كەل، ساڭا يۆلۈنىۋالاي
كەل، ساڭا يۆلۈنىۋالاي !
روھىم قانائەت كۆرپىسىدە ئارام تاپسۇن، ئادەم ئاتىنىڭ مېھىرلىك قولىدەك قوللىرىڭدا يۈرىكىمنى سىلاپ قوي!
قەلبىم ھازا دەھشىتىدە كۈكۈم تالقان بولغاندا، سەمىمىيەت قول ياغلىقى بىلەن كۆز يېشىمنى سۈرتۈپ قوي!
روھىم ئازار چۆلىدە تەمتىرەپ قالغاندا، قۇرغاقلاشقان ئۈمىدلىرىمگە سۆيگۈ زەمزىمىنى سېپىپ قوي!
مەنىۋى تىرەك بولالمىساڭ، پەرۋاسىزلىغىڭ مەن ئۈچۈن تىراگىدىيە. تەسەللىيدىن سوغۇلغان ئىبارىلىرىڭ بىلەن روھىيەت مۇھتاجلىقىمغاتەستەك ئۇرساڭ، گويا قەبرە بېشىدا ئىرغاڭلاپ تۇرغان قاخشال دەرەخنىڭ سارغايغان يۇپۇرمىقىدەك مەيۈسلىنىمەن.
كەل، ساڭا يۆلۈنىۋالاي!
ۋۇجۇدۇم تەسەللىي ئاسمىسىدا شىپا تاپسۇن، ئەقىدە پارلىغان سەمىميەتلىرىڭ بىلەن ماغدۇرسىز تېنىمنى يۆلەپ قوي !
بىمارلىق كارۋىتىدىن ۋۇجۇدۇمنى قوزغىتىش ئۈچۈن تىركەشكەندە، چىدام، غەيرەت مەدىتىدىن يىراق تۇرساڭ، ئۈمىد ھاسىسى قولۇمدا بولسىمۇ، يەنىلا ساڭا تىۋىنىشكە ئادەتلەنگەن ئۈمىدتلىرىم ساڭا تەلمۈرىدۇ. ساڭاسوزۇلغان قوللىرىمنى بىزارلىق تۇيغۇسىدا ئىتتىرىۋەتمە!
كەل، ساڭا يۆلىنىۋالاي! تولۇن ئاي ناخشىسىقەلبىمىزدە ئۇدۇملاشسۇن، بىز بىرلىكتە ئورتاقلىقلار دۇنياسىدا سىڭىشىپ كېتەيلى، خاسلىقلىرىمىز بىر چەتتە تۇرۇپ تۇرسۇن، ئۇنىڭ ئۈچۈن شەخسىيەت دەرۋازىمىزنى ئېچىپبەرمەيلى! مەن قەلب ۋارىقىمنى ئەقىدە بارماقلىرىدا ۋاراقلاي، سەن ئۇنىڭ سىرلىرىنىئوقۇپ چۈشۈنىۋال.
كەل، ساڭا يۆلۈنىۋالاي!
ئالدىمدا چوڭقۇر چۈشكۈنلۈك ھاڭى تۇرۇپتۇ. مەن ئۇنىڭ گىرۋىكىدە ھاياتلىق ئۈچۈن جان تالىشىپ چارچىدىم، تەشنالىقىم چاكىلدىدى. شۇڭاشىپالىق شەرۋىتىنى نەۋائىنىڭ لىرىكىلىرى بىلەن ئېلىپ كەل! مەن ئىلاجسىزلىقتىننىجادلىققا يۈزلەنگەن ئۈمىدتەك روھىي مەستخۇشلۇق ئىچىدە شىپالىناي...
