ئەستە ساقلاش ئىقتىدارىڭىزنى ئاشۇرىدىغان يېمەكلىكلەردىن قايسىلار

火山

ئەستە ساقلاش ئىقتىدارىڭىزنى ئاشۇرىدىغان يېمەكلىكلەردىن قايسىلارنى بىلىسىز؟

ئەقلىي ئەمگەك بىلەن شۇغۇللانغۇچىلار قانداق يېمەكلىك يىسە ئەڭ ياخشى؟ ئوزۇقلۇق ساقلىقنى ساقلاش مۇتەخەسىسلىرى تەتقىق قىلىش ئارقىلىق، مىڭە قۇۋۋىتىنى تولۇقلاشقا ياردىمى بولىدىغان بىر قىسىم يېمەكلىكلەرنى تونۇشتۇرغان. ئۇلار تۆۋەندىكىچە:

  1. يەر ياڭىقى

  يەر ياڭىقى تەركىبىدە لېتسىتىن بىلەن سېفالىن مول، بۇ تەركىبلەر نېرۋا سىستېمىسى ئېھتىياجلىق بولغان مۇھىم تەركىبلەر بولۇپ، بۇلار مىڭە ئىقتىدارىنىڭ چىكىنىپ كېتىشىنى كېچىكتۈرۈپ، قان پىلاسىنكىلىرىنىڭ توپلىنىۋېلىشىنىڭ ئالدىنى ئېلىپ، مىڭىدە قان نوكچىسى شەكىللىنىشنىڭ ئالدىنى ئالىدۇ. تەجرىبىدە ئىسپاتلىنىشىچە، داۋاملىق يەر ياڭىقى يەپ بەرسە قاي ئايلىنىشنى ياخشىلاپ، ئەستە ساقلاش قابىلىيتىنى يۇقىرى كۆتۈرىدىكەن، يەر ياڭىقى ئىسمى-جىسمىغا لايىق «ئۇزۇن ئۆمۈر يېمەكلىكى» ئىكەن.

  2.كالا سۈتى

  كالا سۈتى تەركىبىدە ئاقسىل، كالتىسىي ۋە چوڭ مىڭىگە زۆرۈر بولغان ئامىنو كىسلاتالاسى قاتارلىق تەركىبلەر مول. كالا سۈتى تەركىبىدىكى كالتىسىي ئەڭ ئوڭاي سۈمۈرۈلىدىغان بولۇپ، مىڭە مېتابولىزمىدا كەم بولسا بولمايدىغان ماددا. بۇنىڭدىن سىرت ئۇنىڭ تەركىبىدە يەنە نېرۋا ھۈجەيرىسىگە ئىنتايىن پايدىلىق  قاتارلىقلار بار. ئەگەر مىڭىنى زىيادە ئىشلىتىپ ئۇيقۇسىز بولۇپ قالغاندا، ئۇخلاشتىن  ئىلگىرى بىر ئىستاكان ئىسسىق سۈت ئىچىۋەتسە ئۇخلاشقا پايدىلىق.

  3. بېلىق تۈرى

  بېلىق تۈرىدىكىلەر چوڭ مىڭىگە پايدىلىق بولغان ئاقسىل ۋە كالتىسىيلار بىلەن تەمىنلەيدۇ، تاتلىق سۇ بېلىقلىرى تەركىبىدىكى ياغ كىسلاتاسى تويۇنمىغان ياغ كىسلاتاسى بولۇپ، قان-تومۇر قېتىشىشنى كەلتۈرۈپ چىقارمايدۇ، مىڭە ئارتېرىيە قان-تومۇرلىرىغا زىيانسىز بولۇپ، مىڭە ھۈجەيرىسىنىڭ يۆتكىلىشىنى ئىلگىرى سۈرۈش رولىنى ئوينايدۇ.



  4.تۇخۇم

  چوڭ مىڭىنىڭ پائالىيەتچانلىق ئىقتىدارى، ئەستە ساقلىشىنىڭ كۈچلۈك-ئاجىز بولۇشى چوڭ مىڭىدىكى ئاتسېتىلخولىن مىقدارى بىلەن زىچ مۇناسىۋەتلىك. تەجرىبىدە ئىسپاتلىنىشىچە، تۇخۇم سېرىقى تەركىبىدە مول بولغان لىتسىتلىن ئېنزىم تەرىپىدىن پارچىلانغاندىن كېيىن، مول بولغان ئاتسېتىلخولىن پەيدا قىلىپ، قان سۇيۇقلۇقىغا كىرىپ يەنە تېزلا مىڭە توقۇلمىسىغا يېتىپ بېرىپ، ئەستە ساقلاش ئىقتىدارىنى كۈچەيتەلەيدىكەن. چەتئەل تەتقىقاتىدا ئىسپاتلىنىشىچە، ھەر كۈنى بىر ئىككى تال تۇخۇم يەپ بەرگەندە بەدەننى يېتەرلىك خولىن بىلەن تەمىنلەيدىكەن، بۇ چوڭ مىڭىنى ئاسراپ، ئەستە ساقلاش قابىلىيتىنى ئاشۇرۇشقا پايدىلىق.

