قىز تاماق تاللىغانلىقتىن ئۆگەي ئانىسى تەرىپىدىن كۆيدۈرۈلدى |
|
|
قىزتاماق تاللىغانلىقتىن ئۆگەي ئانىسى تەرىپىدىن كۆيدۈرۈلدى
بىر ھەپتە بۇرۇن، خۇبېي ئۆلكىسى جىجىياڭ شەھىرى ۋېنئەن بازىرىدا ئولتۇرۇشلۇق 16 ياشلىق قىز شىياۋيۈن ئۆگەي ئانىسى تەرىپىدىن ئۈستىگە ئىسپىرت تۆكۈلۈپ كۆيدۈرۈلۈپ يارلاندى. نۆۋەتتە قىزنىڭ ئۆگەي ئانىسى چېن X ساقچىلار تەرىپىدىن قولغا ئېلىندى.
12-ماي كەچ سائەت 6 لەر ئەتراپىدا، شىياۋيۈن دادىسى تىيەن ۋېن مىڭ، ئۆگەي ئانىسى چېن X بىلەن بىللە تاماق يەپ ئولتۇرۇپ، دادىسىغا: «دادا، بۇ پۇرچاق سەل تۇزلۇق بولۇپ قاپتۇ، چۈشتىكى سەيمۇ ئانچە ياخشى ئەمەس» دېگەن. نەتىجىدە، قىزنىڭ ئۆگەي ئانىسى دەرھال پىيالىنى ئېتىۋىتىپ: «سەن داداڭغا دىمەيۋاتىسەن، ماڭا دەۋاتىسەن!» دېگىنىچە ئۆگەي قىزى بىلەن ئۇرۇشۇپ كەتكەن. كىيىن چېن X قىزغا ھۆكۈرگىنىچە: «يوقال!» دېگەن. قىز سىرتقا چىقىپ دەرەخلىقتە بىر سائەتچە يىغلىغاندىن كېيىن قايتىپ كەلگەن. قىزنىڭ دادىسى ئۇنى تۇغقانلىرىنىڭ ئۆيىگە چىقىپ كەتتى، دەپ ئويلاپ ئۇنى ئىزدەپ چىقىپ كەتكەن پەيىتتە قىز قايتىپ كەلگەن بولۇپ، بۇ ۋاقىتتا چېن X يەنە قىز بىلەن تۇتۇشۇپ كەتكەن. ئۇ قىزنىڭ بېشىغا گۈرجەك بىلەن بىرنى ئۇرۇپ قىزنى يارلاندۇرغاندىن كېيىن،قىز ھوشىدىن كەتكەن. چېن X يانە ئاچچىقىغا پايلىماي، قىزنىڭ ئۈستىگە ئىسپىرت تۆكۈپ ئوت ياققان. گەرچە قىز ئۆزىنى يامغۇر يېغىۋاتقان سىرتقا ئاتقان بولسىمۇ، نەتىجىدە قىزنىڭ بەدىنىنىڭ 35 پىرسەنت قىسمى كۆيۈپ كىتىپ، 3-دەرىجىلىك يارلانغان. قىزىنى تاپالماي قايتىپ كەلگەن دادا قىزىنىڭ بۇ ھالىنى كۆرۈپ، ئۇنى دەرھال دوختۇرخانىغا ئاپارغان.
نۆۋەتتە، قىزنىڭ ھاياتى يەنىلا خەۋپ ئىچىدە تۇرماقتا ئىكەن. چېن X ساقچىلارغا ئۆزىنىڭ ئۇ چاغدا بەك ئاچچىقلىنىپ شۇنداق قىلىپ سالغانلىقىنى، ھازىر ناھايىتى پۇشايمان قىلىۋاتقانلىقىنى ئېيتقان. |
|
|
