تاماق تاللاشنى ئۆزگەرتىش تەدبىرى
كۆپىنچە بالىلار تاماق تاللايدۇ. بالىلار تاماق تاللىسا ساغلام ئۆسۈپ يېتىلىشكە كېرەكلىك ئوزۇقلۇقق اتولۇق ئېرىشەلمەيدۇ-دە، بالىلاردائوزۇقلۇق ياكى ۋىتامىن يېتىشمەسلىك كېسەللىكلىرىنى كەلتۈرۈپ چىقىرىدۇ. تاماق تاللاش كەلتۈرۈپ چىقارغان ناچار تەسىر بەلكىم پسىخىك جەھەتتىمۇ كۆرۈلۈشى مۇمكىن. ئۇ ئۇزاققىچە داۋاملىشىدىغان، بالىلارنىڭ ئۆسۈپ يېتىلىشىگە پايدىسىز ئامىل بولۇپ ھېسابلىنىدۇ. نۇرغۇن كىشىلەرگە نىسبەتەن تاماق تاللاش ئاسانلا شەخسىيەتچىلىك پسىخىكىسىنى شەكىللەندۈرۈپ قويىدۇ. كەڭ قورساق بولۇش ۋە پايدا-مەنپەئەتتىن باشقىلار بىەن تەڭ بەھرىمەن بولۇشتەك ياخشى خاراكتېرىنى يېتىلدۈرەلمەيدۇ. مۇبادا شۇنداق مىجەز شەكىللىنىپ قالسا، باشقىلار بىلەن ئەپ ئۆتەلمەيدۇ. بۇ خىل مىجەزنى ئۆزگەرتمىكىمۇ تەس بولىدۇ. شۇڭا، مەيلى قايسى جەھەتتىن بولسۇن، ئاتا-ئانا بالىنىڭ تاماق تاللاش مەسىلىسىگە كۆڭۈل بۆلۈپ، بالىلارنىڭ بۇ ئۆتكەلدىن بالدۇرراق ئۆتۈۋېلىشىغا ياردەم بېرىشى كېرەك. بالىلارنىڭ تاماق تاللاش ئادىتىنى ئۆزگەرتىشتە، ئاتا-ئانىلار بالىسىنىڭ كونكرېت ئەھۋالىغا بىرلەشتۈرۈپ تۆۋەندىكى تەدبىرلەرنى تاللاپ قوللىنىشى كېرەك:
1)بالىلارغا كىچىكىدىن باشلاپ يېمەكلىك ۋە ئوزۇقلۇققا ئائىت بىلىملەرنى چۈشەندۈرۈپ، ئۇلارنى تاماق تاللاشنىڭ يامان ئاقىۋىتىنى بىلىش ئىمكانىيىتىگە ئىگە قىلىش كېرەك.
2) بالىلار يېيىشنى ياقتۇرمايدىغان سەينىڭ تەمىنى ئىمكانىيەتنىڭ بارىچە تېخىمۇ ياخشى، تۈرىنى تېخىمۇ كۆپ قىلىش كېرەك.
3) بالىلار ياخشى كۆرىدىغان سەيگە ياخشى كۆرمەيدىغان سەينى قوشۇپ تەييارلاشكېرەك.
4) بالىلار يېڭى يېمەكلىكلەرنى ياكى ئۆزى ياقتۇرمايدىغان يېمەكلىكلەرنى يېسە، مۇۋاپىق تەقدىرلەپ قويۇش كېرەك.
5) بالىلار ھەرخىل يېمەكلىكلەرنى تېتىپ بېقىشقا ئۇنىسا، ئۇنى كۆپ يېيىشكە مەجبۇرلىماسلىق كېرەك. قانچىلىك يېيىشنى بالا ئۆزى بېكىتسە بولىدۇ.
6) يېمەكلىكنى تاللاش ۋە تەييارلاشقا بالىنىمۇ قاتناشتۇرۇپ، ئەمەلىيەت داۋامىدا بالىنىڭ يېمەكلىككە بولغان قىزىقىشىنى قوزغاپ، بالىنى كەڭ قورساق بولۇشقا، تاماق تاللىماسلىققا يېتەكلەش كېرەك. 
