Gگورۇپپىدىكى تۇنجى مەيدان مۇسابىقە كېتىدوۋا بىلەن پورتۇگالىيە ئوتتۇرىسىدا ئېلىپ بېرىلدى، پورتۇگالىيە كوماندىسدىكى رونالدو قاتارلىق دۇنياۋى چولپانلار ئۆزلىرىنىڭ ماھارەتلىرىنى تولۇق نامايەن قىلىپ شىددەت بىلەن ھۇجۇم قىلغان بولسىمۇ رەقىبىنىڭ مۇستەھكەم مۇداپىئەسى،قاپقىنىڭ تۆمۈرلىرى، ۋارېتارنىڭ چەبدەسلىكى ئۇلارنىڭ ھۇجۇملىرىنى بىرمۇ بىر يوققا چىقاردى، ئاخرىقى نەتىجە ئىككى كوماندىنىڭ توپ ئۇرالماسلىقى بىلەن ئاخىرلاشتى.

ئىككىنچى مەيدان مۇسابىقە بىرازىلىيە كوماندىسى بىلەن چاۋشىيەن كوماندىسى ئوتتۇرىسىدا ئېلىپ بېرىلدى، مۇسابىقىدىن بۇرۇن چاۋشىيەن كوماندىسىنىڭ كوماندا ئەزالىرىنىڭ بىز ھەرقاچان بىرازىلىيە كوماندىسىنى مەغلۇپ قىلغۇدەك جاسارەت ھەم كۈچكە ئىگە دېگەن سۆزلىرى ھەممەيلەننىڭ دىققىتىنى تارتقان ئىدى، بىراق پۇتبول پادىشاھلىقى دەپ نام ئالغان بىرازىلىيە كوماندىسى ئۆزلىرىنىڭ شەخسى تېخنىكىسى ۋە ماسلىشىشچانلىقى بىلەن ئىككى توپ كىرگۈزۈپ ئۈستۈنلۈككە ئېرىشتى،چاۋشىيەن كوماندىسىمۇ ئاخىرقى ھېساپتا بىر توپ كىرگۈزگەن بولسىمۇ نەتىجە بىرازىلىيە كوماندىسىنىڭ غەلىبە قىلىشى بىلەن ئاخىرلاشتى،مۇسابىقىدىن كېيىن ئاخبارات ۋاستىلىرى چاۋشىيەن كوماندىسىنىڭ مەيداندىكى جاسارىتىگە يۇقىرى باھا بەردى. شۇنىڭ بىلەن ئىككى مەيدان مۇسابىقىدە بىرازىلىيە كوماندىسى ئالتە نومۇرغا ئېرىشىپ گورۇپپىدىن چىقىش ئەھۋالى ئاساسەن مۇقىملاشتى.