نەزىرىمدىكى بەخت ئۇقۇمى

كەۋسەر

بۇ ھاياتتا ئارزۇيۇڭ باشقا تەقدىرىڭ باشقا بۇلىدىكەن ،ئۆزۈڭ خالىمايدىغان ئىشلار سىنى خوشال قىلىدىكەن ،ئۆزۇڭ ئارزۇ قىلىدىغان نەرسىلەر سەندىن يىراق بۇلىدىكەن ،سەن ئۆمرۈڭدە ساڭا تەۋە بولمايدىغان نەرسىلەر ئۈچۈن جان بىرىدىكەنسەن ،قۇربىڭ يەتمەيدىغان ئىشلار ساڭا ھۇزۇر بىلىنىدىكەن بىراق سەن يەنىلا ئىزدەيسەن سىنىڭ ئۆمرۈڭ بەخىت ئىزدەش ئۈچۈن ئۆتىدۇ . ئۆزۇڭنىڭ قانچىلىك بەخىتلىك ئىكەنلىكىنى بىلمەيسەن،بىلسەڭمۇ  شۈكرى قىلمايسەن  شۇڭا ئىنسانلارنىڭ  ھېچقانداق قانائىتى ھاسىل بولمايدۇ   بەخىت ئىچىدە تۇرۇپ بەخىت ئىزدەيسەن  .
بەختلىكلەر بەخت ئىچىدە تۇرۇپ بەختنىڭ نېمىلكىنى ھېس قىلىشى قىيىن . مەن ئۆزۈمچە ئىنسانلارنى ناشۈكۈرلۈكتە ئەيىبلەيمەن .
بىراق ، كونىلار : « كەينىڭدىكىلەرگە قاراپ شۈكرى قىل ، ئالدىڭدىكىلەرگە قاراپ پىكىر قىل » دەپ ئېيىتقان .
بەخت ئۇقۇمى –ھەممە كىشىدە ئوخشاش بولۇشى ناتايىن . بۇنى شۇ كىشىنىڭ ياشاش شارائىتى ، تۇرمۇش ئۇسۇلى ۋە ھالەتلىرى ...قاتارلىقلارغا مۇناسىۋەتلىك بولىدۇ .
شۇنداق كىشىلەر باركى ، توختاۋسىز ئىزدىنىدۇ ، تىرىشىدۇ ، قىيىن ئكتكەللەردىن بۆسۈپ ئۆتىدۇ . ئالدىغا يولۇققان قىيىن ئۆتكەللەر ، غەم-قايغۇ ، دەرت-ئەلەملەر ئالدىدا ئۆزىنى تەمكىن تۇتۇپ ، ئۈمىدۋارلىق بىلەن سەبرى قىلىدۇ ۋە كۆپ « شۈكرى » قىلىدۇ . ياراتقۇچىدىن تىلەش بىلەن بىرگە تىنىمسىز ئەجىر قىلىدۇ . نەتىجىدە قىيىنچىلىقلىرى بىر-بىرلەپ تۈگەيدۇ –ئاخىرلىشىدۇ .
ھەر بىر ئىشتا ، ھەر بىر سۆزدە ، ھەر بىر جايدا ئۆزىنىڭ نەدىن كەلگەنلىكىنى ، نەگە قايتىپ بارىدىغانلىقىنى زىنھار ئۇنتۇپ قالمايدۇ . دېمەك ، ھاياتتا ھوشيار تۇرىدۇ ، غاپىل بولمايدۇ .
باشقىلارنىڭ ئۆسەك سۆزلىرىگە پىسەنىت قىلمايدۇ . باشقىلار شان-شەرەپ قۇچسا ، بەخت-ئامەتكە ئېرىشسە چىدىماسلىق ، ھەسەتخورلۇق قىلمايدۇ بەلكى باشقىلار ئۈچۈن خوشال بولىدۇ ۋە ئېسىل تىلەكلەرنى تىلەيدۇ .
مانا بۇلار مەن ياخشى كۆرىدىغان ئادەملەر ۋە مەن ئەزىزلەيدىغان تۇرمۇش ئادەتلىرى .
