ؟!
                                                                    ياكى راست دەپ ئوڭ قولدا يۈرەكنى سىىلارمۇ؟!
                                                                     ھاياسىزچە يۈرگەنىگە پۇشايماندا يىغلارمۇ؟!
                                                                    ئەقلىى بولسا تۆۋە قىپ‹‹ئەسىلى››گىمۇ قايتارمۇ؟!
                                                                     قەلمىمنى يالڭاچ تەۋرەتكەن شۇ گۈزەللىك!

ئالىم

ۋاھ!ۋاھ! كارامەت شىئېر ئىكەنغۇ بۇ!تىلى راۋان ئۆتكۈر كىنايە ھەقىقەتەن ياخشى شىئېر!

ئامان

ناھايىتى ئېسىل شېئىر ئىكەن.
شېئىردا جەمىيىتىمىزدىكى ئاتالمىش ‹‹مەدەنىيەت››، ‹‹گۈزەللىك›› قالقىنى ئاستىدا باش كۆتۈرۈپ چىققان مىللى ئەنئەنە ۋە مىللى خاسلىققا زىت كېلىدىغان چاكىنا قىلمىشلار ئۆتكۈر تىللار ئارقىلىق،قاتتىق پاش قىلىنىپتۇ. تىلىنىڭ ئۆتكۈرلىكى، پىكىرنىڭ راۋانلىقى  ۋە ئەكس ئەتتۈرگەن مەزمۇننىڭ دەللىكى ئادەمنى ھەقىقەتەن قايىل قىلىدۇ.
شېئىرنىڭ ئاپتورىغا، بۇ شېئىرنى ئوقۇش پۇرسىتىگە ئىگە قىلغان زەپەر بۇرادەرگە كۆپ رەخمەت.

دىلكەش

بەك ياخشى شىئىركەن.