بىز شۇنداق ياشايمىز ئۇيغۇر بوپ دەھشەت
يۈرسەكمۇ مەككىدە ئۇيغۇر بىز ئۇيغۇر،
ياتساقمۇ كەپىدە ئۇيغۇر بىز ئۇيغۇر.
ئالتۇنغا، ئالماسقا كۆمۈلۈپ چىلىق،
ماڭساقمۇ مەپىدە ئۇيغۇر بىز ئۇيغۇر.
بىر قەدەھ مەي ئۈچۈن بالىنى ساتساق،
خوتۇن دەپ مىھرىۋان ئانىنى ساتساق.
يۈرۈيمىز يەنىلا ئۇيغۇر بوپ ئۇيغۇر،
ئۆلۈكتىن باج ئېلىپ سەللىنى ساتساق.
پۇل ئۈچۈن ھايانى، تەنلەرنى ساتساق.
سادىردەك بوي بىلەن قانلارنى ساتساق.
مۇسۇلمان بىز دەيمىز، كۈلۈپ كېرىلىپ،
ئىنساپنى ، ۋىژداننى، ئىماننى ساتساق.
ئاي يۈزلۈك، كۈن كۆزلۈك قىزلارمۇ ئۇيغۇر.
مايمۇن يۈز، تۈن كۆزلۈك قىزلارمۇ ئۇيغۇر.
چىرايلىق يۈرۈيدۇ ، كېچىسى باشقا،
نىقاپلىق، توت يۈزلۈك قىزلارمۇ ئۇيغۇر.
بەزمىدە تۈمەنلەپ خەجلەيمىز پۇلنى.
يىتىمغا سۇنمايمىز قوش ئىللىق قولنى.
ئاسمانغا تۈكۈردۇق چاچرىدى يۈزگە،
ھۆپۈپتەك كۆرمىدۇق خاندان بۇلبۇلنى.
بىز شۇنداق ياشايمىز ناتۇنۇش دەھشەت.
نومۇسسىز ئىشلارغا ئوچرەت بىز رەت-رەت.
سەتەڭگە يۇلۇقساق ئۇنتۇلدى ئەخلاق،
ھىجىيىپ بىر شەيتان تۇرسىمۇ سەت-سەت.
بىز شۇنداق ياشايمىز قوغلۇشۇپ شۆھرەت.
سولەتنى، ئىشرەتنى، تاپماي ئىناۋەت.
كوڭۈلنىڭ بوشلۇغى شۇنچىلىك تاردۇر،
دىمىدۇق بىرە رەت نېرى كەت غەيۋەت.
بىز شۇنداق ياشايمىز ئاختا ۋىژداندا.
ئالدىشىپ ئۆز-ئارا ساختا ئىماندا.
تىلدا بار خۇدايىم دىللاردا يوقتۇر،
ئۇخلايمىز بىر تاتلىق سىرلىق تۇماندا.
بىز شۇنداق ياشايمىز ياشايمىز يايراپ.
ھىندى بوپ ،ئورۇس بوپ شاتۇتتەك سايراپ.
نومۇس ئۇ دىگەنلەر بولدى بىر ساراڭ،
يالىڭاچ قالدۇق بىز كىىيم قىسقىراپ.
ئىھ، تەڭرەم بەرگىنا بىر مۇنۇت قۇدرەت.
كىرلەشكەن يۈرەككە تۇنۇت قىيامەت.
ياخشىلار ياشىسۇن تۈمەن مىڭ ياشتا،
ياماننى يەر يۇتسۇن سانجىلىپ نەپرەت.
