مۇنداقمۇ قوزغىتىش ئۇسۇللىرى بار، دەھشەت

بۇرۇن

مۇنداقمۇ قوزغىتىش ئۇسۇللىرى بار

مەن تور ئارىلاۋېتىپ مۇنداق بىرقانچە خىل ئاجايىپ كومپيۇتېر قوزغىتىش ئۇسۇللىرىنى بايقىدىم، تۆۋەندە كۆپچىلىك بىلەن ئورتاقلاشماقچى.

دىققەت: تۆۋەندە دېيىلگەن مەشغۇلاتلارنىڭ ھەممىسىئانا تاختىنىڭ تەڭشىكى بىلەن مۇناسىۋەتلىك، يۇقىرى دەرىجىدىكى خەتەرلىك مەشغۇلاتلارغا كىرىدۇ، شۇڭا سەل قاراپراق مەشغۇلات قىلارسىز، ئەگەر ھەرقانداق مەسىلە كۆرۈلسە مەن بىردەك مەسئۇل ئەمەس، چۈنكى كومپيۇتېرىم خاتىرە كومپيۇتېربولغاچ تۆۋەندە دېيىلگەن ئىقتىدارلارنىڭ كۆپىنچىسىنى سىناشقا پۇرسەت بولمىدى.

يەنە بىرى، ھەر خىل ماركىدىكى ئانا تاختىلارنڭ تەڭشىكى ئوخشاش بولماسلىقى مۇمكىن ، شۇڭا مەشغۇلات قىلغاندا دىققەت قىلىڭ.

1.  ۋاقىت بەلگىلەپ قوزغىتىش

دېمەكچى، سىزۋاقىت بەلگىلەپ قويغاندىن كېيىن، كومپيۇتېرنىڭ توك مەنبەسىنى ئۈزىۋەتمىسىڭىز كېيىنكى قېتىم ۋاقىت توشقاندا ئاپتوماتىك قوزغىتىدۇ.

شەرتى: ئىشلەتكەن توك مەنبە ATX بولۇشى ، ئاندىن CMOSتەڭشىكىدە Resume By Alarmدېگەندەك تۈرى بولۇشى لازىم.

ئۇسۇلى: قوزغالغاندىن كېيىن CMOSتەڭشىكىگە كىرىپ باش تەڭشەكتىن Power Management setupتەڭشىكىگە كىرىمىز، ئاندىن Resume By Alarmنى Enable گە تەڭشەيمىز. بۇ ۋاقىتتا ئاستىدىكى  ۋە Alarm تۈرى يۇقىرى يورۇقلۇقتا كۆرسىتىلىدۇ،يەنى تەڭشىگىلى بولىدىغان ھالەتكە ئۆتىدۇ. ئاندىن يۆنىلىش كۇنۇپكىسى بىلەن (Date(of Month)Alarm نى ئادەتتە تاللىمايمىز، چۈنكىئۇنىڭ سۈكۈت قىممىتى 0 بولۇپ كۈندە ئاشۇ تەڭشەلگەن ۋاقىتتا دېگەننى بىلدۈرىدۇ.) Time(hh:mm:ss) تۈرىنى تاللاپ ئاندىن ۋاقىتتنى بېكىتىمىز. ھەرقايسى كىچىك تۈرلەرئارىسىدا Page up, Page downكۇنۇپكىسى بىلەن ئالماشتۇرۇش ئېلىپ بارىمىز. بۇ ۋاقىت BIOS ۋاقتىنى ئۆلچەم قىلىدۇ. يەنى كومپيۇتېرىڭىزنىڭ ۋاقتى. تەڭشەپ بولۇپ ئاندىن F10كۇنۇپكىسىنى بېسىپ ساقلايمىز، ئاندىن چكىنىپ چىقىپ قايتا قوزغىتىمىز. شۇنىڭ بىلەن ئىناۋەتلىك بولىدۇ.

2.  پارول بىلەن قوزغىتىش

بۇ گەپنى بەلكىم نۇرغۇنلىرىمىز ھەرىكەتلىك فىلىملەردە كۆرگەن ھەقاچان. يەنى كومپيۇتېر توكقا ئۇلاقلىق ھالەتتە قوزغىتىش كۇنۇپكىسىنى باسماي تۇرۇپلا سىز بەلگىلىگەن مەخپىي نومۇرنى كىرگۈزسىڭىز دەرھال ئاپتوماتىك قوزغىلىدۇ. قانداق پەيزىمىكەن.

شەرتى: CMOSتەڭشىكىدە Set superviosor Password ياكى Set UserPassword تەڭشىكى بولۇشى لازىم.

ئاندىن توك مەنبىيى ATX، كۈتۈش ھالىتىدىكى توك  mA300 دىن كىچىك بولماسلىقى لازىم.

ئالدىنقىسى بولسا دەرىجىدىن تاشقىرى پارول بولۇپ قوزغىتىش كۇنۇپكىسىنى باسمىساقمۇ مەخپىي نومۇرنى كىرگۈزگەن ھامان قوزغىلىدۇ.كېينكىسى ئابونت مەخپىي نومۇرى بولۇپ بۇ يەنە BIOSمەخپىي نومۇرى دەپمۇ ئاتىلىدۇ. بۇنىڭدا ئاۋال قوزغىتىش كۇنۇپكىسىنى باسىسىز،ئاندىن مەخپىي نومۇرنى كىرگۈزىسىز.

