ئەخلەت يىمەكلىكلەرنى چەكلەش توغرىسىدا

alimjan

ئەخلەت يىمەكلىكلەرنى چەكلەش توغرىسىدا

ھازىر بازارلاردا سېتىلىۋاتقان ئەخلەت  يىمەكلىكنى  تۇسۇشنىڭ  ئامالى بارمىدۇ؟
بۇنىڭغا قانائەتلىنەرلىك جاۋاپ بارمۇ؟ مۇشۇ ھەقتە تورداشلار بىلەن پىكىر ئالماشتۇرۇش ئويىدا بۇلۇۋاتىمەن، ياش ئۆسمۈرلەرنى ئەخلەت يىمەكلىكلەردىن توسىغان بولساق، كىيىنكى ئەۋلاتلارغا ناھايىتى زور پايدىسى تىگەتتى.

◤pari◥

مەنمۇ مۇشۇ ھەقتە كۆپ ئولانغان بولساممۇ مۇۋاپىق چارە -تەدبىرنى ھېچ بىلەلمىدىم  ھەرقايسى دەرس ئوقۇتقۇچىلىرى دەرسكە بىرلەشتۈرۈپ بۇ ھەقتە تەربىيەنى كۈچەيتىۋاتقان بولساقمۇ يەنىلا بۇ ئەھۋالنى توسۇپ قالغىلى بولمايۋاتىدۇ .بىزنىڭ مەكتەپ ياتاقلىق مەكتەپ بولغاچقا سەبى ئوقۇغۇچىلىرىمىزدا بۇ خىل ئەھۋال يەنىلا داۋاملاشماقتا .

ئامان

جىددى ھەل قىلمىسا بولمايدىغان مۇھىم بىر مەسىلىنى ئوتتۇرىغا قويۇپسىز، رەخمەت سىزگە.
دىمىسىمۇ بازارلاردا، كىچىك يايمىلاردا سېتىلىۋاتقان ئەخلەت يىمەكلىكلەر ياش ئۆسمۈرلەرنىڭ جىسمانى ساغلاملىقىغا ئېغىر تەھدىت ئېلىپ كېلىۋاتقان مەسىلىلەرنىڭ بىرى بۇلۇپ قالدى. ئۇنىڭ ئۈستىگە بۇ ئەخلەت يىمەكلىكلەرنىڭ سۈپىتىنىڭ ناچار بۇلۇشىغا قارىماي، باھاسى ئەرزان، ئوراپ قاچىلانغان تاشقى ئورالمىسى رەڭدار بولغاچقا ئۆسمۈرلەرنى ئالاھىدە جەلىپ قىلماقتا. مېنىڭچە بۇ ئەخلەت يىمەكلىكلەرنىڭ ياش ئۆسۈرلەرگە بولغان زىيىنىنى ئازايتىشتا تۆۋەندىكى ئىشلارنى چىڭ تۇتۇش كېرەك دەپ ئويلايمەن:
1. ئاتا-ئانىلار ياش-ئۆسمۈرلەرگە(ئۆز بالىلىرىغا) بولغان تەربىيەنى كۈچەيتىپ، بۇ خىل ئەخلەت يىمەكلىكلەرنىڭ ئادەم بەدىنىگە، ئۆسمۈرلەرنىڭ جىسمانى ۋە روھى جەھەتتىن ئۆسۈپ يېتىلىشىگە كەلتۈرىدىغان زىيانلىرىنى تولۇق تونۇتىشى، ھەرقانداق ۋاقىت، ھەرقانداق ئورۇندا بۇ خىل يىمەكلىكلەردىن يىراق تۇرۇشى لازىملىقىنى داۋاملىق ئەسكەرتىپ تۇرۇشى كېرەك.
2.ئوقۇتقۇچىلار، بۇلۇپمۇ بالىلار يەسلىسى ۋە باشلانغۇچ مەكتەپ ئوقۇتقۇچىلىرى ياش ئۆسمۈرلەرگە قارىتا يۈكسەك دەرىجىدە مەسئۇل بۇلۇش مەيدانىدا تۇرۇپ، بازارلاردا، كىچىك يايمىلاردا سېتىلىۋاتقان يىمەك ئىچمەك بۇيۇملىرى ئىچىدە قايسى خىل نەرسىلەرنىڭ ئەخلەت يىمەكلىك قاتارىغا كىرىدىغانلىقىنى، ئۇلارنى نىمە ئۈچۈن ‹‹ئەخلەت يىمەكلىك›› دەپ ئاتايدىغانلىقىمىزنى، ئۇلارنىڭ ئۆسمۈرلەرنىڭ ساغلام ئۆسۈپ يېتىلىشىگە كەلتۈرىدىغان زىيانلىق تەرەپلىرىنى  ئەتراپلىق تونۇتۇشى، بۇ ئارقىلىق ياش ئۆسمۈرلەردە ئەخلەت يىمەكلىكلەردىن ئاڭلىق ھالدا يىراق تۇرىدىغان ھالەت شەكىللەندۈرىشى كېرەك.
3.ھەر دەرىجىلىك سودا سانائەتنى مەمۇرى باشقۇرۇش تارماقلىرى كۈچلۈك تەدبىر قوللىنىپ، تىجارەت توپ سېتىش نوختىلىرى، تاللا بازارلىرى، كىچىك يايمىلارغا بولغان تەكشۈرۈش، نازارەتچىلىكنى كۈچەيتىپ، سۈپىتى ناچار ئەخلەت يىمەكلىكلەرنى ئىشلەپچىقىرىپ ياسىغان، توپ تارقاتقان، ساتقان ئورۇن ۋە شەخىسلەرگە قارىتا مۇسادىرە قىلىش، قارا ئۇۋىلارنى پېچەتلەش ۋە ئېغىرلىتىپ جەرىمانە قويۇش قاتارلىق ئۇسۇللار ئارقىلىق بازار تەرتىۋىنى، ساغلام بولغان ئىستىمال مۇھىتىنى قوغدىشى كېرەك.
4.كەڭ جەمىيەت، جەمىيەت ئەزالىرى خەلققە، مىللەتكە، مىللەتنىڭ كەلگۈسى ئىزباسارلىرى بولغان ياش ئۆسمۈرلەرگە، ئۇلارنىڭ ساغلام ئۆسۈپ يېتىلىشىگە مەسئۇل بۇلۇش مەيدانىدا تۇرۇپ، سۈپىتى ناچار ئەخلەت يىمەكلىكلەرنى ياسىغان، توپ تەمىنلىگەن ۋە ساتقان ئورۇن ۋە شەخسلەرنى مۇناسىۋەتلىك ئورۇنلارغا ئۆز ۋاختىدا مەلۇم قىلىپ، ئۆزلىرىنىڭ جەمىيەتتىكى نازارەتچىلىك رولىنى تۇلۇق جارى قىلدۇرۇشى كېرەك.
5.ئەخلەت يىمەكلىكلەرنىڭ ياش ئۆسمۈرلەرنىڭ جىسمانى ساغلاملىقىغا ئېغىر زىيان سېلىۋاتقانلىقىدەك بۇ رىياللىق پۈتكۈل جەمىيەتنىڭ، مائارىپ، سەھىيە، سودا-سانائەت تارماقلىرىنىڭ، جۈملىدىن ھەر دەرىجىلىك پارتىكوم-ھۆكۈمەتلەرنىڭ دىققەت ئېتىۋارىنى قوزغىشى كېرەك. ھەممە ساھە تەڭ ھەركەتكە كەلگەندىلا بۇ مەسىلىنى تۈپتىن ھەل قىلغىلى بۇلىدۇ!

