بالىلارغا قويۇلغان تەلەپ لايىقىدا بولۇشى كېرەك

گۇلزار

بالىلارغا قويۇلغان تەلەپ لايىقىدا بولۇشى كېرەك

غالىب مۇھەممەد قارلۇق

بالىسىغا ئالاھىدە تەلەپ قوياتتى. ئۇ بالىسىنى يەسلى يېشىغا يەتكەندە شارائىتى ياخشى يەسلىگە بەردى، بالا  مەكتەپكە كىرگەندىن كېيىن ئۇنىڭ ئۆگىنىشىگە قاتتىق تەلەپ قويۇپ ماڭدى. بالىمۇ دادىسىنىڭ كۈتكىنى بويىچە تىرىشىپ ئوقۇپ سىنىپتا بىرىنچىلىكنى قولدىن بەرمىدى. قوشنام بالىسىنىڭ ئۆگىنىش نەتىجىسىدىن  پەخىرلىنەتتى.  بىر كۈنى  بىر  ئىش بىلەن قوشنامنىڭ ئۆيىگە كىرگەنىدىم. قوشنام قاپاقلىرى تۈرۈلگەن ھالدا ئولتۇراتتى. ‹‹ھەي، بىئەپ ۋاقتىدا كىرىپ قالدىممۇ نېمە؟›› دەپ ئويلىدىم. قوشنام مېنى كۆرۈپلا : قارىمامسىلەر ئاداش، ماۋۇ بالىنى، ماتېماتىكىدا سىنىپنىڭ ئالدىدا ئىدى، مانا ئەمدى 95نومۇر ئېلىپ ئىككىنچى بولۇپ قاپتۇ. ئىمتىھان سوئالىمۇ تەس ئەمەسكەن، ئەسلى 100نومۇر ئالىدىغان گەپتى، دەپ قايناپ كەتتى.  بۇنى ئاڭلاپ: بۇنىڭغىمۇ  خاپا بولۇپ كېتەمسىز، 95نومۇر تۆۋەن نومۇر ئەمەسقۇ، كېيىنكى قېتىمدا ياخشى ئالسا بولمىدىمۇ، دېدىم. بالا بىر بۇلۇڭدا يىغلامسىراپ تۇراتتى. قوشنامنىڭ گېپىچە بولغاندا، بالىسى ھەر ۋاقىت بىرىنچىلىكنى قولدىن بەرمەسلىكى كېرەك ئىكەن.  لېكىن، بۇ مۇمكىنمۇ؟...



   مۇنداق بىر ھېكايىنى قىستۇرۇپ ئۆتەي: ۋەسىيىتى ئارقىلىق نوبېل مۇكاپاتىنى بارلىققا كەلتۈرگەن مەشھۇر خىمىيە ئالىمى نوبېل باشلانغۇچ مەكتەپتە ئوقۇۋاتقان چاغلىرىدا سىنىپتا دائىم ساۋاقدىشى پاكنىڭ كەينىدە قېلىپ ئىككىنچى بولۇپ قالاتتىكەن. پاك بىر مەزگىل ئاغرىپ قېلىپ مەكتەپكە كېلەلمەپتۇ. شۇ چاغدا ساۋاقداشلىرى نوبېلغا: ئەمدى سەن سىنىپىمىزنىڭ بىرىنچىسى بولىدىغان بولدۇڭ، دەپتۇ. نوبېل بۇنىڭدىن ئانچە خۇشال بولۇپ كەتمەپتۇ، ئۇ ئەكسىچە پاكنى كۈندىلىك ئۆتۈلگەن دەرسلەرنىڭ مەزمۇنىدىن خەۋەردار قىلىپ تۇرۇپتۇ. مەۋسۇملۇق ئىمتىھاندا پاك يەنىلا بىرىنچى بولۇپتۇ. كېيىنكى كۈنلەردە نوبېل مەشھۇر خىمىيە ئالىمىغا ئايلاندى. ئەمما سىنىپتا دائىم بىرىنچى بولۇپ ئوقۇيدىغان ساۋاقدىشى پاكچۇ؟ ئۇ ئاددىي ئادەم سۈپىتىدە دۇنيادىن ياشاپ ئۆتۈپتۇ.



