سۆيگىنىڭىزنى قانداق سۆيۈشنى بىلەمسىز؟

★ئۇنىڭغا تېلىفۇن بەرمىگەن ياكى ئۇچۇر يوللىمىغانلىقىڭىزنى ئالدىراشلىقىڭىزغا دۆڭگىمەڭ. ★ھەرقانداق ۋاقىت ۋە ھەرقانداق ئورۇندا ئۇنىڭ ئۇرۇق-تۇققانلىرىنىڭ ئەيىپىنى ئاچماڭ. ★ئۇنىڭغا دائىم كۈلۈمسىرەپ تۇرۇڭ. كەيپىياتىڭىز ناچار ۋاقىتلاردىمۇ شۇنداق قىلىشنى ئۇنتۇماڭ. ★ئۇ قىيىنچىلىققا يولۇققان، مەغلۇپ بولغان چاغلاردا ئۇنىڭغا تەسەللى بېرىپ، ئىلھاملاندۇرۇڭ. ★ئۇنىڭدىن ئارتۇقچە گۇمانلانماڭ، ئۇنىڭ بارلىق سۆزىگە ئىشىنىڭ. ★ئۇنىڭ ھەر بىر ئىلگىرلىشىنى ئالقىشلاڭ. ★دائىم ئۇنىلا مېھمان قىلدۇرماي، سىزمۇ ئارىلاپ ئۇنى مېھمان قىلىپ قويۇڭ. ★ئاشخانىغا كىرگەندە ئۇ ياخشى كۆرىدىغان تائاملارنىمۇ بۇيرۇتۇڭ. ★ئۇنىڭ ئۈچۈن مۇھىم بولغان خاتىرە كۈنلەرنى ئەستىن چىقارماڭ. ★ئۇنىڭ كەيپىياتى ناچار ۋاقىتلاردا ئۇنىڭ سۆزىنى ئەستايىدىللىق بىلەن ئاڭلاڭ. ★ئۇنىڭغا ھەرگىز يالغان سۆزلىمەڭ. ★خاتالىق ئۆتكۈزگەندىن كېيىن كەچۈرۈم سوراشنى ئۇنتۇپ قالماڭ. ★ئۇ كۆرسۇن-كۆرمىسۇن، ھەر ۋاقىت كېلىشكەن، گۈزەل، ئوماق ھالىتىڭىزنى ساقلاڭ. ★ئۇنىڭ ئۈچۈن ھەرقانداق ئىشتا مۇنەۋۋەر بۇلۇشقا تىرىشىڭ. ★ئۇنى ئۇ ياقتۇرىدىغان ئۇسۇلدا ياخشى كۆرۈڭ. ★ھەر قانداق ۋاقىت ۋە ھەرقانداق جايدا ئۇنىڭ غۇرۇرىغا يات ئىش قىلماڭ. ★مۇھەببەت ھەر ئىككى تەرەپكە باغلىق ئىش، ئۇ سۆيىشىڭىزگە ئەرزىمىسە، بۇ مۇھەببەتتىن ئۆز ۋاختىدا،ئىككىلەنمەي ۋاز كېچىڭ.

مەنبە: «شىنجاڭ قانۇنچىلىق گېزىتى»

|