بىر غېرىچ

يانتاق

بىر غېرىچ




قايرىپ قويۇپ ھايانى،كىيگەن يوپكاڭ بىر غېرىچ،
شۇ يوپكىنىڭ ۋەجىدىن ئاران ماڭدىڭ بىر غېرىچ.
مودا قوغلاپ ئۆزۈڭچە قىلىپ باقتىڭ ھەممىنى ،
ئۇزۇن ئۆرۈم چېچىڭنى كېسىپ تاڭدىڭ بىر غېرىچ.

كىيگەن كوپتاڭ بېلىڭنى ياپمىغاننى ئاز كۆرۈپ،
ئۆلچىمىدىن ئاشۇرۇپ ئويۇۋالدىڭ بىر غېرىچ.
ماسلاشماق بوپ دەۋرنىڭ مودىسىغا تېخىمۇ،
پاشنىسىنى ئاياغنىڭ قىلىۋالدىڭ بىر غېرىچ.

نەدىن تاپقان پۇلكىنتاڭ ،قات- قات زەنجىر بوينۇڭدا،
بولسا ئاشۇ زەنجىرنى ئۇلاي دېدىڭ بىر غېرىچ.
نەدە شۇنداق ئادەت بار،تىرنىقىنى ئۆستۈرۈش؟
ئەپسۇس ،شۇنى پەرۋىشلەپ قىلاي دېدىڭ بىر غېرىچ.

ئازلىق قىلسا ناۋادا ئاتا- ئاناڭ بەرگەن پۇل،
رازى بولماي تۇمشۇقنى سوزۇۋالدىڭ بىر غېرىچ،
چىقىپ كەتكەن كېچەڭ كۆپ،ئەنسىرىتىپ چوڭلارنى،
قاۋاقخانا ،دىبادا ئۈزىۋالدىڭ بىر غېرىچ.

چاپتىڭ شۇنداق نىشانسىز،ئويلاپ قويماي زاتىڭنى،
چېكىندىڭ -يۇ، ئالغا ھېچ باسالمىدىڭ بىر غېرىچ.
گۈزەل خۇلق -ھايانى يوقىتىپ سەن،ھەي ئىسىت،
پەزىلەتنىڭ سۈيىدە ئاقالمىدىڭ بىر غېرىچ.

نېمە قىلساڭ مەيلىغۇ،ئۇنۇتمىساڭ ئەسلىڭنى،
ئەيش - ئىشرەت كويىدا يوقاتمىساڭ ۋەسلىڭنى،
نادانلىققا يول ئېچىپ ،قۇرۇتمىساڭ نەسلىڭنى .
ئويلان،ھالاك بولۇشقا پەقەت قالدىڭ بىر غېرىچ.

ئاينۇر

ياخشى يېزىپسىز. بەزى ئاياللىرىمىز مىنىڭ بالام بار ئازراق ئۇزۇنراق كېيەي دىمەي بىر غېرىچلىق يوپكا كېيىدۇ. پەرزەتلىرىگە بولغان تەسىرىنى بىلمەيدۇ

火山

بۇنى ئۆزىڭىز يازدىڭىزمۇ !بولسا مەنبەنى ئېنىق ئەسكەرتكەن بولسىڭىز تېما داۋاسىغا قالمايلى يەنە

بەزى ئاياللار كىيىمنى قىسقا كىيىپ شۇ ئەرلەرنى جەلىپ قىلماقچىدۇ تايىنلىق

ئامان

يانتاق ئەپەندىم ، ناھايىتى ياخشى يېزىلغان شېئىر ئىكەن. ئۆزىڭىز يازدىڭىزمۇ؟ .... مەنبەسىنى ئەسكەرتمەپسىزغۇ؟
بۇ شېئىر نۆۋەتتە بىر قىسىم قىز_ئاياللىرىمىزدا ساقلىنىپ كېلىۋاتقان مودا قوغلىشىشتىن كېلىپ چىققان مىللى خاسلىقىمىزغا ماس كەلمەيدىغان يۈرۈش_تۇرۇش، كىيىنىش ئادەتلىرى دەل جايىدا ھەجۋى قىلىنىپتۇ. شېئىرنىڭ ئاپتورىغا بارىكاللا! شېئىرنىڭ يېشىمىمۇ ناھايىتى ياخشى چۈشۈرۈلۈپتۇ.

ئويلان،ھالاك بولۇشقا پەقەت قالدىڭ بىر غېرىچ.