قۇتلۇق بولسۇن بايرىمىڭلار بالىلار

تۇرنىسا رەھىم

شاتلىنىدۇ سىلەر بىلەن بۇ ھايات،
جانلىنىدۇ ئائىلىمۇ بوپ ئاۋات.
قۇتلۇق بولسۇن بايرىمىڭلار بالىلار،
قېنىپ ئويناپ،يايراپ كۈلۈڭ،بولۇپ شات.

ئۆگۈنىڭلار ھارماي-تالماي ئېلىم پەن،
ئىلىم بىلەن گۈللىنىدۇ ئەل-ۋەتەن.
كەلگۈسىنىڭ ئۈمۈتلىرى سىلەردە،
پۇختا بولسۇن ھاياتلىقتا ھەر قەدەم.

مەكتەپ بولسا سىلەر ئۈچۈن بىر گۈلزار،
مۇئەللىملەر ئىشچان،ئاقىل بىر باغۋەن.
پۇتاپ تۇرسا ھارام شاخنى ۋاقتىدا،
كۆچەت ئۆسەر ساغلام،قابىل ھەم تىمەن.

ئىلىم ئېرپان سىڭىپ كەتسۇن قانلارغا،
يولىمىسۇن قەلبىڭلاغا نادانلىق.
قەدىرلىسە ھەر بىر دەقىق ۋاقىتنى،
بولالايدۇ ئاقىل،زىرەك،ياراملىق.

ئەمگەك بىلەن بەرپا بولغان بۇ جاھان،
تىرىشچانلار كۆكلەپ تۇرار ھەر قاچان.
ئارزۇ-ئارمان يېنىپ تۇرسۇن دىللاردا،
بولغايسىلەر قەيسەر،باتۇر،ئەمگەكچان.

ئاپتور قاراماي كەسپىي تېخنىكا ئىنىستىتوتىدا