چىش يۇدۇرۇش

كەۋسەر

چىش ئاستىدا

            
  كاۋاك مىنۇتلار
كۈنلەر ئۆتەر سۇنغاندەك سەدەپ .
چول تەگمەيدۇ ھەر يوغان ئىشقا ،
ئاۋارە بىز كىچىك بىر چىشقا ،
كېسىلىمىز كەتكەندەك ئەدەپ .

جېنىمىزدىن چېچىمىزغىچە
سەن ھەدىيە قىلىپسەن بىزگە ،
بىلمەي قاپتۇق ساقلىقتا ھەجەپ .

چىش دوختۇرى ئاق ئەتىرگۈل قىز
نۇرى چۈشۈپ چاقنايدۇ پولدا ،
دۈپۈلدەيدۇ يۈرىكىم تېز-تېز
بىر مالائىك ئامبۇرى قولدا .

چىشلىرىمنى كۆرمەكتە بېقىپ
مەن گوياكى قۇل بازىرىدا ،
نۇر زەنجىرى مەيدەمگە چۈشكەن .
ئورۇندۇقتا خۇشيېقىپ يېتىپ
مەدەنىي بىر جازانى كۈتكەن .

بىز ئىنسانلار كۆنۈك بۇ ئىشقا
ئاستا ، سىلىق ، تەرتىپلىك ، خۇرسەن
جاننى ئالسا تەگمەستىن چىشقا .

گىژىلدايدۇ چىش يۇچ ئەسۋاب ،
قىزنىڭ قولى ئاغرىتار يۇمشاق .
كۆكرەكلىرى تېگەر يۈزۈمگە
قىلالمايمەن بىراق مەن ئۇنداق ...
يېتىپ بەردىم پەقەت ياغاچتەك
مانا تىرىك ياغاچ بىز شۇنداق .

شىلدىرلىغان خالاتمۇ ، ياپراق ؟
شاياتۇنمۇ ، ھۆرمۇ بۇ قىزچاق ؟
بولدى ،جاننى ئالساڭچۇ پاتراق !

يىلتىزسىز گۈل ،
مېڭىپ كەتتى مەر مەر ئۈستىدە
ئويغاق ياتقان شائىر چۈشىدە .

2004-يىلى 7-ئاينىڭ 24-كۈنى

"دېڭىزدىكى كوچا " دىن ئېلىندى .

زەپەر

كەۋسەر ئەپەندىم بەك ياىشى تىمىلانى يوللاۋاتىسىز . رەخمەت سىزگە.