19-نۆۋەتلىك دۇنيا لوڭقىسىنى تالىشىش مۇسابىقىسىنىڭ ئەڭ ئاخىرقى ھەل قىلغۇچ مۇسابىقىسى ئېسپانىيەنىڭ غەلبىسى بىلەن ئاخىرلاشتى،بۇ قېتىمقى مۇسابىقىدە گوللاندىيە كوماندىسى گەرچە 116مىنۇت بەرداشلىق بەرگەن بولسىمۇ ئېسپانىيە كوماندىسىنىڭ 6-نومۇرلۇق ماھىرى ئىنىستا پۈتۈن مۇسابىقە ئاخىرلىشىدىغانغا 4مىنۇت قالغان ۋاقىتتا بىر توپ كىرگۈزۈپ ئېسپانىيەنى غەلبىگە ئېرىشتۈردى،بۇ مۇسابىقە نۇرغۇن پۇتبول مەستانىلىرىنىڭ مۇسابىقىدىن بۇرۇن پەرەز قىلغىنىدەك بوپ چىقتى. ئېسپانيە كوماندىسىنىڭ كوماندا باشلىقى كاسىلىياس خوشاللىق ياشلىرى بىلەن لوڭقىنى ئېگىز كۆتۈردى.بۇ قېتىمقى مۇسابىقىگە رېپىرلىق قىلغۇچى باش رېپىر ئەنگىلىيەلىك ۋېبو مۇسابىقىدىن بۇرۇن جامائەتچىلىككە ھەرگىز يۇمشاق قول بولمايمەن دېگەن ۋەدىسىگە ئەمەل قىلىپ پۈتۈن مەيدان بويىچە گوللاندىيە كوماندىسىدىكى 11نەپەر ئەزاغا 9دانە سېرىق كارتا بەردى.بۇمۇ بەلكىم يېڭە بىر رېكورىت بولسا كېرەك،دۇنيا پۇتبول مەستانىلىرىنى بىر ئاي قىينىغان بۇ مۇسابىقە ئاخىرىدا ئېسپانىيە كوماندىسىنىڭ غەلبىسى بىلەن ئاخىرلاشتى.ھەممىمىز 2014-يىلى بىرازىلىيەدە ئۆتكۈزۈلىدىغان 20-قېتىملىق دۇنيا لوڭقىسىنى تالىشىش پۇتبول مۇسابىقىسىدە كۆرۈشەيلى