دۇنيا ئەرلەر ۋالىبول لەۋھە تالىشىش مۇسابىقىسىدە جۇڭگو 3:0 نەتىجە بىلەن فىرانسىيەگە يېڭىلىپ قالدى       

　　خەلق تورىنىڭ 28-سېنتەبىر بەرگەن تېلېگراممىسى. بېيجىڭ ۋاقتى بۈگۈن سەھەردە، 2010-يىللىق دۇنيا ئەرلەر ۋالىبول لەۋھە تالىشىش مۇسابىقىسىنىڭ ئەڭ ئاخىرقى بىر كۈنلۈك گۇرۇپپا مۇسابىقىسى ئىتالىيەدە ئۆتكۈزۈلدى، جۇڭگو كوماندىسى 3 مەيدان جىددىي ئېلىشقان بولسىمۇ، ئەمما يەنىلا 0:3 نەتىجە بىلەن فىرانسىيە كوماندىسىغا يېڭىلىپ قېلىپ، كىچىك گۇرۇپپىدىكى ئۈچ مەيدان مۇسابىقىنىڭ ھەممىسىدە يېڭىلىشتەك نەتىجە بىلەن شاللىنىپ كەتتى. جۇڭگو كوماندىسى ئۈچ مەيدان مۇسابىقىدىكى 17:25، 20:25، 19:25 نەتىجىسى بىلەن 19-ئورۇنغا تىزىلىپ، نەتىجىسى تارىختىكى ئەڭ ناچار ھالەتكە چۈشۈپ قالدى.