ئوقۇغۇچى + يان تېلېفون = ؟

barqin

ئوقۇغۇچى + يان تېلېفون = ؟

    يېقىنقى يىللاردىن بۇيان ،  يان تېلېفون تۇرمۇشىمىزغا نۇرغۇن قولايلىق ئېلىپ كەلدى . بۈگۈنكى كۈندە ،  بايلاردىن نامراتلارغىچە ، شەھەرلەردىن يېزا - قىشلاقلارغىچە ، چوڭلاردىن كىچىكلەرگىچە يان تېلېفون ئومۇملاشتى . بۇ نۇرغۇنلىرىمىزغا كۆپ قولايلىق ياراتقان بولسىمۇ ، يەنە بەزىبىر ئاۋارىچىلىقلارغىمۇ سەۋەب بولماقت ا. كۈچلۈك رادىياتسىيەنىڭ زىيىنى ، ۋاقىت ئىسراپچىلىق ى، ئىقتىسادىي زىيانلارنىغۇ تىلغا ئالماي تۇرايلى ! باشلانغۇچ مەكتەپ ئوقۇغۇچىلىرىدىن ئالىي مەكتەپ ئوقۇغۇچىلىرىغىچە يان تېلېفون ئىشلىتىشتىن كېلىپ چىقىۋاتقان ئاۋارىچىلىكلەر ئاز ئەمەس . تۆۋەندىكىلەر بۇنىڭغا جاۋاب بولالىشى مۇمكىن:
    1 - بايان : بىزنىڭ بىرلا قىزىمىز بار ، ئۇ تېخنىكومنىڭ 1 - يىللىقىدا ئوقۇيتتى ، ئۇنىڭغا يان تېلېفون ئېلىپ بەرسەك، ئالاقىلىشىش دائىرىسى كېڭىيىپ ، بىلىپ - بىلمەي يامان ئىللەتلەرنى يۇقتۇرۇۋېلىپ ، ئۆگىنىشتە چېكىنىپ كېتەرمۇ؟ دېگەن ئەندىشىدىمۇ بولغانىدۇق . قىزىم ‹‹مەكتەپتە تېلېفونى يوق ئوقۇغۇچىنى ھېچكىم كۆزگە ئىلمايدۇ ›› دەپ سەۋەب كۆرسىتىپ تۇرۇۋېلىپتى ، بوپتۇلا دەپ يان تېلېفون ئېلىپ بېرىپتىكەنمىز ، بىر كۈنى سىنىپ مەسئۇلى بىزنى چاقىرتىپ ، قىزىمىزنىڭ ئۆگىنىشتە چېكىنىپ كەتكەنلىكىنى ، پات - پاتلا دەرسلەرگە قاتناشمايدىغانلىقىنى ئۇقتۇردى . بۇ گەپتىن بەك ئازابلاندۇق...
    2 - بايان : قىزىم تولۇق ئوتتۇرىنىڭ 1 - يىللىقتا ئوقۇۋاتقاندا ، دەرستە ياخشى ئىدى ، ئالاقىلىشىشكە قولاي بولسۇن دەپ ، يان تېلېفون ئېلىپ بەرگەنىدىم . قىزىم بىر كۈنى دەرس ۋاقتىدا بىرسى بىلەن ئۇچۇرلىشىۋاتقاندا ، مۇئەللىم كۆرۈپ قېلىپ تېلېفونىنى تارتىۋاپتۇ . ئوقۇتقۇچىسى بىلەن كۆرۈشۈپ قىزىمنىڭ تېلېفونىنى ئېلىپ بەردىم . ئەمما، قىزىم دەرستە تىرىشىش ئۇياقتا تۇرسۇن ، يان تېلېفونغا تېخىمۇ مەپتۇن بولۇپ كەتتى .
    يۇقىرىقىدەك ئەھۋاللار ھازىر بالىلىرىمىزدا بارغانسېرى ئومۇملىشىۋاتىدۇ . ھەر قانداق نەرسىنىڭ ياخشى - يامان تەرىپى بولغىنىدەك ، بۇمۇ ئۇچۇر دەۋرىنىڭ بىزگە قىلغان كاتتا سوۋغىسى بولسا كېرەك ! بۈگۈنكى ئۇچۇر دەۋرىدە نېمىنىڭ پايدىلىق ، نېمىنىڭ زىيانلىقلىقىنى بايقىشىمىز تولىمۇ مۇھىم . بۇ يەردە مەن پەرزەنتلىرىگە يان تېلېفون ئېلىپ بەرگەن ئاتا - ئانىلارنى ئەيىبلىمەكچى ئەمەسمەن ، يان تېلېفون ئىشلەتكەن ئوقۇغۇچىلارنىڭ ھەممىسىنىمۇ ناچار دېمەكچىمۇ ئەمەسمەن ، گەپ ئۇنىڭ يېڭىلىقنى قانداق قوبۇل قىلىشى ۋە ئۇنىڭدىن قانداق پايدىلىنىشىدا...


