قۇتلۇق كۈنۈڭگە
(شىئېر)
ھاجىگۇل دولان
قايسى چاغ قانغۇدەك مۇڭدىشالمىدۇق،
خوشاللىق دەرىت ھەسرەت توكىشەلمىدۇق.
دۈشمەننىڭ كۆزلىرى ئون سەككىز ئىكەن،
بىر تاتلىق ھىسلاردا سۆيىشەلمىدۇق .
قۇياشمۇ سۆيەركەن زىمىن يۈزىنى،
ئايمۇ ھەم قاناركەن كىچە ۋەسلىگە.
ئىنسانلار بىلمەسكەن سۆيگۈ ئۇ نىمە؟
بۇلبۇللا يىتەركەن ئاشىق دەردىگە.
قۇتلۇق كۈنڭدە سۆيگۈم بار ئىدى ،
قوش قوللاپ سوۋغىلار بەرگىم بار ئىدى.
ئوت كەبى يالقۇنلاپ كەلگىنىڭ ئۈچۈن ،
يۇلتۇزنى قوينۇڭغا سالغىم بار ئىدى.
ئېتىلىپ چىققاندا ۋۇلقاندەك ياشلار،
مەن ئالغان سوۋغاتلار ئۇنتۇلۇپ قاپتۇ.
ئىككىمىز ئۇچراشقان ئەشۇ دوقمۇشتا،
كاككۇكمۇ زەينەپكە پايانداز ساپتۇ !
