ئەرلەرگە خاس مىجەز - خۇلقۇم بار دەپ چۈشكۈرگەندە ئاغزىنى توسمايدىغان ، يۇقىرى ئاۋازدا سۆزلەيدىغان ، تۈكۈرۈىكىنى چاچرىتىپ ، ئاڭلىغۇچىلارنى ئوسال ئەھۋالغا چۈشۈرۈپ قويىدىغان ، ئاياللارنىڭ كۆڭلىگە باقماي ، ھەر قانداق پاراڭنى تېتىقسىز چاقچاققا تارتىدىغان ئەرلەر.
ئاياللارنىڭ ئۈستۋېشىغا قارايدىغان ، بولۇپمۇ فىگۇرىسىدىن كۆزىنى ئۈزمەيدىغان ، مەيدىسى سەل ئوچۇق كىيىم كىيگەن ئاياللارنى كۆرسە ، ئەيمەنمەستىن تىكىلىپ قاراپ تۇرۋالىدىغان ئەرلەر.
تاماق ۋە نەرسە - كېرەك يېگەندە باشقىلارنىڭ ئەجەپلىنىشىگە پەرۋا قىلمايدىغان ، ئەدەپ - ئەخلاققا ئەھمىيەت بەرمەي ئاۋاز چىقىرىپ يەيدىغان ئەرلەر.
تاماق يەپ بولۇپ پۇل تۆلەيدىغان چاغدا ، ھاجەتغانىغا ياكى تېلېفون بېرىشىنى باھانە قىلىپ ئۆزىنى قاچۇرىدىغان ئەرلەر.
ھاجەتخانىدىن چىقىپ ھېچ ئىش بولمىغاندەك بىر تەرەپتىن ئىشتىنىنىڭ سىيرىتمىسىنى ئېتىپ ، يەنە بىر تەرەپتىن پاراڭلاشقاچ ، قارشى تەرەپنى ئوسال ئەھۋالغا چۈشۈرۈپ قويىدىغان ئەرلەر.
كىيىمنى قاملاشتۇرۇپ كىيەلمەيدىغان ياكى رەتسىز كىيىنىپ تۇرۇپمۇ ئۆزىنى سالاپەتلىك چاغلاپ مەغرۇرلىنىدىغان ئەرلەر.
ئېغىر جىسمانىي ھەرىكەتتىن كېيىن يۇيۇنۋەتمەي ، تەر پۇراپ تۇرغان ھالدا ئاياللارغا يېقىن كىلىپ پاراڭ سالىدىغان ئەرلەر.
چاچلىرىنىڭ مايلىشىپ كەتكىنىگە ھەم كېپەك تۆكۈلۈپ تۇرغىنىغا قارىماي ، چېچىنى بارماقلىرى بىلەن تاراپ ئۆزىنى كۆرسىتىشكە ئۇرۇنىدىغان ئەرلەر .
ھە دېسىلا ئاياللارنىڭ فىگۇرىسىنى ، تاشقى قىياپىتىنى مەسخىرە قىلىپ، ئاياللارغا باھا بېرىدىغان ئەرلەر .
توختىماي تۇتامى يوق گەپلەرنى كۆپ قىلىدىغان ئەرلەر.
ئۆزىنىڭ داڭلىق ماركىلىق ئەتىر ئىشلەتكىنىنى باشقىلارنىڭ بىلمەي قېلىشىدىن ئەنسىرەپ، پۇرىقى كۈچلۈك ئەتىر ئىشلىتىدىغان ئەرلەر.
ھە دېسىلا كۈندىلىك تۇرمۇشتىكى ئىشلاردىن ئاغرىنىپ ، مەسىلىنى ئاكىتىپلىق بىلەن ھەل قىلماي ۋايساپلا يۈرىيدىغان ئەرلەر.
قورسىقىدا ئۇمىچىنىڭ تايىنى بولمىسىمۇ بىلەرمەنلىك قىلىپ ئىقتىدارىدىن ماختىنىدىغان ، ئەمما ئەمەلىي ئىشقا يولۇققاندا ھەممىدىن بۇرۇن تىكىۋېتىدىغان ئەرلەر.
ھاراق كۆتۈرەلمەيدىغان تۇرۇقلۇق ھاراقنى بولۇشىغا ئىچىپ ، ھەممىنىڭ ئالدىدا مەست بولۇپ قالدىغان ئەرلەر.
تاماكا ئىسىنى قالايمىقان پۈۋلەيدىغان ، بولۇپمۇ ئاياللار ئالدىدا تاماكا ئىسىنى دۈگىلەك چىقىرىپ ئوينايدىغان ئەرلەر.
ئاياللارغا تەشەببۇسكارلىق بىلەن مۇلازىمەت قىلمايدىغان ، ئاياللارنىڭ ئېغىر نەرسە كۆتۈرۋالغانلىقىنى كۆرۈپ تۇرۇپمۇ ياردەملەشمەيدىغان ، لىفتقا چىقىپ - چۈشكەندە ھەممىنىڭ ئالدىدا ماڭدىغان، ئاپتوبۇستا ئورۇن بوشىغاندا ئاياللار بىلەن ئورۇن تالىشىدىغان ئەرلەر.
ئاياللارنى دۆت چاغلاپ مازاق قىلىدىغان ئەرلەر.
مېڭىش - تۇرۇشى لۈكچەكلەردەك ، قىلىقى قوپال ئەرلەر.
قىز دوستىنىڭ ئۆيدىكىلىرىنى ئەيىبلەيدىغان ، قىز دوستى ئۆز ئائىلىسىدىكىلەردىن رەنجىگەندە تەڭ قوشۇق سالدىغان ئەرلەر.
بەرگەن ۋەدىسىدە تۇرمايدىغان ، ئىش ئۆتۈپ كەتكەندىن كېيىن ئالدىغا ئۆتۈۋالىدىغان ئەرلەر.
ئۆزىنى كېلىشكەن دەپ چاغلاپ، قىلىق چىقىرىپ ئۆز - ئۆزىگە ھەۋەس قىلىدىغان ئەرلەر. |
