شىنجاڭ ئاخبارات ۋاسىتىلىرى قوزغىغان «مەن پۇتبولنى سۆيىمەن، شىنجاڭ يېزا ئۆسمۈرلىرىنىڭ چۈشىنى رېئاللىققا ئايلاندۇرۇش پاراۋانلىق پائالىيىتى» 14-ئاۋغۇست تۇرپاننىڭ ئايدىڭكۆل يېزىسىدا ئىككىنچى ئۆسمۈرلەر كوماندىسىنى قۇردى. ھەربىر يېزا ئۆسمۈرنىڭ ئىسمى، ھەربىر پۇتبول سايمانلىرى جۇڭگونىڭ دېڭىز يۈزىدىن ئەڭ تۆۋەن بولغان جايدىكى بالىلارنىڭ پۇتبولغا بولغان ئارزۇسىغا ئۈمىد ئاتا قىلدى. بۇ يىل ئىيۇلنىڭ 23-كۈنى « مەن پۇتبولنى سۆيىمەن، شىنجاڭ يېزا ئۆسمۈرلىرىنىڭ چۈشىنى رېئاللىققا ئايلاندۇرۇش پاراۋانلىق پائالىيىتى » تۇرپان يالقۇنتاغ ئېتىكىدە قوزغالغاندىن بۇيان نۇرغۇن مېھىر-شەپقەت ئەلچىلىرى بەس-بەستە بۇ پائالىيەتكە قاتناشتى. بۇ قېتىم قۇرۇلغان ئايدىڭكۆل قىزلار پۇتبول كوماندىسىغا گومىي ئېلېكتر ئۈسكۈنىلىرى شىركىتى مەبلەغ ياردىمى قىلغان. ئەسلىدىكى شىنجاڭ سەنئەت مەكتىپىنىڭ پروفېسسورى تۇرسۇنجان زۇنۇنمۇ بۇ قېتىملىق پائالىيەتنىڭ پىدائىيلىرىدىن بولۇپ، مەخسۇس بۇ قېتىملىق پائالىيەتكە قاتنىشىش ئۈچۈن كەلگەن، ئۇ نەق مەيداندا بالىلارنىڭ پۇتبولنى سۆيۈش روھىدىن تەسىرلەنگەن ۋە ئۆزىنىڭ بارلىق كۈچىنى چىقىرىپ بۇ بالىلارنى قوللاش ئىرادىسىنى بىلدۈرگەن |