مەنبە:
http://bbs.xjtsnews.com/forum.php?mod=viewthread&tid=17395

asrar

مەنچە ئۇقۇغۇچىلار يانفۇن ئىشلەتمەسلىك كېرەك دەپ ئويلايمەن . يانفۇننىڭ  بالىلارغا ئەپ كىلىدىغان سەلبى تەسىرى كۆپ ...مەسىلەن :ئۆگۈنۈش نەتىيجىسى تۈۋەنلەپ كىتىش ، بالدۇر مۇھاببەتلىشىش ...دىگەندەك

گۇلزار

  يوقۇرقى ئەھۋاللار ھەر بىرىمىزنىڭ ئائىلىسىدە مەۋجۇت بولۇپ تۇرماقتا . بۇنى زادى كىمدىن كۆرىشىمىز كېرەك . بۇ مەسىلە ھەممىمىزنى گاڭگىرتىپ قويماقتا  . بالىنىڭ كۆڭلىنى دەيلى دىسەك ئۇنىڭ كەلگۈسىنى ئويلىمىساق تېخى . كەلگۈسىنى ئويلايلى  دىسەك ھازىرقى ئەتىۋارلىق بالىلىرىمىزنىڭ كۆڭلى رەنجىتىپ قويۇشتى قورقىۋاتىمىز .    بۇ مەسىلە ھەر بىرىمىزنىڭ ئويلىنىشىغا ئەرزىيدۇ .
يانفۇن ئىشلىتىش مەسىلىسىگە كەلسەك، بۇنى بىز  ئاتا - ئانىلار توسۇپ قېلىشقا ئامالسىز قالماقتىمىز . شۇڭا بۇ مەسىلىگە كەلگەندە مەكتەپلەر ئوقۇغۇچىلارنىڭ يانفۇن ئىشلىتىش توغرىسىدا قاتتىق تۈزۈم چىقىرىشى ھەم ۋاقتىدا ئىجرا قىلىشى كېرەك .بۇنىڭغا ئاتا - ئانىلارمۇ ماسلىشىپ بېرىشى كېرەك  ئەلۋەتتە .   شۇنداق قىلغاندىلا بالىلارنىڭ ئاتا - ئانىلاردىن ئورۇنسىز ئاغرىنىشنىڭ ئالدىنى ئېلىپلا قالماي،  بەلكى ئوقۇغۇچىلارنىڭ سىرت بىلەن بولغان ئالاقىلىسىنى توسقىلى ھەم بالدۇر مۇھەببەتلىشىشنىڭ ئالدىنى ئېلىپ ئۆگىنىش نەتىجىسىنى يوقۇرى كۆتۈرگىلى بولىدۇ دەپ ئويلايمەن .

راۋاپچى

توغرا دەيسىز،ھازىر ھەر قانچە ئۇچۇر دەۋرى بولغان بىلەنمۇ،ئوقۇش يىشىدىكى ئۆسمۈرلەرگە نىسپەتەن يانفۇن،قانداق بولىشىدىن قەتئىينەزەر يانفۇن بالدۇر.
مۇشۇ ئىش توغىرىلىق يۈز بىرىۋاتقان بىزلەر بىلگەن ياكى بىلمىگەن ياخشى-يامان ئىشلار ئەتراپىمىزدا نۇرغۇن.بۇنىڭدىن ئىبرەت ئىلىشىمىز كىرەك.
                                                                                                                                             

火山

ھەي بىزنىڭ مەكتەپلەردىغۇ يان تېلفۇن ئىشلەتمەيدۇ !لېكىن ناھيە مەكتەپلىرىدە بەك ئېغىر جۇمۇ!
بەزى ئۇقۇغۇچىلارغا ھەقىقەتەن يان تېلفۇنىڭ زىيىنى ئېغىر بولماقتا

