شىنلاڭ تەنتەربىيە خەۋىرى  بېيجىڭ ۋاقتى 8- ئاينىڭ 26- كۈنى، 22 - نۆۋەتلىك ئاسىيا ياشلار  U18 دەرىجىلىك ۋاسكېتبول  مۇسابىقىسى ھەل قىلغۇچ باسقۇچى موڭغۇلىيە ئۇلانباتۇر شەھىرىدە داۋاملىق ئىلىپ بېرىلىپ، جۇڭگو  دۆلەت ياشلار ۋاسكېتبول كوماندىسى ئەڭ ئاخىرقى ۋاقىتتا كوماندا ئەزاسى گاۋشاڭنىڭ ئىككى نومۇر ئېلىشى بىلەن  93-91   نەتىجە بىلەن  كورىيە دۆلەت ياشلار ۋاسكېتبول كوماندىسىنى مەغلۇپ قىلىپ، ئاسىيا ياشلار  U18 دەرىجىلىك ۋاسكېتبول  مۇسابىقىسىدە يەنە بىر قېتىم چېمپىيون بولدى.
   بۇ نۆۋەتلىك ئاسىيا ياشلار  U18 دەرىجىلىك ۋاسكېتبول  مۇسابىقىسىدە، جۇڭگو  دۆلەت ياشلار ۋاسكېتبول كوماندىسى ئۇدا توققۇز مەيدان غەلىبە قىلدى. بۇ مەيدان مۇسابىقىدە ۋاڭ جېلىن 30 نومۇر، 13 قېتىم گاردىن قايتقان توپ ئالدى، گاۋشاڭ 28 نومۇر، توققۇز گاردىن قالغان توپ ئالدى؛ دەي خۈەيبو 18 نومۇر ئالدى. كورىيە  دۆلەت ياشلار ۋاسكېتبول كوماندىسى ئالدىنقى نۆۋەتلىك  ئاسىيا ياشلار  U18 دەرىجىلىك ۋاسكېتبول  مۇسابىقىسىدە ئىككىنچى بولغان كوماندا سۈپىتى بىلەن ئومۇمىي كۈچى دۆلىتمىز ياشلار ۋاسكېتبول كوماندىسى بىلەن ئانچە پەرقلىنىپ كەتمەيتتى. ئىككى كوماندا كەسكىن مۇسابىقە ئىلىپ بېرىش ئارقىلىق جۇڭگو ياشلار ۋاسكېتبول كوماندا ئەزاسى گاۋشاڭ ئەڭ ئاخىرقى تۆت سكوت ئىچىدە ئىككى نومۇرلۇق توپتىن بىرنى كىرگۈزۈپ، دۆلىتىمىزنىڭ غەلىبە قىلىشغا ياردەم قىلدى.