   ئۆگىنىشتە سىنىپ بويىچە بىرىنچى بولۇشلا ئەمەس، مۇھىمى، ئۆزىنى پەزىلەت ۋە ئىقتىدار جەھەتتىن داۋاملىق تەربىيىلەپ، بۈيۈك نىشانغا قاراپ  ئۈزلۈكسىز ئىلگىرىلەشتۇر. ئامېرىكىلىق ئىجتىمائىي مەسىلىلەر تەھلىلچىسى دالى كارنېگ شۇنداق دەيدۇ: ‹‹ئادەم  تەنقىدتىن كۆرە ماختاشنى ئەلا بىلىدۇ. قامچە ئورنىغا مەدھىيىنى ئىشلىتىش بىزنى تەربىيىدىكى ئالاھىدە ئۇتۇقلارغا باشلايدۇ››. ئۆسۈپ يېتىلىش باسقۇچىدا تۇرۇۋاتقان بالىلارنىڭ ئىچكى دۇنياسىدا بىر خىل ئىنتىلىش كۈچى بولىدۇ، ئانچىكى زەربىلەرمۇ ئۇنىڭغا چوڭ كاشىلا پەيدا قىلىپ قويىدۇ. بۇ بالىنىڭ تەرەققىيات يوشۇرۇن كۈچىنى بۇغقان بىلەن باراۋەر. ئەكسىچە، ماختاش، رىغبەتلەندۈرۈش ئاشۇ يوشۇرۇن ئوتنىڭ يېلىنجىشىغا تۈرتكە بولىدۇ.

   يېغىنچاقلىغاندا، بالىلارغا قويۇلىدىغان تەلەپ لايىقىدا بولۇشى كېرەك.

مەنبە : «شىنجاڭ گېزىتى »

سەييارە0

بالىلارغا قويۇلىدىغان تەلەپمۇ لايىقىدا بولۇشى كېرەك،كىچىك باللار ئۇيۇن ئارقىلىقمۇ نۇرغۇن ئىقتىدار ۋە بىلىمگە ئىرشەلەيدۇ،باللارغا ئۇيۇن ئويناش ۋە ئۇزنىڭ سەخسى ئىشلىرى ئۇچۇنمۇ ۋاقىت بىرىش كىرەك.

ئامان

بالىلار تەربىيەسى بالىلارنىڭ ئۆسۈپ يېتىلىشى ۋە كەلگۈسى تەقدىرىگە بىۋاستە مۇناسىۋەتلىك بولغان، ھەممە ئادەم كۆڭۈل بۆلىدىغان، بىراق ھەركىمنىڭ قولىدىن كېلىۋەرمەيدىغان مۇھىم تەربىيە، ئۇ ئاتا-ئانىلاردىن كەڭ دائىرىلىك، ئېچىۋېتىلگەن ئۇنىۋېرسال ساپا ۋە ئۆزىگە، پەرزەنتلىرىگە، كەلگۈسىگە كۆڭۈل بۆلۈشتەك يۈكسەك دەرىجىدىكى مەسئۇلىيەتچانلىقنى تەلەپ قىلىدۇ. شۇڭا بىز پەرزەنتلىرىمىزگە تەجرىبە ئوبىكتى نەزىرىدە ئەمەس، بەلكى ئۆزىمىزنىڭ ئىزباسارى، كەلگۈسىنىڭ ئىگىسى نەزەرىدە قاراپ، كوللىنىشچانلىققا ئىگە، ئۈنۈملۈك تەربىيە ئۇسۇلى ئۈستىدە داۋاملىق، توختاۋسىز ئىزدىنىشىمىز تولىمۇ زۆرۈر.
تولىمۇ ئەھمىيەتلىك تېما يوللاپسىز خانقىز، مەن بەك ياقتۇردۇم، مۇشۇنداق ئەھمىيەتلىك تېمىلىرىڭىز ئۈزۈلۈپ قالمىغاي.

