پارچىلار (2)

كەۋسەر

ئەجرىڭ سىڭمەي كەلگەن ئامەتتىن ،
خۇشھاللانما بولۇپ خاتىرجەم .
كۆمتۈرۈلسە بەخت ئاسمىنىڭ ،
ھەممە ساڭا تۇتىدۇ ماتەم .
*
بولسۇن ھەمراھ سەبرى-ئىشتىياق ،
نا ئۈمىدلىك كەتسۇن يىراققا .
كەڭرى كەتكەن چەكسىز باياۋان ،
قۇچاق ئاچار گۈلزار سىياقتا .
*
ئەركىنلىككە ئىنتىلگەن يۈرەك ،
بەخت ئۈچۈن تىنماي سوقىدۇ .
ۋىسال ئۈچۈن ئىز باسقان قەدەم ،
چېكىنمەيدۇ ، شەرەپ قۇچىدۇ .

*
كېلىپ قالسا ئەگەر نۆۋىتىڭ ،
پەم-پاراسەت بولسۇن يولدىشىڭ .
ھەمراھ دەيدۇ شاتلىققا قايغۇ ،
شۈكرىسىز بەس ئۆتمىسۇن كۈنۈڭ .
*

ئەل ئىچىدە ئابروي -ئىناۋەت ،
بولمىسا گەر ياشىما ئىنسان .
تەنھالىققا بەنت بولغانلار ،
قامغاق كەبى ئۇچىدۇ ھەرئان


مەنبەسى -ئۆز يازمام

زەپەر

ھايات ھەركۈنى تالايلىغان تۇرمۇش تەجرىبىلىرىنى بىزگە بەخىش ئېتىدۇ . ئۆزىنىڭ ئۆتكەن ئۆمرىدىن تۇرمۇش تەجرىبىسى ، ھايات ھېكمەتلىرىنى توپلىيالىغان كىشىلەر پانى ئالەمدىكى ۋاقىتلىرىنى رەڭگارەڭ گۈللەرگە پۈركىيەلەيدۇ .
تۇرمۇش ھەممىمىزگە تەقدىم ئېتىلگەن ئۇلۇغ بىر نېمەتتۇر . ئۇنى قەدىرلەش ، ئۇنىڭدىن پۈتكەن دۇردانىلەرنى كېيىنكى ئەۋلاتلارغا قالدۇرۇش بىزنىڭ باش تارتىپ بولمايدىغان بۇرچىمىزدۇر .
ھايات ھېكمەتلىرى مۇجەسسەم ئېتىلگەن مىسرالىرىڭىزنىڭ ئۈزۈلۈپ قالماسلىقىنى ئۈمىد قىلىمەن .