بېيجىڭ ۋاقتى 3- ئاينىڭ 10- كۈنى، 2012- 2013- پەسىللىك جۇڭگو  ۋاسكېتبول  بىرلەشمە پەسىل ئاخىرى مۇسابىقىسىنىڭ يېرىم ھەل قىلغۇچ باسقۇچىدىكى تۈنجى مەيدان مۇسابىقە ئۈرۈمچى شەھەرلىك قىزىلتاغ تەنتەربىيە سارىيىدا ئىلىپ بېرىلىپ، شىنجاڭ ئەرلەر ۋاسكېتبول كوماندىسى ئۆز مەيدانىدا كونا رەقىبى بولغان گۇاڭدۇڭ دۇڭۋەن بانكىسى ۋاسكېتبول كوماندىسى بىلەن مۇسابىقە ئىلىپ باردى؛ بۇ مەيدان مۇسابىقىدە،  ۋان ۋوفىر 30 نومۇر ئالغان بولسىمۇ لېكىن ئۇلار ئاخىرى   76-86  نەتىجە بىلەن گۇاڭدۇڭ دۇڭۋەن بانكىسى ۋاسكېتبول كوماندىسى تەرىپىدىن مەغلۇپ قىلىنىپ  ئومۇمى نەتىجىدە 0-1   نەتىجە بىلەن ئارقىدا قالدى. ئەمدىكى ئىككى مەيدان مۇسابىقىدە شىنجاڭ كوماندىسى قارشى تەرەپ مەيدانىدا مۇسابىقە ئىلىپ بارىدۇ.

   بۇ مەيدان مۇسابىقىدە، شىنجاڭ كوماندىسىدىن پەقەت ئىككى ئەزا قوش خانىلىق نومۇر ئالدى، كوماندا ئەزاسى تاڭ جېڭدۇڭ  توققۇز نومۇر، ئۈچ قېتىم گاردىن قايتقان توپ ئالدى؛ جاڭ چىڭپېڭ 12  نومۇر ئالدى؛ شىرئەلىجان ئىككى نومۇر ئالدى؛  يۈ چاڭدۇڭ ئالتە نومۇر ئالدى؛  سېنگېلدون توققۇز نومۇر، ئالتە قېتىم گاردىن قايتقان توپ ئالدى، ئۈچ قېتىم قالپاق كىيدۈردى ۋە ئىككى قېتىم توپ تارتىۋالدى؛ ۋون ۋافېر 30 نومۇر ئالدى؛ قىرانبەك ئالتە نومۇر ئالدى.

گۇاڭدۇڭ كوماندىسىدىن تۆت ئەزا قوش خانىلىق نومۇر ئالدى. يى جيەنليەن 14 نومۇر، 18 قېتىم گاردىن قايتقان توپ ئالدى؛ دىئوگو 17 نومۇر، سەككىز قېتىم گاردىن قايتقان توپ ئالدى ۋە ئۈچ قېتىم توپ تارتىۋالدى؛  جۇ فاڭيۈ ئۈچ نومۇر ئالدى؛ دۇڭ جياڭخۇا تۆت نومۇر ئالدى؛  سېرون 21 نومۇر، ئالتە قېتىم گاردىن قايتقان توپ ئالدى ۋە بەش قېتىم ياردەمچى پاس بەردى؛ ۋاڭ شېپېڭ 18 نومۇر ئالدى؛ ليۇ شياۋيۈ يەتتە نومۇر ئالدى.