ئاپتونوم رايونىمىزدىكى داڭلىق مەدەنىيەت –ساياھەت باغچىلىرى(1)

XAM

شىنجاڭ ئۇيغۇر ئاپتونوم رايونىمىزدىكى  داڭلىق مەدەنىيەت –ساياھەت باغچىلىرى(1)

دۇنيا توغراق باغچىسى
دۇنيا توغراق باغچىسى تارىم دەرياسىنىڭ ئىككى قىرغىقىدىكى(شايار ناھىيەسى تەۋەسىدە) توغراقلىقنى ئۆز ئىچىگە ئالىدىغان بولۇپ، ئۇ شايار ناھىيە بازىرىدىن 35 كىلومېتىر يىراقلىقتا. بۇنىڭ دائىرىسى شەرقتە ئۇپقان توغراق ساياھەت رايونى، جەنۇبتا گەزقۇم يېزىسىنىڭ قۇمبوستان كەنتى، غەربتە دۆلەت يولى 217 – لىنىيەسىدىكى تارىم دەرياسى چوڭ كۆۋرۈكى، شىمالدا تارىم دەرياسى بىلەن چېگرىلىنىدىغان، دۇنيا بويىچە ئەڭ چوڭ، ئەڭ ياخشى ساقلانغان دۆلەت دەرىجىلىك تەبىئىيلىكى قوغدىلىدىغان رايوننى ئۆز ئىچىگە ئالىدۇ. ئالتۇن كۈز پەسلىدە شەكلى ئۆزگىچە توغراقلىقلار ئالتۇن رەڭگە كىرىپ، تارىم دەرياسىدا ئۆزگىچە گۈزەل مەنزىرە شەكىللەندۈرىدۇ. تەبىئىيلىكى قوغدىلىدىغان رايوندا ياۋا توشقان، ياۋا توخۇ، توڭگۇز، تۈلكە، كىرپە، تارىم بۇغىسى، ئۆچكە قاتارلىق قۇش ۋە ھايۋانلار ياشىغاندىن باشقا، يەنە چۈچۈكبۇيا، لوپنور كەندىرى، يۇلغۇن قاتارلىق قىممەتلىك ئۆسۈملۈكلىرى بار.
   ھازىر تەبىئىيلىكى قوغدىلىدىغان رايون ساياھەتچىلەر تەلپۈنىدىغان مەنزىرە نۇقتىسى بولۇپ قالدى.
ئىلى دەرياسى مىللەتلەر مەدەنىيەت –ساياھەت باغچىسىغۇلجىنىڭ ساياھەتچىلىكتىكى ‹‹كوزىرى›› ھېسابلىنىدىغان ئىلى دەرياسىنىڭ شىمالىي قىرغىقىغا جايلاشقان ‹‹ئايدۆڭ شىپاڭ›› دەپ ئاتىلىدىغان بىر سەيلىگاھ بار، ئۇ غۇلجا شەھەر تاشكۆۋرۇك يېزا ئايدۆڭ كەنتىگە جايلاشقان ئىلى دەرياسى مىللەتلەر مەدەنىيەت –ساياھەت باغچىسى.
   بۇ باغچىسىنىڭ ئومۇمىي كۆلىمى 72مو بولۇپ، 1997 – يىلى بەرپا قىلىنغان. 2000 – يىلى ‹‹ئىلى دەرياسى مىللەتلەر مەدەنىيەت ساياھەت باغچىسى›› دەپ ئاتالغان. ئىلى دەرياسى مىللەتلەر مەدەنىيەت ساياھەت باغچىسىنىڭ خوجايىنى كەرىمجان ئابدۇكېرىم مۇنداق دېدى: باغچىدا ھەر يىلى ئاپتونوم رايون ئىچى – سىرتى ۋە چەت ئەللەردىن 50مىڭدىن ئارتۇق ساياھەتچى كۈتۈۋېلىنىدۇ. باغچا ئىچىدىكى چوڭ راۋاق يېنىدىكى يول بىلەن يارداڭلىق، قومۇشلۇق، توقايلىقلاردىن ئۆتسىڭىز يېيىلىپ ئېقىۋاتقان ئانا دەريا بويىغا قەدەم باسىسىز، بۇ يەردىكى توقاي – ئورمانلار، گۈزەل دەريا قىرغاقلىرى، تىنماي سايراۋاتقان قۇشلار، ئارامگاھلاردىن ياڭراۋاتقان شادىيانە ناخشا – مۇزىكىلار سىزگە ھۇزۇر بېغىشلايدۇ. بۇنىڭدىن كېيىن تېخىمۇ كۆپ مەبلەغ سېلىپ، ئىلىدىكى 13مىللەتنىڭ ئالاھىدىلىكىنى گەۋدىلەندۇرىدىغان كۆرۈنۈش، مەنزىرە ھاسىل قىلىپ، تېخىمۇ يارقىن جەلپكار باغچا قۇرىمىز.
بايىنبۇلاق يايلىقى جۇڭگودىكى ئالتە چوڭ گۈزەل سۇلۇق يەر قاتارىغا كىردىيېقىندا، جۇڭگودىكى گۈزەل جايلارنى تاللاش نەتىجىسى ‹‹جۇڭگو دۆلەت جۇغراپىيىسى›› ژۇرنىلىدا ئېلان قىلىندى. شىنجاڭ بايىنبۇلاق نەملىكى 2 – ئورۇننى ئىگىلەپ، جۇڭگودىكى ئالتە چوڭ گۈزەل سۇلۇق يەر قاتارىغا كىرگۈزۈلدى.
     بايىنبۇلاق – موڭغۇل تىلىدا ‹‹بايلىق بۇلىقى›› دېگەن مەنىدە بولۇپ، خېجىڭ ناھىيىسىنىڭ غەربىي شىمالىغا جايلاشقان. بۇ يەر دەريا، كۆل، بۇلاق بىرلەشكەن نەملىك بولۇپ، قۇشلارنىڭ جەننەت ماكانى.بۇ يەر يەنە دۇنيادىكى ئاققۇ كۆپ قونىدىغان جاي ھېسابلىنىدۇ. بايىنبۇلاق تەۋەسىدىكى ئاققۇلار دۇنيادىكى ئاققۇلارنىڭ تەخمىنەن بەشتىن ئۈچ قىسمىنى ئىگىلەيدۇ. شۇڭا بۇ يەرنىڭ ‹‹ئاققۇ ماكانى›› دېگەن چىرايلىق نامى بار. بايىنبۇلاق يايلىقى دېڭىز يۈزىدىن 2300 مېتىردىن 3100 مېتىرغىچە ئېگىز، ئومۇمىي كۆلىمى 100 مىڭ گېكتاردىن كۆپرەك بولۇپ، تۆت پەسىلنىڭ ئېنىق ئايرىمىسى يوق.

ئاينۇر

بۇ مەزمۇنلارنى كۈرۈپ بۇ يىلقى ساياھەت پىلانىمنى تۈزىۋالدىم. قالغان ساياھەت رايۇنلىرىنى چۈشەندۈرىشىڭىز ئۈزۈلۈپ قالمىغاي...