ئەنگلىيە«كۈندىلىك پوچتا»گېزىتىنىڭ خەۋىرىگە قارىغاندا، چېلسى كوماندىسى كېلەر مۇسابىقە پەسلىدىكى نەتىجىسىنى ياخشىلاش ئۈچۈن ياراملىق بىر ھۇجۇمچى ئىزدەۋاتقان بولۇپ، ناپلېس كوماندىسىدىكى ئۇرۇگۋايلىق ھۇجۇمچى كاۋانى چېلسى كوماندىسىنىڭ بىرىنجى نامزاتى بولۇپ قالغان.
ئانېلكانىڭ كوماندىدىن ئايرىلىپ جۇڭگوغا كېلىشى، دىروگبانىڭمۇ يازدا كوماندىدىن ئايرىلدىغانلىقى، توررېسنىڭ تازا دېگەندەك ئېچىلالماسلىقى، ئۆتكەن يىلى قېتىلغان يېڭى ماھىر لۇكاكۇنىڭ پىشمىغانلىقى دېگەندەك سەۋەبلەر تۈپەيلى چېلسى كوماندىسى پىشقان، ئۆزىنى چوڭ مۇسابىقىلەردە ئىسپاتلاپ باققان، توپ كىرگۈزۈش ئۈنۈمى يۇقىرى بىر ھۇجۇمچى ئىزدەۋاتقان بولۇپ، ناپلېس كوماندىسىدىكى كاۋانى دەل يۇقىرىقى شەرتلەرنىڭ ھەممىسىگە چۈشىدىغان ماھىر ھېسابلىنىدۇ.ئۇ بۇ يىلقى مۇسابىقە پەسلىدە ئىتالىيە بىرلەشمە مۇسابىقىسى ۋە ياۋروپا چېمپىيونلۇقى مۇسابىقىلىرىدە جەمئىي 23 توپ كىرگۈزدى. چېلسى كۇلۇبى ئۇنىڭ ئۈچۈن 35 مىليون ياۋرولۇق باھا قويغان بولۇپ، ئەنگىلىيىدىكى «كۈندىلىك پوچتا»گېزىتىنىڭ خەۋىرىگەئاساسلانغاندا، ناپلېس بىلەن چېلسى كوماندىسى ئوتتۇرىسىدىكى سۆھبەت 3-ئاينىڭ 30–كۈنى ئېلىپ بېرىلىدىكەن. |
