ئەپەندىمنىڭ بىر ئاغىنىسى چايخانىدا چاي ئىچىپ ئولتۇرۇپ ئەپەندىمگە:
- دۇنيادا جاۋابى تېپىلمايدىغان نەرسە يوق، - دەپتۇ.
- ناتايىن، - دەپتۇ ئەپەندىم بېشىنى چايقاپ، - مەن مانا جاۋابى تېپىلمايدىغان نەرسىگە يولۇققان.
- مەن بار يەردە جاۋابى تېپىلمامدىكىن دەپ ئەنسىرىمە، ئېيتە قېنى، توغرا جاۋابنى تېپىپ بېرىمەن، - دەپتۇ ئاغىنىسى قولىنى شىرەگە ئۇرۇپ.
- نېمىدېگەن ياخشى، دەپتۇ ئەپەندىم ۋە ئورنىدىن تۇرۇپ ئاغزىنى ئۇنىڭ قۇلىقىغا يېقىن ئەكېلىپ، - نېمىشقا ئاۋۇ كۈنى ئاخشىمى دېرىزىدىن ئوغرىلىقچە ئۆيۈمگە كىرىۋالىسەن؟ - دەپتۇ. |
بۇ تۇغنى ئۇلاپ باس - باس تورىنى ئۇلىنىش قىلىۋېلىڭ !
