ۋاقىتقا تەسەللى

كەۋسەر

ۋاقىتقا تەسەللى  





ئېغىر تىنىق ئۇھسىنغان چىراي،  
ۋاقىت بىلەن قالدى مۇڭدۇشۇپ،  
يول بويىدا ئولتۇرغان بوۋاي.  
ئۆتمۈش.  
توپىلق يول.  
كونا ھارۋا.  
ئاچ قالغان بالا.  
مۇزدەك سوغۇق قول،  
ئىللىمىغان قۇياش نۇرىدا.  
يوقاپ كەتتى تۇنۇش بىرسادا،  
ۋاقىتنىڭ سۈزۈك قولىدا.  
ئۇبىر ئاقساقال بوۋاي،  
كۈرەشچان ئاتا.  

تۇغۇلغاندايىغلاپ بىر بۇۋاق،  
كۈلۈشىدۇ ھەممەيلەن ئۇزاق.  
بىركۈنى كۈلۈمسىرەپ كەتكەندە ئۇ،  
قالىدۇ ھەممەيلەن يىغلاپ.  
ئېھ ۋاقىت!  
ئوڭ قولۇڭ ئىللىق،  
سول قولۇڭ سوغۇق.  
سەن بىر چۈچۈك كۈي،  
تاكىتىڭمۇ يوق.  

خەرىتە.  
يوچۇن ئۇھسىنىش.  
كالتە يوپكا ،  
زامانىۋىلىشىش.  
بۇ بىر ئېغىر چۈش.  
ئايپاڭۋاش يىگىت،  
ئەر چىقمىغان قىز.  
ۋاقىتنىڭ سىدام چاقچىقى،  
ئېتىلماقتا بىزگە شۇنچە تېز.  

بەزىلەر كىتاپخانىدا،  
بەزىلەر ئىشرەتخانىدا،  
كۆڭۈل ئاچماقتا.  
تۇرمۇشنىڭ رەڭلىرى بىلەن،  
ئۈزىگە تارىخ يازماقتا.  
بىرتوپ قىزلار،  
ھېچ كىشىدىن قىلماستىن ھايا،  
ئولتۇرىدۇمىھمانخانىدا.  
سېتىلغان ئەخلاق،  
يىغلىماقتا ئۈن سېلىپ راسا.  
تارىم غۇنچىلىرى نەشىر قىلىنىش ئالدىدا،  
ئۇلارنىڭ كەينىدىكى كوچىدا.  
بۇنىڭ بىلەن كارى يوق،  
بىرنەچچە يىگىت ،ئىپپەتسىز ئاتا،  
كىرىپ كەتتى ئەشۇ ياتاققا.  
ۋاقىت بۇلارغا غەزەپ بىلەن قاراپ تۇرماقتا.  
ئېھ ۋاقىت!ئۆزۈڭنى تۇتىۋال.  
ئۇلارنى ئازدۇرغىنى شەھۋەت،  
ياكى تۇرمۇش غېمىدۇر پەقەت.  
يىل ئوغلۇڭ ئۆتىۋېرىدۇ.  
ئۇنۇرغۇن نەرسىنى ئۆزگەرتىدۇ.  
سېنىڭ ئۇزۇن مىسرالىرىڭ ئۇلارنى قېرىتىدۇ.  
ئۇلارمۇ ھامىنى چۈشىنىدۇ.  
كىشىلەر جەمىيەتنىڭ مەسئۇلى،  
ئۇلار جەمىيەتنى كۈزىتىدۇ.  
ئاندىن ئۆزىنى تۈزىتىدۇ.  
بۇنىڭغا ئىشەن!  





مەنبەسى:قاراقاش ناھىيە كاۋاك يېزا باشلانغۇچ مەكتەپ ئوقۇتقۇچىسى مەمەتقۇربان مەتتۇرسۇن

زەپەر

ياخشى تىما يوللاپسىز .تىرشىڭ .

asrar

بۇ چاچما شىئېر ياخشى يېزىلىپتۇ....ۋاقىت كىتىۋاتىدۇ ،بىز نىمە قىلىۋاتىمىز ...

bahar

ۋاقىت رەھىمسىزدۇر،ئۇ ھەممە نەرسىنى بىزدىن ئاستا-ئاستا يىراقلاشتۇرىدۇ،

راۋاپچى

ھورۇنلۇق ئادەمنى خاراپلاشتۇرىدۇ،تىرىشچانلىق ئادەمنى ھەر ۋاقىت ئالغا باستۇرىدۇ.
ناھايىت ىياخشى تىما يوللاپسىز!!!رەخمەت سىزگە!!!

دىلكەش

ۋاقىت ئالتۇندىن قىممەتلىك .ناھايتى ياخشى شىئىركەن .