2012-يىللىق لوندون ئولىمپىك تەنھەركەت يىغىنىغا پۇختا تەييارلىق قىلىپ جوڭگو كوماندىسىغا پاراملىق ماھىر تەربىيلەپ بېرىش ،شىنجاڭ بوكىس كوماندىسىنىڭ تېخىمۇ تېز تەرەققىي قىلىشنى ئىلگىرى سۈرۈش تەنھەركەتچىلىرىمىزنىڭ مۇسابىقە تەجرىبىسىنى ئاشۇرۇش مەقسىتىدە ئېلىپ بارغان 21-ئىيۇلدىن 24-ئىيۇلغىچە  جوڭگو شىنجاڭ خەلىقئارا بوكىس مۇسابىقىسى ئاقسۇدا ئۆتكۈزۈلدى ،بۇ شىنجاڭ بوكىس كومادىسىنىڭ پارتىيە قۇرۇلغانلىقىنىڭ 90يىللىقىغا ئاتىغان يۈرەك سوۋغۇسىدۇر .بۇ مۇسابىقىنى شىنجاڭ ئۇيغۇر ئاپتونۇم رايونلۇق تەنتەربىيە ئىدارىسى ئۇيۇشتۇرغان بۇلۇپ ،ئاقسۇ ۋىلايىتى ۋە ئاپتونوم رايونلۇق بوكىس تەنھەركىتى باشقۇرۇش مەركىزى ئۆتكۈزۈشنى ئۈستىگە ئالغان .

   مۇسابىقە كومېتىتى مۇسابىقىدە قالايمىقانچىلىق يۈز بېرىشىنىڭ ئالدىنى ئېلىشنى ئويلۇشۇپ بېلەت سېتىشتا ھەربىر تاماشىبىننىڭ كىملىكىنى تىزىملاپ بېلەت سېتىلىش تۈزۈمىنى قوللانغاچقا ،تاماشىبىنلارغا بىر قىسىم قولايسىزلىقلارنى ئېلىپ كەلدى .

  بۇ قېتىمقى مۇسابىقىگە كەلگەن ،دۆلەتلىك بوكىس ،تايكۋاندو تەنھەركەتچىنى باشقۇرۇش مەركىزىنىڭ مۇدىرى چاڭ جيەنپىڭ شىنجاڭ بوكىسچىلىقى توغرىسىدا توختۇلۇپ مۇنداق دېدى :شىنجاڭ بوكىس كوماندىسى مەملىكىتىمىزنىڭ ئالدىنقى قاتارىدا تۇرىدۇ دېيىشكە بولىدۇ .ھازىرقى ۋەزىپە 2012-يىللىق لوندون ئولىمپىك تەنھەركەت يىغىنىغا قاتنىشىش سالاھىتىگە ئېرىشىش .