ئۇسۇلى: ئاۋال CMOSتەڭشىكىگە كىرىپ ئاندىن Integrated Peripheralsتۈرىگە كىرىمىز. ئاندىن  Power On Function  دېگەن تۈرنى    Password قا ئۆزگەرتىمىز. بۇچاغدا ئاستىدىكى KB Power OnPassword  دېگەن تۈرى تەڭشەشكە بولىدىغان  ھالەتكە ئۆتىدۇ. ئاندىن يۆنىلىش كۇنۇپكىسى بىلەن ئاشۇ تۈرنى تاللاپ مۇقىملاشتۇرىمىز. بۇ چاغدا پارول كىرگۈزۈشنى سورايدۇ،بېكىتىپ ئاندىن مۇقىملاشتۇرىمىز. بۇ ۋاقىتتىكى پارولغا پەقەت 26 ھەرپ بەلگە ۋە 0-9غىچە سانلارنىلا ئىشلىتىشكە بولىدۇ. ئاندىن F10نى بېسىپ ساقلاپ چېكىنىمىز. تامام.

3.  تېزلەتمە كۇنۇپكا بىلەن قوزغىتىش بۇنىڭ ئۇسۇلى ئالدىدا دېگەن ئۇسۇل بىلەن ئوخشىشىپ كېتىدۇ. يەنى  Power On Function نىڭ ئاستىدىكى تاللاشنى Hot Key غا ئۆزگەرتىپ ئاندىن ئاستىدىكى Hot Key Power On نى Ctrl+F1~Ctrl+F12  غىچە بولغان دائىرىدىكى تېزلەتمە كۇنۇپكىغا تەڭشەيمىز. ئاندىن ساقلاپ چېكىنسەك بولىدۇ.

بۇندىن باشقا يەنە خالىغان كۇنۇپكا بىلەن قوزغىتىش،مائوسنڭ ئوڭ، سول كۇنۇپكىلىرى بىلەن قوزغىتىش، تېلىفون ئۇرۇپ يىراقتىن قوزغىتىش قاتارلىق بىر مۇنچە ئۇسۇللار بار ئىكەن، لېكىن ئادەتتە ئانچە كۆپ ئىشلىتىلمىگەندىن كېيىن ئۇنى يازمىدىم. قىززىقىدىغانلار بولسا سىناپ باقساڭلار بولىدۇ.
مەنبە: نۇرقۇت تورى، ئاۋاتار ئەپەندى

ئوتلۇق

سىناپ باقسام بولغىدەك .

ئۇيغۇر

مەن پارول بىلەن قوزغىتىشنى سناپ باققانتىم ،  كومپىيۇتىرىم ئىچىلمىدى ،مىمانى باسساممۇ قوزغالمىدى ،كومپىيۇتىرىمدا ھىچ قانداق ئىنكاس يوق .بىر ھەپتە بولدى كومپىيۇتىرىمنى ئاچالمىدىم، قانداق قىلسام كومپىيۇتىرىمنى  قوزغىتالايمەن ، ماڭا ياردەم قىلساڭلار ،قانداق قىلسام قوزغىتالايمەن ،كومپىيۇتىردا  ھىچ قانداق ئىنكاس يوق  ،ئەمدى كومپىيۇتىرىمنى ئشلىتەلمەمدىم ،توكنى ئۈزۇپ قايتا سىناپ باختىم  يانا ئوخشاش  مەن  نىم قىلىشىمنى بىلمىدىم  ماڭا ياردەم قىلساڭلار ، مۇشۇ ئىش تۇپەيلى نۇرغۇن  ئشلىرىم غا تەسىر يەتتى .ئەزىز تورداشلارنىڭ  ماڭا ياردەم قىلىشىنى ،سورايمەن .

ئۇيغۇر

مەن  ئشلىتەلمىدىم   كومپىيۇتىرىم .قەتئى ئىچىلمىدى ، قانداق قىلسام ئىچىلىدۇ ،

abdikayyum

سىزنىڭ ئىشلەتكىنىڭىز،خاتىرەكومپيۇتېرمۇ ياكى ئۇستەل كومپىيۇتېرمۇ؟

ئۇيغۇر

مىنىڭ ئۇستەل كومپىيۇتېرى  قەتئى ئامال قىلالمىدىم ،ياردم قىلساڭلار ،

abdikayyum

سىز،راستىنلا ئۇستەل كومپىيۇتېرى ئىشلەتكەن بولسىڭىز ئۇنداقتا مۇنداق قىلىڭ.سىزئاساسى تاختىغاقارسىڭىز ،ئۇچتال يىڭنىىنى كۆرسىز ئۇنىڭ يىنىدا ،SMOSياكىBIOSدىگەن خەت بار.شۇئۇچ يىڭنىنىڭ 1ۋە2-پۇتىنى تۇتاشتۇرۇپ تۇردىغان سىم ئاتلاتقۇچ بار.شۇئۇچ يىڭنىنىڭ 1ۋە2-پۇتىنى تۇتاشتۇرۇپ تۇردىغان سىم ئاتلاتقۇچنى،2ۋە3-يۆتكەپ10سىكونتتىن كىيىن يەنە جايىغا سىلىپ قويسىڭىز بولىدۇ .
ئەگەربۇسىم ئاتلاتقۇچ  بولمىسا،سىزباتارىيەنى چىقىرۋىلىپ،ئاساسى تاختىدىكى باتارىيە سىلىش ئورنىدىكى ،مىنۇس-پىلۇس قۇتۇپلارنى ماسلاقىلىپ،ئاندىن باتارىيەنى قايتا ئورنىغاسىلىپ كومپىيۇتېرنى قوزغىتىڭ .مەسلە ھەل بولىدۇ.

ئۇيغۇر

رەخمەت دوستۇم مەن  سىز دىگەندەك سىناپ باقاي  .

ئۇيغۇر

رەخمەت دوستۇم مەن  سىز دىگەندەك قىلسام كومپىتۇتىرىم ئىچىلدى، سىزگە كۆپ رەخمەت