قېنى، باشقا تورداش دوستلارمۇ قاراشلىرىنى ئوتتۇرىغا قويۇپ باقسۇن.

bahar

بۇ ھەمىمىزگە نىسبەتەن ئىنتايىن ياخشى پىكىر ئىكەن،مىنىڭچە كۆپ ساندىكى دوسلارمۇ مۇشۇ ئويدا،دىمىسىمۇ ھازىر بۇنداق ئەخلەت يىمەكلىكلەرنىڭ تۈرى ئىنتايىن كۆپ،شەكلىمۇ ھەرخىل،ھەم سىرىتقى ئورالمىسى ھەرخىل رەڭلەر ماسلاشتۇرلۇپ كۆركەم قىلىپ ئىشلەنگەچكە بالىلار بۇخىىل يىمەكلىكلەرگە بەك قىزىقىدىكەن.مەن بىر باشلانغۇچ مەكتەپتە ئىشلەيمەن ،بىزمۇ بالىلارغا بۇھەقتە كۆپ تەربىيە قىلغان،ھەتتا كۈندە ئوخشىمىغان ۋاقىتتا ئۇلارنىڭ سومكىلىرىنى،ھەم يانچۇقلىرىنى تەكشۈرۈپ،تەييار چۆپ،ئاچچىق لازا......دىگەندەك ئەخلەتلەرنى يىغىۋىلىپمۇ باقتۇق،ئاتا-ئانىلىرىنى ئەكەلدۈرۈپ سۆھبەتلەشتۇق،ئەمما يەنىلا توسۇپ بولالمىدۇق.بىز مەكتەپتە توسقان بىلەن ئۆيىدە توسماي بالىلىرىنىڭ ئىشتىھاسىنىڭ ياخشى ئىكەنلىكىگە خۇش بولۇپ يۇرىيدىغان ئاتا ئانىلاريەنىلا كۆپ ئىكەن ئەمەسمۇ؟قانداق قىلساق بولار زادى؟ھەي.......................

كامىران

توغرا دىدىڭىز؟ بۇ مەسىلىنى ھەل قىلىشنىڭ چارىسى بالىلارنى ئۆزلىگىدىن ئەخلەت يىمەكلىك ىيىشتىن قالدۇرش.بۇ ھەقتە مەن باياشنىڭ نادىر تېمىلار كۆزنىكىگە بىر دەرسلىك دېتالى يوللىغان. شۇنى چۈشۈرۈپ بالىلارغا كۆرسۈتۈپ بېقىڭلار. ئۈنۈمى بولامدىكىن دەيمەن. ئۇنىڭدا ئەخلەت يىمەكلىكنىڭ ياسىلىش قاچىىنىش جەريانى ۋە مۇھىتى چۈشەندۈرۈلگەن.

elhal

ھەي بالىلار يەنە ئەخلەت   يىمەكلىك  يىيىشنى باشلىدى مانا .

Shift

مۇنبەردىكى رولىمىزدىن ياخشى پايدىلىنايلى~!