ئۇلۇغ ئالىم يۇسۇپ خاس ھاجىپ رۇبائىيلىرى

رەپقەت

ئۇلۇغ ئالىم يۇسۇپ خاس ھاجىپ رۇبائىيلىرى
سىرىڭنى ساقلا چىڭ،دىمە ھىچقاچان،   
دىسەڭ گەر چېكەرسەن يىللار پۇشايمان.
قىزىل تىل-قارا باشقا دۇشمەن يامان،
ئۇنىڭدىن ھەزەرقىل،ياشارسەن ئامان.
-----------------
بىلىم،پەزىل ئۆگەن،قىممەت بىل ئۇنى،
قىلۇر قىممەت ئاخىر پەزىلەت سىنى.
بىلىم بىل،زىرەك بول، بىكار يۇرمىگىن،
بىرەر ياخشىلىق ئۇ ساڭا بىر كۇنى.
-----------------
كىشى ئالدىدا مەرد ئۆزىن يوشۇرۇر،
قىلىپ يۇز يىل ئىبادەت ئۇنى ئاز كۆرۇر.
تائەت قىل،كىشىدىن تۇت مەخپى ئۇنى،
بۇ سۆز بىر سىر ئەردى مەن ئاچتىم ئۇنى.
------------------
ئوغۇل-قىزنى دەپ سەن، دىلىڭ سىرىلۇر،
قەيەردە ئوغۇل-قىز بۇ دەرتنى بىلۇر.
يىغارسەن ھارامنى كېتەرسەن،قالار،
سەن يىغلاپ كېتەرسەن،ئۇ ھوزۇر كۆرۇر.

بىلىملىك تۇغۇلماس كىشى،ئۆگىنۇر ،
تۇغۇپ سۆزلىمەس تىل، تۇرۇپ سۆز قىلۇر.
كىشى ئۆگىنىش بىرلە ئالىم بولۇر،
بىلىم بىلسە بارچە ئىشلار ئوڭشىلۇر.
------------------
سىنى سىز دىسىلەر، ئۇنى سىز دىگىل،
ئۇنىڭدىنمۇ ياخشى جاۋاپ سۆزلىگىل.
قىيا ساداسىن تۆۋەن بولمىغىل،
سىنى سەن دىسىلەر، ئۇنى سەنلىگىل.
-----------------  
پاساتنىڭ يېنىغا يېقىن بارمىغىل،
پاسات نەدە خارلىق شۇندا، بىل.
قوپالدۇر بىلىمسىز سۆزى ،خۇلقى ھەم،
يىراق تۇر ،تېزىپ يۈر بىلىمسىزلىدىن.
-----------------   
بىلىم قىممىتىنى بىلىملىك بىلۇر،
ئەقىلنى قەدىرلەش بىلىمدىن كېلۇر.
نىچۈك تەلۋە بىلگەي بىلىم قەدرىنى،
بىلىم نەدە بولسا،بىلملىك ئالۇر.
---------------   


قارا باش دۇشمىنى قىزىل تىل .ئىرۇر،
يىدى قانچە باشنى، يەنەھەم يىيۇر.
بېشىڭنى تىلىسەڭ تىلىڭنى كۆزەت ،
تىلىڭ ھەر كۈنىدە بېشىڭنى يونۇر.
----------------   
چۈشىڭدەك كەچۇردىڭ تىرىكلىك چېغىڭ،
قېنى پايدا، كۆرسەت ماڭا بىر ئىزىڭ.
كەچۈردىڭ كۈنىڭنى ھەۋەس –ئارزۇدا،
تۈگىدى تىرىكلىك، قالدى پۇشمىنىڭ.
------------------
بۇ دۇنيا قۇنالغۇ ،ئۆزىڭ سەن كارۋان،
يىيەلەمدۇ- يوقمۇ ،چۈشەنمەي قالار.
بېيىپ ئۇ تىلەككە ئېرىشكەن كۈنى،
تۈگەپ بۇ تىرىكلىك ،ئەزىز جان ئۇچار
بۇ دۇنيا قۇنالغۇ ،ئۆزىڭ سەن كارۋان،
قۇنالغۇدا كارۋان قانچىلىك تۇرغان.
بۇ دۇنيا سارايدۇر قازانماق يېرى ،
نە تاپساڭ بۇ يەردىن ،ئۇنى ئال ،يۈرى.
2008-يىلى5-ئاي (ئەنۋەر ئوسمان )

ئاينۇر

ھەقىقەتەن ياخشى رۇبائىيلار ئىكەن ساقلىۋالسام بولغىدەك كۈڭۈلگە ھۇزۇر بېغىشلايدىغان

火山

ساقلىۋالغۇدەك روبائىيلار ئىكەن بۇ !

ئارچا

رەھمەت سىزگە ،ناھايىتى ياخشى رۇبائىلار ئىكەن.ھازىر بۇنداق رۇبائىلارنى تاپماق تەس،مۇشۇنداق رۇبائىلار بولسا داۋاملىق يوللاپ تۇرغايسىز.قولىڭىزغا دەت كالمىسۇن.