ھاياتلىقتا
(شىئېر)
ھاجىگۇل دولان
ياراشمىغاندەك ھايۋانغا كىيىم،
ياراشماسكەن ھەم ئىنسانغا كىبىر.
<<تەڭ بولىمىز قەبرە ئالدىدا >> دەپ،
ئۇلۇغلىرىمىز بەرگەنكەن تەبىر.
ھاياتلىقتا پاتماي كەڭ دۇنياغا،
تالاش-تارتىشتا بەللىرىمىز چىم.
كۆز يۇمۇپ بارساق ئەشۇ قەبرىگە،
قالاركەن ھەممىسى بولاركەن جىم.
ھۆرمەتلىسەك تاپاركەنمىز ھۆرمەت،
ئىززەتلىسەك يارىلاركەن قىممەت.
كىبىرسىز ئۆتسەك قىسقا دۇنيادىن،
ھەممىنىڭ قەلبىدىن ياناركەن ھىممەت.
