ئاتالمىش  شېرىن<< مۇھەببەت>>نىڭ   نەتىجىسى


مەن بۇ  يازمىنى قايسىدۇر بىر چاغلاردا  خاتىرەمگە  كۈچۈرۈپ  ساقلاپ قويغان ئىدىم ...ئۆزەم بەكلا ياقتۇۇرپ ئوقۇغاچقا  باشقا دوستلارغىمۇ  سۇنغۇم كەلدى ....
___________-

بىلگىن ئامرىغىم ،  ھايات  كىچىككىنە  بىر  مەنزىل  << مۇھەببەت  >>  ئاشۇ مەنزىل يولىدىكى  چوڭقۇر  بىر توزاق ، گۈل سەھەردە ئېچىلىپ  چەكسىز  توزىغىنىدەك   قىسمەت  ئىنتايىن رەھىمسىز ،  قارا  ، ئاۋۇ  بىر  جۈپلەر  نېمە دېگەن خوشھال -ھە ! 
ئۇلار  ئايرىلىشنىڭ تەمىنى تېتىغانمۇ  ؟ 
ياق ،  ئۇلار  ئايرىلىشنىڭ تەمىنى تېتىمىغان .  دەرھەقىقەت ئۇلار ئايرىلىدۇ  . بۈگۈنمۇ  ، ئەتىمۇ  بۇنىسى نامەلۇم .. شۇڭا غاپىللىقتىكى <<  مۇھەببەت >>  ئۇ  بىر  تاۋكا غا  ئوخشايدۇ  ،  سەن بۇ    تاۋكادا  دوغا چىققانكەنسەن  ، چوقۇم ئۇتتۇرسەن . چۈنكى  بۇ تاۋكادا ئۇتۇش  دېگەن ئۇقۇم يوق .
رەزىللەر  قەلبىدىن  بىر نىشان ئوۋلاپ  باققىڭ  بارمۇ ؟    ياكى  <<  مۇھەببەت  >>  شەھىرىدىن كۈچۈپ باقاي دەمسەن ؟  بىراق سەن نېمىلا قىلما  ،  ئاللىبۇرۇن بۇ تاۋكادا  دوغا چىقىپ  بولدۇڭ .
ئېيتە  ئامرىقىم  ، پانىي ئالەمدىكى سەن ئېرىشكەن بەخىت  ، مەن ئېرىشكەن ئازاپ مەڭگۈلۈكمىدۇ ؟ 
ياق ، ياق !
پانىي ئالەمدىكى سەن كۆرىۋاتقان  بۇ نەرسىلەر  مەڭگۈلۈك ئەمەس  ، سەن چەكسىز بەخىتنىڭ  نەدىلىكىنى بىلمەيسەن .  ئەگەر  سەن بىلگەن  بولساڭ ئىدىڭ  ھەر  ۋاقىت ئۆلۈمنى ئۇنتۇمىغان بولاتتىڭ ، باقىي ئالەمدىكى  چەكسىز ئازاپنى  ئۇنتۇمىغان  بولاتتىڭ .  ئەجىبا سەن ئۆلۈمنىڭ بىزگە ھەر  ۋاقىت  سايىمىزدەك ئەگىشىپ يۈرىيدىغانلىقىنى بىلمەمدىغانسەن ؟  ئەزرائىلنىڭ بىزگە  ھەر ۋاقىت  كۆز  تىكىپ تۇرىدىغانلىقىنى بىلمەمدىغانسەن ؟  
ئېچىنىمەن !
پانىي ئالەمدىكى  ئاشۇ نۇمۇسسىز  شۆھرەتپەرەسلەرگە  ئېچىنىمەن  ، ئۇلار ئۇ ئالەمگە  نېمىسىنى كۆتۈرۈپ بارار  ؟ 
نەپرەت! 
ئۇلارنىڭ بۇدۇنيادا قىلىپ يۈرگەن شەرمەندىلەرچە قىلىقلىرىغا نەپرەت .  ئۇلار  ئۆزلىرىنى بەخىتلىك ھېس قىلامدىغاندۇ ؟ 
قانداق ئامرىقىم ،  تەييارلىغىڭ پۈتكەندۇ ؟  بۈگۈن ياكى ، ئەتە  ، ماڭا ياكى ساڭا   ئاخىرەتتىن باغاق كىلىشى مۇمكىن .  شۇڭا بىز ھەر ۋاقىت  تەييار  تۇرىشىمىز كېرەك !  خۇددى جەڭگە  تەييارلانغان جەڭچىدەك ، خۇددى ئۆلۈم ئالدىدىكى مەھبۇستەك  .
