بىر كۈنى، بىر ئەر بېرىلىپ كىتاپ كۆرۈپتۇ، ئايالى تېلېۋىزورغا قاراپ ئولتۇرۇپتۇ. بىر چاغدا، ئېكراندا بىر جۈپ ئاشىق-مەشىق پەيدا بوپتۇ، يىگىت قىزغا: «سۆيۈملۈكۈم، مەن ئەزەلدىن سىزنى ئۆز بەدىنىمنىڭ بىر ئەزاسى، دەپ قاراپ كەلدىم» دەپتۇ.

بۇ گەپنى ئاڭلاپ قاتتىق تەسىرلەنگەن ئايال ئېرىگە:
ـ ھەي، سىز مېنى قاچان ئۆز بەدىنىڭىزنىڭ بىر ئەزاسى، دەپ قاراپ باققان؟ - دەپتۇ.
ئەر ئۇنىڭ ئۆزىنىڭ كىتاب ئوقۇشىغا دەخلى قىلغانلىقىغا خاپا بولغان بولسىمۇ، ئۈندىمەي يەنە كىتابىغا قاراپ ئولتۇرىۋېرىپتۇ.
ـ ھەي، مەن سىزگە گەپ قىلىۋاتىمەن! سىز مېنى بەدىنىڭىزنىڭ قايسى ئەزاسى، دەپ بىلىسىز؟
ئەر ئەمدى تاقەت قىلالماپتۇ:
ـ سوقۇر ئۈچىيىم!