  5. تېرىق  

  تېرىق تەركىبىدىكى ۋىتامىن B1بىلەن ۋىتامىن B2 نىڭ مىقدارى ئايرىم-ئايرىم ھالدا گۈرۈچ تەركىبىدىكىنىڭ 1.5 ھەسسىسى ۋە 1 ھەسسىسىگە باراۋەر،بۇنىڭ تەركىبىدىكى ئاقسىل تەركىبىدە بىر قەدەر كۆپ بولغان تىرىپتوفىن ۋە مېتىئونىن بار. كېلىنىكىلىق كۆزىتىش نەتىنجىسىدە داۋاملىق تېرىق ئۇمىچى دىگەندەك يېمەكلىكلەرنى يەپ بەرگەندە چوڭ مىڭىنىڭ ساغلاملىقىغا پايدىلىق ئىكەنلىكى ئىسپاتلانغان.

  6. پالەك

  پالەك ئەرزان بولغانلىقتىن كۆزگە ئانچە چېلىقىپ كەتمەيدۇ. ئەمما ئۇ مىڭە ساغلاملاشتۇرىدىغان كۆكتات. پالەك تەركىبىدىكى ۋىتامىن A、C、B1 ۋە ۋىتامىن B2 ئىنتايىن مول بولۇپ مىڭە مېتابولىزمىدىكى «ئەڭ ياخشى تەمىنلىگۈچى» لەردىندۇر. بۇنىڭدىن سىرت، ئۇنىڭ تەركىبىدە يەنە كۆپ مىقداردا خىلروفىل بار بولۇپ، بۇمۇ مىڭىنى ساغلاملاشتۇرۇپ، ئەقىلنى ئاشۇرۇش رولىنى ئوينايدۇ.

  7.كۆممىقوناق

  كوممىقوناق بىخىدا ئولىئېك كىسلاتاسى قاتارلىق كۆپ خىل تويۇنمىغان ماي كىسلاتاسى بار بولۇپ، مىڭە قان - تومۇرلىرىنى قوغداش ۋە قاندىكى ماينى تۆۋەنلىتىش رولى بار. بولۇپمۇ كۆممىقوناق سۈيى تەركبىدىكى گلۇتامىك كىسلاتاسى تەركىبى بىر قەدەر يۇقىرى بولۇپ، مىڭە مېتابولىزمىنى ئىلگىرى سۈرىدۇ، داۋاملىق كۆممىقوناق يەپ بەرگەندە مىڭىنى ساغلاملاشتۇرۇشقا پايدىلىق.

  8.ئاناناس

  ئاناناس تەركىبىدە كۆپ مىقداردا ۋىتامىن C ۋە ئاز مىقداردا مانگان ئېلېمنتى بار بولۇپ، داۋاملىق يەپ بەرسە كەيپىياتنى كۆتۈرۈش رولىنى ئوينايدۇ، يەنە بەزىلەر تەرىپىدىن ئەستە ساقلاش ئىقتىدارىنى ياخشىلىغۇچى مېۋە دەپ ئاتالغان.

  9. قىزىلمۇچ

  قىزىلمۇچ تەركىبىدىكى ۋىتامىن C نىڭ مىقدارى باشقا ھەر قانداق بىر كۆكتاتنىڭكىدىن كۆپ، كاروتېن ۋە باشقا ۋىتامېنلارمۇ خېلى مول. قىزىلمۇچ تەركىبىدىكى قىزىلمۇچ ئىشقارى پۇراش سىزىمىنى قوزغىتىپ ئىشتىھانى ئاچىدۇ، چوڭ مىڭىدىكى قان سۇيۇقلۇقىنىڭ پائالىيتىنى ئىلگىرى سۈرىدۇ. يېقىندا مەلۇم بىر شەخس، قىزىلمۇچنىڭ «ئاچچىق» پۇرىقىنىڭ ئادەم تېنىدە كەسىپتە مۇۋەپپىقىيەت قازىنىش ھورمۇنىنى قوزغىتىپ، تەپەككۇرىنى ئۇرغۇتىدىغانلىقىنى بايقىغان.