ئامان

مەنمۇ ئوغلۇمغا يانفۇن ئەپ بېرىپتىمەن. ئوقۇۋاتقان بالىلارغا نىسپەتەن يانفۇن ئىشلىتىشنىڭ مۇۋاپىق ئەمەسلىكىنى بىلسەممۇ، پالانى ساۋاقدىشىمنىڭ يانفۇنى ئۇنداق، پوكۇنىنىڭ مۇنداق دىگەن گەپلىرىگە قاراپ، بويۇن قىسىپ قالماسلىقى ئۈچۈن، يەنە كېلىپ، مەكتەپتىن كەچ قالسا نەدىلىكىنى بىلىشكە، ئۆيگە قايتۇرۇپ كېلىشكە پايدىسى بۇلار دەپ ئويلاپتىمەن ئەمەسمۇ؟!
بەزىدە ياخشى كۆڭۈل يامان ئاقىۋەتلەرنىڭ مەنبىيى بۇلۇپ قالىدىغان ئوخشايدۇ-ھە!
چىرايلىق چۈشەندۈرۈپ، ئوغلۇمنىڭ يانفۇنىنى ئېلىۋالسام بولغىدەك، رەخمەت سىزگە بۇرادەر.

智者

مەنچە بۇ ئىشتا ئاتا ئانىلار بەك موھىم رول ئوينايدۇ . خۇددى ئامان ئەپەندىمدەك كالتە ئويلاپ قالىدۇ . ئاتا-ئانىلار ئۆتكىلىنى چىڭ تۇتۇش  كىرەك .

osman3827

ھازىر بىر قىسىم مەكتەپلەر ياتاقلىشىپ ئوقۇتىدۇ ، بۇ ئوقۇغۇچىلارنىڭ ئاتائانىلىرى ئۇلاردىن ئەنسىرەپ ئەھۋالىنى بىلىپ تۇرۇشقا  ۋە باشقا سەۋەپلەردىن ئېلىپ بېرىدۇ ، ئەمما بۇبالىلار qq ، ئۇچۇر ، ئۇيۇن ئويناش ، تىلفۇنلىشىش ئارقىلىق ، ياخشى ئىشلارنى شۇنىڭ بىرگە يامان  ئىشلارنى ئۆگىنۋاتىدۇ ، بىر قېتىملىق ئاتا- ئانىلار يىغىندا  بىر ئاتا :‹‹ بالىلىرىمىز باشقۇرۇشتا ، بالىمىزنىڭ يۈرۇش - تۇرۇش ، گەپ -سۆز ، ئىش - ھەرىكەت ، ئۆگىنىش نەتىجىسى ، كىملەر بىلەن ياخشى دوست ، نىمىگە قىزىقىدۇ ، مەكتەپتىن ئۆيگە قيتىپ كىلىدۇ قاتارلىق تارەپلەرگىچە دىققەت قىلايلى دىگەن .......›› بالىلارنى تەربىيلشكە كىچىكىدىنلا ئەھمىيەت بېرىپ ،مېنىڭچە بولغاندا تېلفۇن ئىشلەتمىسە دىمەكچى....

بوسۇغا

تان تېلىفۇن ئىشلىتىش شەھەرلەرگە قارىغاندا يېزىلاردا  بالىلاردا كۆپئومۇملىشىپ كەتتى .نامرات دېھقانلار بالىلىرىنىڭ تەلىۋىنى رەت قىلىشقا ئامالسىز ئەھۋالدا بالىلىرىنىڭ بېسىم قىلىشى بىلەن ئېلىپ بىرىۋاتىدۇ. بۇ يېزا مەكتەپلىرىنىڭ ئوقۇتۇش سۈپىتىنىڭ تۆۋەن بولۇشىدىكى يەنە بىر سەۋەپمىكىن دەپ قارايمەن .

ياشنار

يان تېلفۇن ئوقۇغۇچىلارنىڭ ئۈگۈنۈش نەتىجىسىگىلا ئەمەس بەلكىم سالامەتلىكىگىمۇ زىيانلىق شۇڭلاشقا ئوقۇغۇچىلارنىڭ تېلفۇن ئىشلىتىشىگە قارشى تۇرۇش كېرەك.