- تىزىملاتقان
- 2012-1-29
- ئاخىرقى قېتىم
- 2012-6-3
- ھوقۇقى
- 150
- جۇغلانما
- 4134
- نادىر
- 0
- تېما
- 51
- يازما
- 759
 
- يوقلىما
- 84
قىزغىنلىق- 1168 سەر
تىللا- 198 دانە
تۆھپە- 841 سەر
شۆھرەت- 844 سەر
| ئەستايىدىل بولۇڭ مۇشۇك ئاسلىنىغا:‹‹بالام، ئەمدى چوڭ بولدۇڭ، ئۆزۇڭ يېمەكلىك تېپىپ يېيىشنى ئۆگۈنىشىڭ كېرەك›› دەپتۇ. ئاسلان:‹‹ئانا، ئۇنداقتا مەن نېمىلەرنى يېيىشىم كېرەك؟››دەپتۇ. مۇشۇك:‹‹سېنىڭ نېمىلەرنى يېيىشىڭنى ھازىرچە مەن ساڭا دەپ بەرمەيمەن، ئەمما، ئەجداتلىرىمىز قالدۇرۇپ كەتكەن ئۇسۇل بويىچە بۇ بىر نەچچە كۈن ئاخشىمى سەن ئۆيلەرنىڭ ئۆگزىسىدە،تۈڭلۈكلىرىدە، دېرىزىلىرىدە تۇرۇپ، ئۇلارنىڭ گەپلىرىنى ئەستايىدىللىق بىلەن ئاڭلا، ئۇلار تەبىئىي ھالدا ساڭا نېمىلەرنى يېيىشنى دەپ بېرىدۇ››دەپتۇ. بىرىنچى كۇنى ئاخشىمى ئاسلان بىر ئۆينىڭ دېرىزىسى تۇۋىدە تۇرۇپ بىر ئاتنىڭ ئوغلىغا:‹‹ئوغلۇم، بېلىق بىلەن سۇتنىڭ توڭلاتقۇغا سېلىپ قويغىن››دېگىنىنى ئاڭلاپتۇ. ئىككىنچى كۈنى ئاخشىمى ئاسلان يەنە بىر ئۆيدىكى بىر ئايالنىڭ ئېرىگە:‹‹ماڭا ياردەملىشىپ، قېزا بىلەن سۈرلەنگەن گۆشنى لىمغا ئېسىپ قويۇڭ، توخۇ بىلەن مۈشۈكلەر يەۋالمىسۇن يەنە›› دېگىنىنى ئاڭلاپتۇ. ئۈچىنچى كۈنى ئاخشىمى ئاسلان باشقا بىر ئايالنىڭ ئوغلىنى ‹‹ئېشىپ قالغان ئىرىمچىك، گۆش قاتلىمىسى، بېلىقلار نى جايىغا قويۇشنىمۇ بىلمىگەن ›› دەپ تەنقىدلىگىننى ئاڭلاپ قاپتۇ. مانا شۇنداق قىلىپ ئاسلان ھەر كۈنى دېگۈدەك ئېسىل نازۇ نېمەتلەرنى يەپتۇ ۋە ئانىسىغا :‹‹ئانا، دەرۋەقە سىزنىڭ دېگىنىڭىزگە ئوخشاش مەن ئەستايىدىللىق بىلەن ئاڭلىساملا، ئادەملەر ماڭا ھەر كۈنى نېمە يەيدىغانلىقىنى دەپ بېرىدىكەن ››دەپتۇ. باشقىلارنىڭ گېپىنى ئەستايىدىللىق بىلەن ئاڭلاش، تۇرمۇشتىكى تەجرىبە-ساۋاقلارنى يەكۈنلەش ئارقىلىق، ئاسلانمۇ ناھىيىتى چاققان، يوغان مۇشۇك بۇلۇپ چوڭ بوپتۇ. بۇ مۈشۈكمۇ كېيىن باللىرىغا ئانىسى ئۇنىڭغا ئۆگەتكەن ئۇسسۇل بۇيىچە ‹‹باشقىلارنىڭ گېپىنى ئەستايىدىل ئاڭلا، چۈنكى ئۇلار ساڭا تەبىئىيلا قانداق قىلىشنى ئۆگىتىدۇ››دەپ تەربىيە بېرىپتۇ. ھېكمەت: ھەممىلا جايدا مەمەدانلىق قىلىپ سۆزلەپ يۈرسىڭىز، ئۆگىنىش پۇرسىتىنى قۇلدىن بىرىپ قۇيۇسىز. پەقەت باشقىلارنىڭ گېپىنى ئەستايىدىللىق بىلەن ئاڭلىغاندىلا ئاندىن تېخىمۇ كۆپ ئۇچۇرلارگا ئېرىشىپ، تېخىمۇ يىراقنى كۆرەلەيسىز. شۇنداقلا ئۆزىڭىزنى تېخىمۇ تاكامۇللاشتۇرۇپ، ئەسلىدىكى ئۆزىڭىزدىن ھالقىپ ئۆتەلەيسىز. مەنبە:شىنجاڭ مائارىپى2012.3 -سان
|
|