مۇئەللىمىنىڭ ئىش ھەققى

زەپەر

مۇئەللىمىنىڭ ئىش ھەققى




مۇئەللىمىنىڭ ئىش ھەققى مىسال ،
ئانىسىنىڭ سۈتىدىن ھالال.
روھى چۈشكۈن ،پۇتى مادارسىز ،
قىلار ھەممە ئۇنىلا مالال .

ۋايسىمايدۇ ئاجەپمۇ پىششىق ،
قاقاس چۈلدە بوستان ياسايدۇ .
لوق يېرىنى سىنىڭگە بىرىپ ،
سۆڭىگىنى ئۆزى غاجايدۇ .

ئۇ بەزىدە مەدىكار بولۇپ ،
ئېتىزلاردا چۆنەك تارتىدۇ .
شۇنداق ئۇ زات يەنە ئۈمۈتنى ،
ئۆشنىسىگە مەھكەم ئارتىدۇ .

سەن ئۇخلايسەن كەچتە ۋاقتىدا ،
ئۇ يازىدۇ تۈگىمەس ھەسرەت .
ئەزسىمۇ راس قانچىلىك جاپا ،
يوق قەلبىدە زەرچىلىك نەپىرەت .

ئارام ئالار بارچە خىزمەتچى ،
ئىشتىن چۈشۈپ ئۆيىدە  ئىسسىق.
ئارام ئالماس باتۇر مۇئەللىم ،
تەكشۈردىغان تاپشۇرۇق بېسىق .

دەيدۇ بەزەن مۇدىر مۇدىرلار ،
ئىشلىگەنگە ئالىسەنغۇ ھەق .
دىگۈم كىلەر ھەق ئالمىسام مەن .
قانداق نىمەڭ ئىدى ماڭە تەق .

مۇئەللىمىنىڭ ئىش ھەققى نىمە ،
جان ساقلاشنىڭ دورىسى پەقەت .
ئۇ مەڭگۇلۇك باھارنىڭ ھىدى ،
بولسىمۇ گەر ئۇ بىر يالاڭ ئەت .

پەش قىلمىغىن پۇل ئالىسەن  دەپ ،
شارائىت بەر مىۋە ئۆستۈرسۇن .
ھۆرمىتىنى قىل ،قوللا ،ئاسىرا ،
ھىممىتىڭدىن مىليۇن گۇل ئۈنسۇن .



مەنبەسى : باغراش تورىدىن ئېلىندى

زەپەر

火山

ياخشى يېزىلغان شېر ئىكەن لېكىن باشقا مۇنبەردىن تېما يوللىمايلى !باشقا مۇنبەردىن كۆچۈرۈپ يوللىغان يۈز تېمىدىن ئۆزىمىز يوللىغان بىر تېما ئارتۇق !

◤pari◥

مۇئەللىمىنىڭ ئىش ھەققى نىمە ،
جان ساقلاشنىڭ دورىسى پەقەت .
ئۇ مەڭگۇلۇك باھارنىڭ ھىدى ،
بولسىمۇ گەر ئۇ بىر يالاڭ ئەت .

پەش قىلمىغىن پۇل ئالىسەن  دەپ ،
شارائىت بەر مىۋە ئۆستۈرسۇن .
ھۆرمىتىنى قىل ،قوللا ،ئاسىرا ،
ھىممىتىڭدىن مىليۇن گۇل ئۈنسۇن .

  بۇ مىسرالار بەك ياخشى چىقىپتۇ ،.....