يەنە بەزىلەر باركى ، ئۆتۈش قىيىن بولغان تاغ-داۋانلارغا يولۇققاندا بۈيۈك كۆككە قاراپ توختىماستىن دۇئا قىلىدۇ ، مەغپىرەت تىلەيدۇ .
ئۆتكەللەردىن تىنىچ-ئامان ئۆتۈۋالغاندىن ھەممىنى ئۇنتۇپ ، كەيىپ-ساپا ، ئەيىش-ئىشرەت ۋە ئاخىرى چىقماس دۇنيا ئىشلىرى بىلەن مەشغۇل بولىدۇ .
كۈنلەر ئۆتۈۋاتىدۇ ، ۋاقتىمىز بارغانسېرى ئاز قېلىۋاتىدۇ . بىر ۋاقىتلاردا مەن سىزلەرگە ئوخشاش تۇيغۇلىرى چاپچىپ تۇرىدىغان ئۆسمۈرلەردىن ۋە بەردەم يىگىتلەردىن ئىدىم . ۋاقىت ھەممىنى ھەدىيە قىلدى ؛ يەنى مۇكەممەللىكنى شۇنىڭ بىلەن بىرگە كۈنسېرى خوراۋاتقان ئۆمۈر بايلىقىنىڭ تېخىمۇ چىڭ تۇتۇپ قەدىرلەش لازىملىقىنى ئۇقتۇردى .
ھايات كۈيلىرى توختىماي جاراڭلاۋاتىدۇ : قاياقتىندۇر تاشمۇھەممەت باتۇرنىڭ «ھايات دېگەن مانا شۇ ! » ناملىق ناخشىسى ياڭرىماقتا ؛
ھەر بىر كۈن ئۈچۈن ئەپسۇسلۇق ئىلكىدە چوڭقۇر خىياللار قاينىمىغا چۈشمەستىن بۇرۇن ئەھمىيەتلىك مەنىلەرنى ، ئۆچمەس ئىزلارنى بېسىش كېرەك ، شۇندىلا كۈنلەر تېخىمۇ بەرىكەتكە تولغۇسى .
ئادەم ئاتىدىن باشلانغان بۇ قىممەتلىك ھايات باشلىنىشى بولغاندەك ئاخىرلىشىشىمۇ بەرھەق . بېشى بار نەرسىنىڭ ئاخىرىمۇ چوقۇم بولىدۇ .
ئۆمۈرنى كەينىگە ياندۇرغىلى بولغان بولسا نېمىدىگەن ياخشى بۇلاتتى ھە !
بىراق ، بۇ ھەرگىزمۇ مۇمكىن ئەمەس !!!
ئۆتۈپ كەتكەن گۈزەل ۋاقىتلارغا ، ياشلىق مەزگىللەرگە ئاھ ئۇرۇش نە ھاجەت ؟! ئۇ ئۆتمۈشكە ئايلاندى . كەلگۈسى ئەمدى ئۆمۈرنىڭ جانلىق يېرى ، ئويلىنىشقا ، ئەھمىيەت بېرىشكە ، قۇربان بېرىشكە تېگىشلىك مۇددىتى .
غايىبانە ھېس-تۇيغۇلار  گۈزەل تۇرمۇشقا بىرلىشىپ ئىنساننى يەنىمۇ پارلاق ، بۈيۈك بولغان كەلگۈسىنى يارىتىشقا ، ئالغا ئىلگىرلەشكە ئۈندىمەكتە .
...

مەنبە-ئۆزۈمنىڭ ھېسلىرى

زەپەر

كەۋسەر ئەپەندىم مۇنبەرنى گۈللەندۈرۈشكە ئۈزىڭىزنىڭ بىركىشلىك توھپىسىنى قۇشۇۋاتىسىز. ئۆز ھىسلىرىڭىزنى دادىل قۇيۇپسىز، تىرشىڭ. بايقاشنى بىرلىكتە گۈللەندۈرۈشكە تىرشايلى. رەخمەت سىزگە.

راۋاپچى

توغرا ئىيتىدۇ،بايقاشنى گۈللەندۈرۈش ئۈچۈن بىر كىشىلىك تۆھپىڭىزنى قوشىۋاتىسىز!
تىخىمۇ نادىر تىمىلارنى يوللىشىڭىزغا تىلەكداشمىز!!!