يېقىندا جۇڭگو ۋاسكىتبولچىلار جەمئىيتى يىڭى بىر نۆۋەتلىك جۇڭگو ئولىمپىك ۋاسكىتبول كوماندىسىنىڭ تېزىملىكىنى ئىلان قىلدى.شىنجاڭ كوماندىسىدىن شىر ئەلىجان مۇختەر ۋە قىرانبېك قاتارلىق ماھىرلار بۇ تېزىملىككە كىردى.
شىر ئەلىجان بىلەن قىرانبېك ھازىر شىنجاڭ ئەرلەر ۋاسكىتبول كوماندىسى تەركىبىدە گۈيجۇدا مەملىكەتلىك تەنھەركەت يىغىنىنىڭ ۋاسكىتبول ئالدىن تاللاش مۇسابىقىسىدە شىنجاڭ ئۈچۈن مۇسابىقە ئويناۋاتقان بولۇپ،شىر ئەلىجان ئۆزىنىڭ دۆلەت ئولىمپىك كوماندىسىغا تاللانغانلىغىنى بىلگەندىن كىيىن بۇ ھەقتە:"مىنىڭ ھازىرقى ئەڭ مۇھىم ۋەزىپەم شىنجاڭ كوماندىسى بىلەن بىرلىكتە مەملىكەتلىك تەنھەركەت يىغىنىنىڭ ھەل قىلغۇچ مۇسابىقىسىگە قاتنىشىش سالاھيىتىنى قولغا كەلتۈرۈش" دىدى.
ئىگىلىنشچە بۇ نۆۋەتلىك دۆلەت ئولىمپىك ۋاسكىتبول كوماندىسى 27 -ئاپرېل يىغىلىپ مەشىق قىلىشنى باشلايدىغان بولۇپ،شىر ئەلىجان بىلەن قىرانبېك شىنجاڭ كوماندىسىدىكى مۇسابىقىلىرىنى ئاخىرلاشتۇرغاندىن كىيىن ئاندىن كوماندىغا قايتىدىكەن.بۇ نۆۋەتلىك دۆلەت ئولىمپىك كوماندىسى بۇ يىللىق سىتانكېۋىچ لڭوقىسى ۋە شەرقى ئاسىيا ۋاسكىتبول لەۋھە تالىشىش مۇسابىقىسىگە قاتنىشىدىكەن. |