ئوغلانبەگ

ناھايىتى ياخشى تېمىلارنى يوللاۋاتىسىز جۇمۇ موشۇ كۈنلەردە.بالىلار بىزنىڭ كەلگۈسىمىز،ئۇلارنى ياخشى تەربىيلەش،ياراملىق ئادەم قىلىپ چىقىش،مىللىتمىزنىڭ بۈگۈنكى،ئەتىكى ۋە ئۇندىن كېيىنكى تەرەققىياتىنىڭ ئىنتايىن تەخىرسىز تەلىپى.رەھمەت سىزگە!

زەپەر

ياخشى تىما يوللاپسىز . گۈلزار  بالىلار تەربىيسى بالىلارنىڭ ئۈسۈپ يىتلىشىدە كەلگۈسىگەزىچ مۇناسىۋەتلىك بولغان  ھەممە ئاتا- ئانا كۈڭۈل بۈلۈشكە تىگىشلىك بولغان مۇھىم ۋەزىيپە . شۇڭا ھەر قانداق ئاتا- ئانا پەرزەنتىنى ئەتىراپلىق ياخشى تەربىلەش تۇلىمۇ زۈرۈل شۇڭا كەڭ ئاتا - ئانا بولغۇچى پەرزەنتىنى ياخشى تەربىيلەپ  دۆلەت ۋە خەلىققە ياراملىق قىلىپ تەربىيلەش تۇلىمۇ زۈرۈل  
بالىلارنى ياخشى تەربىيلەش مىللىتىمىزنىڭ بۈگۈنكى ۋە بۇندىن كىيىنكى تەرەققىياتى بىلەن زىچ مۇناسىۋەتلىك . شۇڭا ئۇلارنى ياراملىق تەربىيلەپ چىقىش ھەر بىر ئاتا- ئانىنىڭ باش تارتىپ بولمايدىغان مۇقەتدەس بۇرچى دەيمەن

asrar

بالىلارغا قۇيۇلدىغان تەلەپ لايىقىدا بۇلۇشى كېرەك. ھەددىدىن ئارتۇق تەلەپ بالىلارنىڭ ئۈسۈپ يېتىلىشىدە سەلبىي تەسىرلەرنى ئىلىپ كىلىشى مۇمكىن. نۇقۇل ئۆگۈنىشىگىلا كۆڭۈل بۆلمەي ،ئادەم بۇلۇش ھەققىدىكى تەربىيىگىمۇ دىققەت قىلىش كېرەك...

سىرداش

بالا تەربىيىسى-  بىر ئائىلىنىڭ كەلگۈسىگىلا مۇناسىۋەتلىك بولماستىن  بەلكى جەمىيەت تەرەققىياتىغىمۇ  بىۋاستە تەسىر كۆرسىتىدۇ.    بولۇپمۇ  ھازىرقى جەمىيەتتە بالىلىرىنىڭ كۈندىن كۈنگە گەپ ئاڭلىماس بوپ قالغانلىقىدىن  قاىشاۋاتقان   بىر قىسىم ئاتا - ئانىلار ئۈچۈن  بەكمۇ  پايدىلىق  تىما يوللاپسىز.

گۇلزار

asrar يوللىغان ۋاقتى  2013-2-5 20:13
بالىلارغا قۇيۇلدىغان تەلەپ لايىقىدا بۇلۇشى كېرەك. ھەد ...

شۇڭا دەيمىز «ئالىم بولغۇچە ئادەم بول»  دەپ .
رەھمەت سىزگە

گۇلزار

سىرداش يوللىغان ۋاقتى  2013-2-5 23:50
بالا تەربىيىسى-  بىر ئائىلىنىڭ كەلگۈسىگىلا مۇناسىۋەتل ...

  بالىلارنىڭ مۇشۇنداق گەپ ئاڭلىماس بولۇپ قېلىشى جەمىيەتنىڭ تەسىرىمۇ ياكى ئاتا - ئانىلارنىڭ تەربىيلىشىدىكى مەسىلىمۇ ؟  
تېمىنى كۆزدىن كۆچۈرگىنىڭىزگە رەھمەت