    10. ئاپلىسىن

  ئاپلىسىن تەركىبىدە كۆپ مىقداردا ۋىتامىن A、B1 ۋە ۋىتامىن C بار، ئاپلىسىن تىپىك ئىشقارلىق يېمەكلىك بولۇپ، كۆپ مىقداردىكى كىسلاتالىق يېمەكلىكنىڭ نېرۋا سىستېمىسىغا قارىتا زىينىنى چىقىرىۋېتەلەيدۇ. ئىمتىھان مەزگىلىدە مۇۋاپىق مىقداردا جۈزە يەپ بەرسە، كەيپىياتنى جانلاندۇرىدۇ. بۇنىڭدىن سىرت، لىمون، ماندارىن، جۈزە قاتارلىقلارنىڭمۇ يۇقارقىدەك رولى بار.

  11. چىچەكسەي

كىشىلەر چېچەكسەينى نېرۋىنى تىنچلاندۇرغۇچى دەپ ئاتىشىدۇ. ئەمما چېچەكسەينى ھەرگىزمۇ خام پېتى ئىستېمال قىلىشقا ياكى ئايرىم قورۇپ يېيىشكە بولمايدۇ، ئۇنى قاينىتىپ پىشۇرۇپ يىسە ياكى قۇرۇتۇلغىنىنى يىسە ئەڭ ياخشى.  

asrar

يىمەكلىك ئارقىلىق ئەستە ساقلاش ئىقتدارىمىزنى  ئاشۇرساق  نىمانداق ياخشى -ھە...مەن ئاپلىسىنغا بەك ئامراق
يىمەكلىك ئارقىلىقمۇ كىسەل داۋالىغىلى بۇلىدۇ دەپ ئاڭلىغان ئىدىم .

barqin

ھەممىسى ئەتراپىمىزدىكى يىمەكلىكلەر ئىكەن. مەنمۇ مىۋە-چىۋە، سەي-كۆكتاتلارنى يىيىشكە بەك ئامراق، ئۇزقلىققا دىققەت قىلغاندا ھەرخىل كىسەللىكلەردىن خالىي بۇلالايمىز،
ساغلام تەندە ساپ ئەقىل.
تىما ئىگىسىنىڭ ياخشى تىمىلار بىلەن تەمىنلىگىنىگە كۆپ رەھمەت.

گۇلزار

ھەقىقەتەن ياخشى ماتىريال ئېلىپ كەپسىز رەھمەت سىزگە .
ئادەم ياشقا چوڭايغانچە ئەستە تۇتۇش قابىليىتىمۇ تۆۋەنلەپ بارىدىكەن . شۇڭا بۇنى دورا ئارقىلىىقلا كونتىرول قىلماي ئەتراپىمىزدىكى يىمەكلىكلەر ئارقىلىقمۇ تىزگىنلىگىلى ھەم تېخىمۇ ئاشۇغىلى  بولىدىكەن ئەمەسمۇ .
  

umid0998

بۇرادەر، ياخشى بىلىملەرنى بىزگە سۇنۇپسىز. سالامەت بولۇڭ.
ئوقۇتقۇچىلارغا تەۋسىيەم- ئۆزۇڭلارنى ياخشى كۇتۇڭلار، سالامەت بولۇڭلار، تىرىشىپ جانلىق ئىشلەڭلار،،،
رەھمەت سىزگە

艾山江

ھەقىقەتەن ياخشى ماتىريال ئېلىپ كەپسىز رەھمەت سىزگە

ئامان

بۇلار يىمەك-ئىچمەك ئادىتىمىزگىمۇ ماس كېلىدىغان، ھەرقانداق بىر ئائىلە كۆتۈرۈپ كېتەلەيدىغان يىمەكلىكلەر ئىكەن، بالىلارنىڭ ئەستە ساقلاش قابىلىيىتىنى يۇقۇرى كۆتۈرۈشكە ھەممە ئادەم كۆڭۈل بۆلىدۇ، شۇڭا بۇ خىل يىمەللىكلەرنى كۈندىلىك ئۇزۇقلىنىش ئادىتىگە ئايلاندۇرساق بولغىدەك.
تېمىڭىزغا رەخمەت، قولىڭىزغا دەرت كەلمىگەي.