سۆيگۈ شۇنداق بىر ناخشا... |
|
|
سۆيگۈ- شۇنداق بىر ناخشا، خۇشاللىق بىلەن قايغۇ-ئازاپ، شادىلىق بىلەن دەرت-ئەلەم، كۈتۈش بىلەن تاقەت، ئىرىشىش بىلەن يوقىتىش، ۋىسال بىلەن جۇداللىق يىغىنچاقلانغان ناخشا...ئۇ ھەممە ئېيتقۇسى كىلىدىغان، لىكىن ھەممىلا ئادەم ئېيتالمايدىغان ناخشا... سۆيگۈ-نۇر، سۆيگۈ- گۈزەل كۈي، سۆيگۈ- چەكسىزلىك، سۆيگۈ- يۇرۇقلۇق ئىچىدىكى بارلىق... دۇنيادا مەشۇقى ئۈچۈن جان بەرگەنلەر بولغان، ئاشىقنىڭ تۇپىرقىنى گۈلگە ئوراپ، شۇ قەبىرىگە باش قۇيۇپ تۈننى تاڭغا ئۇلىغانلار بولغان، بىر ئۆمۈر مەشۇقنى ئۈن-تىنسىز ياد ئېتىپ ياشاپ، داۋانلار ئاشقان، جەسەتلىرى چۆل-جەزىرىلەردە قالغانلارمۇ بولغان، جۇداللىق ئازابىغا بەرداشلىق بېرەلمەي كۆكىركىگە قېلچ ئۇرغانلارمۇ بولغان، سۆيۈش ئۈچۈن تۇغۇلۇپ سۆيۈلۈشكە ئېرىشەلمەي ھەسىرەت ئىچىدە ۋىسالىسىز كەتكەنلەرمۇ بولغان. مانا بۇلارنىڭ ھەممىسى سۆيگۈ... سۆيگۈ - شۇنداق بىر ناخشا، سۆيگۈ مۇھاببەتنىڭ چېكى يوق، ئۇنى ۋاقىتنىڭ ئۇزۇرشى بىلەن يىمىرۋەتكىلى، تام-توساقلار بىلەن تۇسۇپ قالغىلى ، دەريا-دېڭىزلار بىلەن ئايرىۋەتكىلى بولمايدۇ... سۆيگۈ - ئەنە شۇنداق ئۈزۈلمەس بىر ناخشا.... |
|
|