ئېيتە ئامرىقىم ، سەن قايسىسىدەك  ئۆلۈشنى خالايسەن ؟ 
گۈللەرنى قۇتۇلدۇرغىڭ  كېلىدۇ ، چۈنكى سەنمۇ بىر گۈل  ، ئۇمۇ ھەم شۇنداق .  مەن ئۆلۈپ كېتىمەن سەنمۇ ھەم شۇنداق .  بۇ دۇنيا تاكى  ئىسرافىل ئەلەيھىسسالام سۈر چالغۇچە  سەكراتتىكىنىڭ ئاھۇ -زارىنى  ، تۇغۇلغاننىڭ  قەغىشىنى  ئاڭلاپ  قېلىۋېرىدۇ ....
سۇئال قويغىن ،  گۈل نىمە  ئۈچۈن ئېچىلىپ   نىمە  ئۈچۈن توزۇيدۇ  ؟  مەن نېمە ئۈچۈن كېلىپ نىمە  ئۈچۈن كېتىمەن ؟  مىنىڭ  ھاياتىمدىن ئىبارەك بۇ ئەسەرنى يازغان ئاپتور  كىم ؟  سەن بىر  دوقمۇشقا كېلىپ قايمۇقۇپ  قالىسەن .  ھەممە ئەتراپ  سۇئال بەلگىسى ،  بۇنىڭغا جاۋاپ بەرگۈچى بارمۇ  ؟  بار بولسا ئۇ  كىم ؟ 
ھە  تاپتىم  !   ئۇ  ، بولسىمۇ ھىدايەت ئاتا قىلغۇچى ، قەلىبلەرنى زۇلمەتتىن ، ئەقىللەرنى خاتالىقتىن ، ئادەملەرنى زۇلۇمدىن   قۇتۇلدۇرغۇچى ......
بۇ يولدا كىممۇ قايمۇقمىغان دەيسەن !  پەقەت ئەقلى كۆزى  روشەن كىشىلەرلا بۇ يولدا ئازماي ماڭالايدۇ  .  لېكىن  سەن ۋە مەندەك ئەمالار  بولسا ق 
  بۇ يولدا ئازماي ماڭالمايمىز . 
شۇنداق  ، باشقىلار مېنى يېتىلىگەن ، مەن ھەم سېنى يېتىلەيمەن ، سەن بولساڭ بالىلىرىمىزنى  ، پۈتكۈل ئىنسانىيەتنى يېتىلەيسەن . 
بۇنداق قىلىشىمىز   بۈگۈن ئۈچۈن ئەمەس ،   ئەتە ئۈچۈنمۇ ئەمەس  ، بەلكى ئاخىرەت  ئۈچۈن !  كۆزۈڭنى يوغان ئېچىپ قاراپ باق  ، سەن چوقۇم بىر  نۇرنى كۆرىسەن   ، ئۇ نۇر  يىراقتىمۇ ھەم يېىندىمۇ  چاقناپ تۇرىدۇ . 
نىمۇ  ئۇ  پانىي ئالەمدىكى << مۇھەببەت >>  دېگەن   ،  سەن مۇھەببەتنىڭ ھەقىقىسىنى  شۇ نۇردىن كۆرىسەن . قەلىبلەردىن ئېچىلغان گۈلنىڭ  قانچىلىك  خۇشپۇراقلىقىنى بىلىسەن . 
قارا ئامرىقىم ، ئۇ نۇر سېنى چاقىرۋاتىدۇ  . سەن تونۇپ  باق !  ئۇ كىمكەن ؟  مەڭگۈ ئۆلمەس بەخىت  ، مەڭگۈ ئايرىلماس  مۇھەببەت  ، مەڭگۈ توزىماس گۈلنى تاپقىڭ  بارمۇ ؟  خالىساڭ  ئۇنى تېپىشنىڭ  يولىنى   مەن ساڭا  دەپ بېرەي . ئۇ  بولسىمۇ ھېلىقى يول  ......
ئانام ئېيتقان ھېلىقى  يول....