كېرىيە ناھىيىسىدە 5.5 بال يەر تەۋرىدى...
شىنجاڭ يەر تەۋرەش ئىدارىسىنىڭ دەسلەپكى قەدەمدىكى تەكشۈرۈشىگە ئاساسلانغاندا، 9-ئاينىڭ 15-كۈنى سائەت 23 تىن 27 مىنۇت ئۆتكەندە شىنجاڭ ئۇيغۇر ئاپتونوم رايونى خوتەن ۋىلايىتى كېرىيە ناھىيىسىدە 5.5 بال يەر تەۋرەپ، تەۋرەش مەنبەسىنىڭ چوڭقۇرلۇقى 6 كىلومېتىرغا يەتكەن، بۇ قېتىمقى يەر تەۋرەش شىمالىي كەڭلىك 36.5 گرادۇس، شەرقىي ئۇزۇنلۇق 82.4 گرادۇسقا جايلاشقان.
ئىگىلىنىشىچە، يەر تەۋرەش يۈز بەرگەندىن كېيىن، ئاپتونوم رايونلۇق يەر تەۋرەش ئىدارىسى دەرھال جىددىي ئەھۋال لايىھەسىنى تۈزۈپ چىققان. شۇنداقلا تېلفۇن ئارقىلىق يەر تەۋرىگەن كېرىيە ناھىيىسى ئاچچان (阿羌) يېزىسىنىڭ ئاپەت ئەھۋالى تەكشۈرۈلگەن. دەسلەپكى قەدەمدە ئىگىلىنىشىچە، كېرىيە ناھىيىسى ۋە ئاچچان يېزىسىدا يەر تەۋرەش كۈچلۈك بولۇپ، ناھىيە ئاھالىلىرى ئۆيلىرىدىن چىقىپ كەتكەن، نىيە ناھيىسىدىمۇ تەۋرەش سېزىمى بولغان، لېكىن ئانچە كۈچلۈك ئەمەسكەن. ھازىرغىچە، ئادەملەرنىڭ ئۆلۈش-يارىلىنىش ۋە مال-مۈلۈكلەرنىڭ زىيانغا ئۇچراش ئەھۋالى توغرىسىدا بىرەر دوكلات تاپشۇرۇۋېلىنمىغان.
خوتەن ۋىلايىتى يەر تەۋرەش ئىدارىسىنىڭ باشلىقى لى خوڭمىڭ تېزلىك بىلەن ئاپەت يۈز بەرگەن رايونلارنىڭ ئاپەتكە ئۇچراش ئەھۋالىنى دوكلات قىلغان. ئاپتونوم رايونلۇق يەر تەۋرەش جىددىي ئەھۋالىغا قوماندانلىق قىلىش مەركىزى ئاپتونوم رايونلۇق يەر تەۋرەش ئىدارىسىنىڭ مۇئاۋىن ئىدارە باشلىقى جاڭ يوڭنىڭ خىزمەت ئەترىتىنى باشلاپ يەر تەۋرىگەن رايونلاردا ئالاقىدار خىزمەتلەرنى ئىشلىشىنى قارار قىلغاچقا، نەق مەيدانغا بارىدىغان خىزمەت ئەترىتىدىكى 6 ئادەم 16-سېنتەبىر سەھەردە نۆۋەتچى ئايروپىلانغا ئولتۇرۇپ خوتەنگە يېتىپ كەلگەن.
ئاپتونوم رايونلۇق يەر تەۋرەش ئىدارىسى جىددىي يىغىن چاقىرىپ، دەسلەپكى قەدەەمدە بۇ قېتىمقى يەر تەۋرەشنىڭ بىر قەدەر چوڭراق بولغان قالدۇق يەر تەۋرەش ئىكەنلىكىنى، يەر تەۋرەش يۈز بەرگەن رايونلاردا يېقىنقى بىر نەچچە كۈندە تېخىمۇ چوڭ تىپتىكى يەر تەۋرەشنىڭ يۈز بېرىدىغانلىقىنى مۇئەييەنلەشتۈرگەن.
خوتەن ۋىلايىتى كېرىيە ناھىيىسىدە 2008-يىلى 3-ئاينىڭ 21-كۈنى 120 كىلومېتىرلىق دائىرىدە 7.3 بال يەر تەۋىرىگەن. 1982-يىلى 11-ئاينىڭ 1-كۈنى 5.5 بال يەر تەۋرەش يۈز بەرگەن بولۇپ، ئۇنىڭ دائىرىسى 100 كىلومېتىردىن 200 كىلومتېر دائىرىگىچە كېڭەيگەن، 1900 يىلدىن بۇيان 20 قېتىم 5 بالدىن يۇقىرى يەر تەۋرىگەن، 2 قېتىم 6 بال ۋە 3 قېتىم 7 بال يەر تەۋرىگەن.
مەنبەسى :ئاسىيا كىندىكى تورى
| 
قىزغىنلىق
تىللا
تۆھپە
شۆھرەت
يوللىغان ۋاقتى 2011-9-16 00:53:02