يېڭى ئاپتوموبىللارنى ھەيدەشتە نېمىلەرگە دىققەت قىلىش كېرەك؟

ئوۋچى

بۇنىڭدا تۆۋەندىكى تۆت نۇقتىغا دىققەت قىلىش كېرەك:
   1. ئاپتوموبىلنى يۇقىرى سۈرئەتتە ھەيدىمەسلىك، ئۇزۇن يول يۈرگەندە نورمىدىن ئارتۇق يۈك باسماسلىق لازىم. يېڭى ئاپتوموبىللارنى ھەيدەشكە باشلىغاندا، ئەڭ ياخشىسى، يۇقىرى سۈرئەتتە ھەيدىمەسلىك كېرەك، ئاپتوموبىلنىڭ سۈرئىتىنى بەلگىلەنگەن ئۆلچەم ئىچىدە كونترول قىلىپ، سۈرئىتىنى سائىتىگە 90 كىلومېتىردىن ئاشۇرۇۋەتمەسلىك ھەم موتورنىڭ نورمال تېمپېراتورىسىنى ساقلاشقا كاپالەتلىك قىلىش لازىم.
   2.ئاپتوموبىلنى جىددىي تورمۇزلىماسلىق كېرەك. ئاپتوموبىلنى جىددىي تورمۇزلىغاندا، ئاپتوموبىلنىڭ تورمۇز سىستېمىسى كۈچلۈك سۈركەلگەندىن سىرت، يەنە تەگلىك بىلەن موتورنىڭ بېسىمىنى ئاشۇرۇۋېتىدۇ، شۇڭا، دەسلەپكى 300 كىلومېتىر مۇساپە باسمىغان شارائىتتا، جىددىي تورمۇزلاشتىن ساقلىنىش، ناۋادا تاسادىپىي ئىش يۈز بەرگەندە، ئۇلىغۇچى مۇفتىنى ئىشلىتىپ، موتورنىڭ بېسىمىنى يېنىكلىتىش كېرەك.
   3. ئاپتوموبىلنى ھەيدىگەندە، ۋاقتىدا خوت ئالماشتۇرۇشقا دىققەت قىلىش كېرەك. ئۇزاق ۋاقىت بىرلا خوتنى ئىشلەتمەسلىك، يۇقىرى خوتتا ئاستا، تۆۋەن خوتتا تېز سۈرئەتتە يۈرمەسلىك كېرەك. خوتنى ئالماشتۇرۇپ ئىشلىتىشكە، يەنى تۆۋەن خوتتىن يۇقىرى خوتقا، يۇقىرى خوتتىن تۆۋەن خوتقا ئالماشتۇرۇپ ئىشلىتىشكە دىققەت قىلىش كېرەك.
   4. ماي ئىشلىتىشتىكى ئۆلچەمگە دىققەت قىلىش. يېڭى ئاپتوموبىلنى ئىشلەتكەندە، بېنزېننىڭ سۈپىتى زاۋۇت ئىشلەپچىقىرىش ئۆلچىمىدىن تۆۋەن بولماسلىقى كېرەك. ئاپتوموبىلنى ئوت ئالدۇرغاندىن كېيىن، ئۇنىڭ تېمپېراتۇرىسى نورمال قوزغىلىش تېمپېراتۇرىسىغا يەتكەنگە قەدەر، چوقۇم جايىدا قوزغاتماي تۇرۇش كېرەك.

مەنبە:ئاناماكان تورى

admin

شۇپۇرلار دىققەت قىلىشقا تىگىشلىك ياخشى بىلىملەركەن. تېمىلىرىڭىز ئۈزۈلمىگەي!