سېغىندىم

كەۋسەر

سېغىندىم

كەۋسەر

ئەي گۈزەلىم كۆزلىرىڭنى سېغىندىم ،
تاتلىققىنا سۆزلىرىڭنى سېغىندىم .
تەشنا دىللارغا ئارامى جىلۋىگەر ،
ئاق ئالمىدەك يۈزلىرىڭنى سېغىندىم .

كۈندىن –كۈنگە قىينىماقتا ھىجرانىڭ ،
غەمكىن ھالىم بېسىپ باشنى سەۋدايىڭ .
چۈشلىرىمدە ئاڭلانمايدۇ نىدايىڭ ،
ئاتەش كەبى شۇ مېھرىڭنى سېغىندىم .

تەنھالىقىم ئازابىمنىڭ ھەمراھى ،
سۈكۈتتىكى خىياللىرىم پەرۋازى .
سەن مەن ئۈچۈن چولپان يۇلتۇز گوياكى ،
ئىپار پۇراق خۇش ھىدىڭنى سېغىندىم .

جۇت شىۋىرغان ئەزمەك بولدى تېنىمنى ،
ۋىسال دەردى خورىتىدۇ جېنىمنى .
توختىتالماي قالدىم بەزەن يېشىمنى ،
بىللە يۈرگەن كۈنلىرىمنى سېغىندىم .
[flash=480,410,1]http://www.tudou.com/v/d-0Lkuuhu2g/v.swf[/flash]

زەپەر

مەنبەسىنى ئىنىق ئەسكەرتىشنى ئۇنۇتماڭ ؟ ياخشى شىئېرلارنى يوللاۋاتىسىز . سىزگە مۇنبەر نامىدىن كوپ رەخمەت .

راۋاپچى

ناھايىتى ياخشى يىزىپسىز.رەخمەت سىزگە.