كىتاب

كەۋسەر

كىتاب
قاراڭغۇ –زۇلمەتتە قالغان دىللارغا ،
ئىلىم-پەن نۇرىنى چاچقۇچى كىتاب .
كائىنات ئوخشىسا سىرلىق قولۇپقا ،
ئەنە شۇ قولۇپنى ئاچقۇچى كىتاب .
   
قالغاندا تېڭىرقاپ مەۋھۇم يوللاردا ،
كۆرسىتەر كىشىگە داغدام-تۈز يولنى .
كىتاب ئۇ قولى كەڭ ، سېخىي بىر باغۋەن ،
ئىزدەنسەڭ بېرىدۇ رەڭمۇ-رەڭ گۈلنى .

مەن كۆيدۈم كىتابقا ئاشىقلار كەبى ،
باغلاندى ئۇنىڭغا مەڭگۈلۈك رىشتەم .
ئۇ مېنىڭ ھەرۋاقىت بولغاچ ئۇستازىم ،
نۇرانە ئىقبالغا تولغۇسى ئەتەم .

كىتابقا پۈتۈلگەن مەنىۋى بايلىق ،
كۆكلەيسەن گەر قازساڭ ئەشۇ بايلىقنى .
بىلىمنىڭ قۇدرىتى چەكسىز چۈشەنسەڭ ،
قىلار ئۇ گۈلىستان چۆل ھەم سايلىقنى .
كىتاب كىشىلەرنىڭ قەلبىنى مەڭگۈ نۇرلاندۇرۇپ تۇرىدىغان بىر چىراق . مەن بولسام شۇ چىراققا ھەرۋاقىت تەلپۈنۈپ تۇرىدىغان بىر پەرۋانە .
كىتاب مېنىڭ ھاياتلىق يولۇمدىكى كومپاس ، ئۇ مېنىڭ ئەڭ يېقىن دوستۇم ، ئۇ بولسا مەن مەڭگۈ زېرىكىش ھېس قىلمايمەن . دوستۇم سىزچۇ؟
مەنبە-ئۆزۈم .

دىلكەش

بەك ياخشى يېزىپىسىز.

دىلكەش

داۋاملىق يېزىپ تۇرارسىز .

بۇغداي

مەنمۇ كىتاپقا جاننى تەسەددۇق قىلىمەن زادى .
ياخشى يىزىلغان كىتاپ  ئەڭ ئىشەنچىلىك ئۇستاز .

رەخمەت سىزگە