بېيجىڭ ۋاقتى 26-دېكابىر سەھەر، NBAنىڭ يېڭى مۇسابىقە پەسلىدىكى دائىملىق مۇسابىقىلىرى رەسمىي باشلاندى، بۇنىڭ ئىچىدە كۆل ئادىمى كوماندىسى ئېچىلىش مۇراسىمىدىكى مۇسابىقىدە 87-88 نەتىجە بىلەن بۇقا كوماندىسىغا ئۇتتۇرۇپ قويدى، كوبى بۇ مەيدان مۇسابىقىدە 28 نومۇر، 7 گاردىن قايتقان توپ ئالدى، 6 قېتىم ياردەمچى پاس بەردى. 

            بۇ مەيدان مۇسابىقە كوبىنىڭ 16-مۇسابىقە پەسلىگە قەدەم قويغانلىقى، 14-قېتىملىق روژدېستىۋو چوڭ جىڭىگە قاتناشقانلىقىدىن دېرەك بېرىدۇ، بۇ سانلىق مەلۇماتلار كوبىنىڭ قېرىپ قالغانلىقىدىن خەۋەر بېرىپ تۇرسىمۇ، بىراق ئۇ مەڭگۈ ئۆزىنىڭ چېمپيون بولۇش نىشانىنى ئۆزگەرتمەيدۇ. كۆل ئادىمىكوماندىسى ئودومنى ئالماشتۇرىۋەتكەچكە ئەمەلىي كۈچىدە ئازراق تۆۋەنلەش بولغان، كوبىمۇ ئايالى بىلەن ئاجرىشىش خەۋپى شۇنداقلا قول بېغىشىنىڭ يارىلىنىشى قاتارلىق ئىشلار تۈپەيلى كەيىپىياتى ناچار بولغاچقا، مەيلى كوماندىنى يېتەكلەش بولسۇن ياكى ئۆزىنىڭ رولىنى جارى قىلدۇرۇش جەھەتتە بولسۇن قېيىنچىلىق ناھايىتى چوڭ ئىدى. بىراق كوبى بۇ قىيىنچىلىقلارغا باش ئەگمەي قەيسەرلىك بىلەن ئالغا ئىنتىلدى.

        مۇسابىقىنىڭ چوڭقۇرلىشىغا ئەگىشىپ كوبى ئۆزىنىڭ ئەمەلىي ھەرىكىتى بىلەن بارلىق كىشىلەرگە: مەندە مەسىلە يوق، دېگەننى ئىسپاتلاپ بەردى.  بىراا پۈتۈن مەيدان مۇسابىقىدە ئىپادىسى ئالاھىدە بولۇپ كېلىۋاتقان كوبى ئەڭ ئاخىرقى ھەل قىلغۇچ باسقۇچلاردا بىر نەچچە ھالقىلىق خاتالىق ئۆتكۈزۈپ قويۇپ، رەقىبىنىڭ يېتىشىۋېلىشى ھەتتا ئېشىپ چۈشۈشىگە شارائىت يارىتىپ بەردى. مۇسابىقىدە ئۇتتۇرۇپ قويغاندىن كېيىن كوبى ناھايىتى تېڭىرقىغان ھالدا تۇرۇپ قالدى، 2008-يىلىدىن بۇيان كۆل ئادىمى كوماندىسى روژدېستىۋو بايرىمىدا رەقىبىنى يېڭىپ باقمىغان ئىدى، بۇ قېتىممۇ داۋاملىق بۇ ئەنئەنىگە ۋارىسلىق قىلدى، كوبىمۇ بۇ مەيدان مۇسابىقىدە ئەڭ زور زەربىگە ئۇچرىغان ماھىر بولۇپ قالدى